الله الله بالسناعه.. لابارك الله بالكسل..!
.
. مدخل // يا وخيتي اذا انتس طول اليوم كرف × كرف .. و ترجعين من دوامتس و تصفقينها نومه إلى الساعه 10 .. همن تصحين من النوم ياربي لك الحمد مخدتس مخربطتن جغرافية وجهتس ... عقبه تدربين دميجتس لـ المطبخ كود تبلعين لتس شي تملين هالمعده اللي انقطع صوته ماغير تزاعق تبي لقمه ... همن تروحين تربعين قدام التلفزيون أو النت ... أو تنكسين ثانيه لم سريرتس عساتس للنومه ... و إلى جاء آخر الاسبوع .. تب تقولين عندي امتحانات .. و ما ذاكرت .. و تب تنرزعين فـ بيتكم .. لا تدخلين و لا تطلعين تشمين لتس هواء و لا تشوفين أوادم .... و لاّ تب تروحين لم بيت وحده من صديقاتس ... هاللي معتس فـ الدوام كل أبو بتله ... و تب تقابلن بعض إلى ما يقضي الله أمرا كان مفعولا ...! سؤال(ن) يجدع نفسه // متى يب يسمع / يعرف الناس إنتس سنعه و تعرفين المواجيب و السلوم اللي تجمد على الشارب <--- على شعرتس عفوا :D و / سؤال(ن) ما يجدع نفسه <---- يا خف دمتس بعد :D مع وين و إلى متى و ربما أو لعل و كيف .. مترجيتن تعرسين يا حظي :D . . الموضوع // التوجيبات الاجتماعية .. شيء مهم كثير في عملية التواصل بين الناس .. قريبين كانوا أو بعاد ... و يا كثر ما قلنا رأينا في شخص على حسب تقييمنا لـ " ضبطه / تقديمه " للمواجيب ... و فزعاته اللي تبرد الصدر !! :) . . مثلا ........ الرد على التليفون .. وحدتن من خواتي لا ردت .. لازم تقول : آلووووووووووووووو ... و الثانيه ترد و تمسك خط : وعليكم السلام ورحمة الله وبركاته .. حتى ولو ما سلمتي ... و أخوي الصغير يرد و هو ينفخ : أقول ميييييييين :p من الذوق ... إنتس تردين بكلمة (نعم) بطريقة طبيعيه ... لا تجلسين تمايعين لي بصوتس ... و بنفس الوقت لا ياصل حد الهواش :cool: استقبال الضيوف / السلام عليهن احرصي على الابتسامه ... لكن مب معناته ترزّين كل ضروستس يا بعدي ... كل ما صار الانسان على طبيعته كل ما صار مرتاح أكثر ... وضحي فرحتس بـ دخلتهم عليتس ... و كثري من تحاييهم ... و ( حياكم الله ) و ( تو ما نور البيت ) حسسي هاللي دخلوا عليتس إن زيارتهم ما ثقلت عليتس أبد ! صب القهوة .. لا تملين الفنجال إلى ما يطفح .. ولا تقللين الكمية بحيث إن القهوة ياااااااالله تبين بـ القاع! ... من الذوق لا مديتي الفنجال ... لا تقولين دوتس ولا خوذي .. تقل داخلينن عليكم يشحذون ... مدي يدتس بكل انسيابيه و قولي : (سمّي) .... و لو كنتي اللي ممدودن له حلو يكون ردتس (لا هنتي / أو سمّ الله عدوتس). في العزايــــــم لا قاطعتس أحد بالكلام لا تطبين بوجهوه و تشّرين على اثمتس يعنني جالستن أتكلم ... ترا يب يسفهتس و اقعدي به عاد ... بكل ذوق و اريحية قولي : ( اسلمي ) حتى و ان كنتي من داخلتس تب تنفقعين! . . موقف شين // قبل لا تجدعين الحتسي ... قوليه في قلبتس خمسين مره <------ طراه إن وحدتن قضت من العشا في بيت ناس ... قامت من الطاوله .. وهي تبي بزعمه تشكرهم .. قالت ( عامر ودامر إن شاء الله ):D قبل أنسى // مب حلى أكمل كل الموضوع بلحالي عاد .... العون يا جماعة الربع أي شيء يخطر على بالكم .... مواجيب تقديم العزاء ... العروس ... الولادة .. العيد .. الحج .. رجعة الغايب .. البيت الجديد ... // .. مواقف تطيح الوجه .. ردودن بالعزايم ماله أم الداعي :D مواقف طريفة .. مواقف مخيفه .... ترانا نستقبل كلش ! نحتريكمـــــــ .. ! شمـــــــــــوخ |
رد: الله الله بالسناعه.. لابارك الله بالكسل..!
:cool:
علامكم ؟ مافي شكرآ طيب والا عاجزين عنها بعد :rolleyes: ,, |
رد: الله الله بالسناعه.. لابارك الله بالكسل..!
