ياصوت طشات المطر .. ياضحكه الطفل الغرير=لاتلومني لو شفت عيني وسط عينك حايره
اموت وقت اطلالتك .. والموت يومـ.ن تستدير=يعني بكل الحالتين .. الموت لي متخايره
دخيل سنك لايعض شفاك وشفاتي تغير=ويديني اللي من طرف سلسال صدرك غايره
لاضقت من دقات قلبي ..رح فديتك للنضير=اسكن مابين رموش عيني والدموع الثايره
احتاج لك شيخـ .ن عمى واشتاق لك طفلـ .ن صغير=وان كان عشقك شرك شفني مقترف كبايره
ودي بشوفك بالمسا لا تقول لي حزه عصير=لعلي اروى من ظما ذيك السنين الجايره
ايه انت لا تنظر ورى هو فيه غيرك ياخطير=قلبي مهو قد الدلع لكن طلبتك سايره

سلطان المسلط قصيدة رااائعة جداااا تجبرك على قرائتها اكثر من مرة واسئل الله ان لا يؤاخذنا بما نقول سلطان المسلط سجل اعجابي بما كتبت وننتظر القادم وتقبل تحياتي لك