ياللي تناظرني بعينك ومهتَمْ= وش قصتك واقف ومخفي كلامك
واقف بصمت وساكتٍ ماتكلَمْ = كن الكلام اعلنت عنه صيامك
صوبت يمي نظرتك دون مفهَمْ =مدري وش القصه ولا ادري علامك
هو مقصدك اعجاب والا مسالَمْ=او مقصدك انا نذوب بغرامك
شفتك وسط تلك العباية ملثَمْ= وشدتني النظرات وروعة قوامك
شفت الصفات الرايعه فيك تلتَمْ=واعجبتني والله بحسن احتشامك
قربت عندك قلتلك ياهلا سَمْ=وش قصتك عجزت تشيلك عظامك
هات الذي عندك عسى دوم تَسَلمْ= وياك تعلن صاحبي انهزامك
ارئف بحالي صاحبي دوم وارحَمْ = واكشف عن اعيوني غشاوة ظلامك
اجمع كلامك واحذر اتكون ظالَمْ=واسمع لنا صوتك وبلغ سلامك
انا ترى سبتك صرت اتألَمْ= خايف زمان الوقت لايكون ضامك
ازبن علي ولا اضنك بتظّلَمْ= شدالظهر بيه وخذني حزامك
وان كان ودك قلبي وفيه تحلَمْ= اخذةهدية صاحبي المقامك
وهبتلك قلبي وروحي تسلَمْ=وكل الجسد ملكك و حاضر امامك
وانكنت مغرم فالغرامي تولَمْ=وفطن تراني واقعٍ في هيامك
قلبي مع قلبك حبيبي تأقلَمْ= من يوم ماصوبت يمه سهامك

QUOTE=ماجد الجعفري]مشرفي ورواد منتدى ويلان

اليكم هذة المتواضعة

[/QUOTE]

شفتك وسـط تلـك العبايـة ملثَـمْ ++ وشدتني النظرات وروعة قوامـك
شفت الصفات الرايعه فيـك تلتَـمْ ++ واعجبتني والله بحسـن احتشامـك


صح السانك على الوصف الرائع

المشاركة الأصلية كتبت بواسطة نجلاء محمد ياللـي تناظرنـي بعينـك ومهتَـمْ وش قصتك واقف ومخفي كلامـك واقف بصمـت وساكـتٍ ماتكلَـمْ كن الكلام اعلنـت عنـه صيامـك صوبت يمي نظرتـك دون مفهَـمْ مدري وش القصه ولا ادري علامك شاعرنا الكريم رائعه من روائعك الدائمه ابداع وترجمه للأحاسيس بصوره مليئه بالجمال والشاعريه صح السانك واعتلى شانك دمت مبدعا تحياتي وتقديري