يعني الحين اللي يقرا ( التس وما التس ) <<<<<<<<من اليوم وانتي ماليه الشاشه سعابيل
يقول انس سنعه وتعرفين السنع تمام اولا هل الحديث موجه للاناث ام للذكور ام كِلا الجنسين معا <<<<<<< ( وشرايكم بالجمله تعبت على بال ما طلعت ) على طاري السنع مره واحد بعزاء وبعد ما خلصوا متعشي ومع الشبعه فقد الاخ العزيز بعد سبدي فا قال (( عساها دايمه )) يعني على باله سنع هع هع هع حسبي الله السؤال اللي يطرح نفسه من المسئول عن هذا الحدث . . . . عفوا <<<<<<<<<<<<< متأثر بالاتجاه المعاكس (( وده يصير هناك يستهبل مثلهم )) ولا مره جيت لخوي جيته بنت وابي اباركله عاد متكلف على عمري وجايب معي هديه وكل ما سويت شي اناظر الهديه لا يجيها شي متحمس والشاهد ان الهديه وشي ؟؟؟؟؟؟؟ ما قلت لي وشي <<<<<<< يا زين التسحيب بالعالم هع هع هع هع هع هع هع الهديه صح الهديه يا ابو الشباب هي بشت حق صغيرين ولعب اولاد ومتحمس ولا اهارج احد لحد ما وصلت عند اخوي كل هذا وشوله احسبه ولد وابيهم يسمونه على اسمي فـــــــهــــــــد <<<<<<<<<< مستانس على اسمك انت وجهك لا عاد يوم وصلت لخوي قلت له ابيك تسميه فهد وابشر بالطلايع <<<<<<<<<<<<< مسوي كريم على غفله ناظرا اخوي وقال انت صاحي قلت ايه صاحي من بدري حتي اني كنت جاي الصبح لمهم <<<<<<<<<<< صبح صبح يا عم الحج (( متاثر بوحه )) المهم وين وصلنا الحين شموخ وش يقولون علشان اكمل السالفه >>>>>>>>>>> اسلم ومن قال سالم صح سذا شموخ مادري بس السالفه ضاعة اذا لقاه احد الرجاء التوجه لاقرب قسم بالمنتدى وتسليمه لمشرف القسم ونحن بدورنا سوف ننشر صور المطلوبين بين المنتديات المجاوره والاقرب لمركزنا هذا وفي حديث للصحف المحليه عن انا المختطفين لا يزالون رهن الاعتقال ومن جهه اخر اشاد المسئول عن تحطم الطائره انه لا بد من التحلي بالصبر لذوي الاحتياجات الخاصه . . . ( وش السالفه ) <<<<<<<<<< انواع الشطح خلاص شموخ انا شاركت وان فهم احد سالفتي ولا شي من اللي قلته يرجا تكرما انه يفهمن وش السالفه والسلام ختام صادق المواساه لمن فقدو من عقلهم (((( وشره )))) خخخخخخخخخخخخخخخخخخخخخخخ >>>>>>>>>>>>>> لو العقل ينشري يا فهد غير اشتريلك عقل <<<<<<<<<<<<< انتي وجههههس اللي تقولي شاركو الله بلاس بردي |
رد: الله الله بالسناعه.. لابارك الله بالكسل..!
الله حيه فهد :D
ماتجووون غير بالدف هع هع <<<<< سرقهاا فهد هاا الــ هع :D مني نورت موضوووووعي .... أجل ماسموو عليييك ولايهمك أدع الله يرزقني وأسمي عليييك <<< سياسات عليا :D والموضووع للكل بس أسلووبي رايح للبنات << خوش حجه :cool: والمشاركه للكل ومترتني بمواقفك هههههههههههااااااااي دار راسي :eek: ولاتهون آخر الأخبار عندك :p نورتني فهوودي |
رد: الله الله بالسناعه.. لابارك الله بالكسل..!
شموخ
تسلم يمينك على التوجيهات ( السنعه ) وحضورك جميل في كل مكان واسم تعودنا عليه بهذا المنتدى وبحضوره القوي سواء في الردود او المواضيع المميزه .. دمتي بخير |
رد: الله الله بالسناعه.. لابارك الله بالكسل..!
ابتس متى كاتبتن هالموضوع ؟
توني اشوفه بس تراني ماجيت ادور السناعه لاني سنعه بالفطره خليني اقولتسسسسسسسسسس مواقف اذكرها مره سلمكم الله كان عندنا عشاااااااا وتعشت الضيفه وقامت جات الوالده تدهر قالت مسرع ماقمتي قالت المره كثر الله خيركم قالت امي ياويلي والله ماخليتي شي << يعني مااكلتي شي << آآآآآآآآآآآآه احس وجهي انقص الموقف الثاني اختي نوت كانت تسلم على عجوز ومدنقه عليها طبعا العجوز قاعده ويجي ولد ملقوووووووووف ويدفها الا هي طايحه بحضن العجوووووز بغت تفطس العجوز مايسوى عليها السلام عاد تبين نوت سكتت راحت تلحق الولد وسحبته من ورا امه وكفخته تقول للمره بغيت ابتلي بالعجوز بسبته . ياااااااااااااو شموخ عندي مواقف واااااااااااااجد اخاف استطرد واخذ راحتي حيل تقولون ماتنعطى وجه اذا مافيش مشاكل قوليلي عشان اكمل تشاااااااااااااااااو |
رد: الله الله بالسناعه.. لابارك الله بالكسل..!
