.
.
.
.

7
7
7

الحكي واجد مار مدري وش آقول = بس الوكاد اني معك رحت فيها

7
7
7

تدخل بـقلبي كذا من دون كلمة مـرور=مشاعر ٍ من غرامك مالهـا موعـدي
القلب يولـه عليـك وبالغـرام مْغمـور=وش عاد باقي عشان اعطيـك ياسيّـدي

7
7
7

يالذاهبه ويش العمل مادامني معك انكوي= قولي وش الحل الصحيح اللي يجول بخاطرك
انا معك طول العمر لو كان دربك ملتوي = بشفاتك اطلع للزمن من ثم اغيب بناظرك

7
7
7
7

قهرني الوقت الردي والبخت شح !!!=وأجبرني الغالي على طمرت السووور
ياصاحبي صوتي وانا آصيح بك ... بح = أبغى وصالك وانت لاهي ومسروور
فهّمتني طرق الهوا يالغلا صح = واصبحت فيها جامعي .. قووول دكتووور
ان قلت روّح جيت !! وان قلت لي رح !! = أروح ..... وبطاعة أوامرك ... معذوور

.
.
.

من بعدها صار الوصال =وأفرح ليا قالت تعال
أسمر معاها وانحكي =مااحلا حكي زين الدلال

أحسّ لاقلت ( أحبّك ) شبه عاديّه = لأن حبّك غدى أسمي وعنواني
من قبل عيني تشوفه يلتفت فيّه = وألقاه جنبي قبل لاآروح له عاني
ترا هدب عينك مصيبة سماويه = والقلب مجني عليه ورمشك الجاني
مادام ربك عطاك شفاه ورديه = خل الدلع بالكلام ارجووووووووووك منشاني

.
.
.

اعترف ودي اضمّك على صـدري=والغلا والـودّ قطّـاع الانسامـي
فات حبك وسط قلبي وانا مـدري=له سنه واصبح الى موتي إلزامي
من غلاك آجاوب بصوتي الكدري=ساعة يغرّد على سـود الايامـي
في عيونك شفت منزالي وقـدري=مثل ماشفت اللكاعه من اخصامي
ياعسل وادي النحل ياعسل سدري=ياثمار الشام بأفـواه الاشوامـي
رمشك الفوقي إذا لامس الحـدري=آتخيّـل منظـره تقْـل قـدّامـي
من عذول الحب انا حيل متمدري = ناس ٍ بـدرب الهوا مثل الالغامي
ارتجيك ودم الافراح منهدري = مثل رجوى المدّ بـ عيون الايتامي
خافقي يحكيك بالورد والصدري = قالها الاول رعا الحب مايلامي
وييييين..... ياشيخ الغلا توّنا بدري = دام قربك أُنسي ومصدر إلهامي
القضيّة كلّها ماآعرف ... مـدري= بس اعرف اني على منهلك ضامي

.
.
.

.
.

ليت أنّ قلبي يقبل البعد الوصدّ = لاصدّ عنك ولااكترث حين طرياك
لكنّ حبك وسط قلبي بلا حدّ = مع العرب بس آتخيّل حلاياك
واليوم ياشيخ الغلا مايس القدّ = لاقادر آصل لك ولا قادر أسلاك

.
.
.

حبّك سكن بالروح يامهجة الـروح=ولا لي على السلوان عنك استطاعه
صدى سواليفك معي وين مااروح = على مدار ( اربع وعشرين ) ساعه

.
.
.
.

احس انّك بديتي تبعدين وتاخذين الروح = واحس اني بديت آضيع بك والهمّ يزدادي
انا من يوم ماشفتك وانا ابني للغرام صروح = ولكن بعدها حسّيت أني وسطها غادي
انا ماجاب لي سهر الليال الا انت يالمملوح = من اسبابك سهرت الليل حتّى ملّ مقعادي
حلالك لو تبي تجرح حرام ان قلت انا مجروح = لكنْ اعرف ترا ضلمك على قلبي مهو عادي
يابنت الناس وش يعني رجل مثل الحمام ينوح = غدا قلبه من طعونك مثل ساحات بغدادي
اذا انّتي تذكرين الليله اللي صار فيها البوح = ترا والله هذيك الليله اللي طيفها بادي
ابا اصبح مثل مجهول الهويّه وآغدي مشفوح = بعد فرقاك ....لكنّي لي بـ ذكراك ميعادي
فمان الله يانور العيون وجرحي المفتوح = فراقك صعب لكن ويش اسوي وقتي اجهادي
زمان ٍ جابك اقفابك وخلاّبي حزن وجروح = اكيل الرابعه واغيييييييييب ثم ٍ باسمك آنادي
انا ويّا هجوس الليل احد طارح وأحد مطروح = تلاعبني والاعبها تجي أجواز وافرادي
انا حالي بعد فرقاك بأعيوني أبد مشرووووح = قضّية جتك شاهدها بها يابنت الاجوادي
مثل يعني : فريق ٍ روّح بخمسه صفر مكسوح = اذاً لاتسأليني وش شعور مدرّب النادي
انا مااعْرف متى يوم الوفاه وعلمها باللوح = لكنْ ساعة بدينا بالهوا هي يوم ميلادي

مضحي عايد الشبر

ماجمل الابيات والقصايد والمقتطفات

رايع واللي خذى قلبك يتهنابه

قل آآآ مين

ابداع يالغالي

من بعدها صار الوصال
.............وأفرح ليا قالت تعـال

أسمر معاها وانحكـي
............مااحلا حكي زين الدلال

مضحي عايد الشبر
رائع ونهني انفسنا بوجودك معنا مضحي عايد الشبر مضحي الرائع

لك كل الاحترام والتقدير

المشاركة الأصلية كتبت بواسطة أحمد المنادي المبدع ابو رحاب صح لسانك مدد بلا عدد ولي عوده تحياااتى

المشاركة الأصلية كتبت بواسطة عبدالكريم العنزي مضحي الشبر صح لسانك على الابيات الجميله لك التقدير والاحترام