هلا مزيد الله محييك
نورت متصفحي ومشكوووووووووور الله يسلمك أطراءك تاج على راسي :) لاهنت ع الحضــــــــــــــور , مودتي |
رد: الله الله بالسناعه.. لابارك الله بالكسل..!
هلا وغلا ام خلووووودي سوسو
لتس وحشه يالشينه هههههههههههههههههااااااااااااااي ياحبي لها نووووت دايم تطب مطبااات مدري شتبي مع العجز خذي راحتس يادووباا الموضوووع مفتووح للمواقف والسنع ونتعلم من أخطاءنا فيهااااا <<<<<<<<< مهيب عاقله كونديزا رايز تسلمين ياقلبوووو دوووووووووم منوره |
رد: الله الله بالسناعه.. لابارك الله بالكسل..!
شمـــــــــــــــــــوخ .1000 عافيه على الموضوع الرائع صحيح السناعه لابد منها واهم شي التعامل والاسلوب اذكر مره توفي وااحد من الجيران وبالعزاء راحوا جماعة المسجد قدامهم الامام....... وهو معروف دايم يلف بالسوالف غلط بدل مايقول عظم الله اجركم وش تتوقعين قال؟؟ عســـــــــــــاكم من عواده(البلشه ماحولك عيد) شموخ لك خالص الود الجوهــــــــــــــره.. |
رد: الله الله بالسناعه.. لابارك الله بالكسل..!
هلا وغلا الجوهره
حياتس الله اقتباس:
أستغفرالله هذي والله اللي مالها طب مشكله هالغلطاااات تسلمين جوجو ع المشاركه لاهنتي يا قلبوووو |
رد: الله الله بالسناعه.. لابارك الله بالكسل..!
السلام عليكم ورحمة الله وبركاته
شموخ انتي للحين عايشه :) ماادري احس اني مت ورجعت مره ثانيه للحياه هههههههههه على سالفة القهوه ياشينكم يالحريم تقلطون باليسار والفنجال متروس والله لو اني اقلطها لشايب بيكبها في وجهي:( |
رد: الله الله بالسناعه.. لابارك الله بالكسل..!
وعليكم السلام والرحمه
<<<< صاير يسلم محمد :D أبشررك للحين عايشه وأنووووووز ولله الحمد والمنه أنت وش الدنيا بك ياشيخ أشوفك شيبت :D :D بري حالي هذي الأسهم وعمايلهااااااااااا :cool: منورنا يامحمد وتراي أصب باليمين عن التسذب عااااااااااااد :D . |
رد: الله الله بالسناعه.. لابارك الله بالكسل..!
هههههههههههههههه
ايو الله انكم صدقتو الشيب ملا راسي<<<<<<<<<ملا صح ولا تنكتب ملى:) مع ان عمري ماوصل الثلاثين وشكلي بموت ناقص عمر وكله من الحرييييييييييييييييم يمالهم السنع :) <<<<<<<<<<<<<<< خوش دعوه |
رد: الله الله بالسناعه.. لابارك الله بالكسل..!
هههههههههههاااااااااي كانك بتموت ناقص عمر مالنا شغل أبدآ
الشيبه شيبه :D وخلك على ملا الأوله أحسن لك :mad: ,, |
رد: الله الله بالسناعه.. لابارك الله بالكسل..!
السلام عليكم 000
شوعم تعملو هووووووووون ؟؟ شموخ تبين مساعده شي ماشيات تراني جاهزه حلى قهوه تشريبه مطازيز اني ثنق |
رد: الله الله بالسناعه.. لابارك الله بالكسل..!
كل السنع ياكيلوبترا
مدرسة ذرااااابة خاول اطبع لها هالصفحة خخخخخخخخخ تحيتي اطلعت ظامي |
رد: الله الله بالسناعه.. لابارك الله بالكسل..!
هلا نوووت وعليكم السلااااااااااام
أبد مانسوي شيء نتعلم أصوول السنع :D مانستغني عنتس يانوووته لبى قلبتس ,,, منوره يالغلا |
رد: الله الله بالسناعه.. لابارك الله بالكسل..!
ظامي
الله يحييك منور الموضوووع أيه أطبع لها صفحه وعطها لاتفشلك عند ضيوفك <<< بديناااا حش بالبنت :D تسلم ظامي منور |
رد: الله الله بالسناعه.. لابارك الله بالكسل..!
شموخ
تسلم يمينك على التوجيهات ( السنعه ) دمتي بهذا العطاء |
رد: الله الله بالسناعه.. لابارك الله بالكسل..!
حياك الله نواف العايش
مشكور لحضورك لاهنت ,,,, |
رد: الله الله بالسناعه.. لابارك الله بالكسل..!
يعطيك العافيه
|
| الساعة الآن (08:29 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه