تغطيـــة برنامــج [ شاعــر المليـــون ]
:cool:
سلامــ الله عليـــــــــــكمــ هذي التغطيـة لبرنامج شاعر المليـون الله يحييكم بالتعليقات والنقـد البناء الخالي من التجريـح لسلوم القبايل والعرب << وش تبي ذي :D راح نتابعه ونعلق على ماقدمووه الشعــــــــــــراء فيه ورأينا بأجتهادنا فيهم .... راح أقول رأيي بصراحه في حلقة الأسبوع الماضي ... لبنان الدوسري: قصيـده ممتازه على نهـج سـهل وهـذا سبب قوّتها الشـاعر افتقـد للربـط بأسلـوب عموما قصيده ابياتها ممتـازه مثـل ما قلـت لكن لـو عرف يربط بين الابيات القويّه ذي صدقوني انا باتهور وارشحه مع ان قلبي ما يقوى على عبدالرحمن الشمري ولكن يضل لبنـان شـاعر ولكـل شـاعر عيـب وللأسف ان عيب لبنان صعب ترقيعه تصويت الجمهور عادل الى عادل جزئيا و66 ممتاز حب يدك عليها وجه وقفى يا ابودوسر ولاعاد تستلج الله يرجك بغيت تجلس على الارض وتسحب على الكنب خخخخخخخخخخخخخ لبنـان .. اعتقـد انـّي باقولك خلاص نشوف باقي قصايدك في المجلات والله يعين المجلات عليك الظاهر المجله الي بتنشرفيها نصها بتصير قصيدتك ,,,, محمد بن صالح الهاملي ( الاعزب) وانا يوم اعده ما اعده بليا شعور .. تكـّه في البدايه غير مطلوبه في مقام مثل هالمقام المكرور ؟؟ انا شخصيا اول مره اسمع هالكلمه شكل الي مغششته هيام خخخخخ لا تعليـق صراحه قصيده مجرّد سرد ومللـّه واذا تأهل هالشـاعر اسمحولي أقـول اني مستحيـل اتابع هالبرنامج مرّه ثانيه << احلفي :D ,,,, عبدالرحمن بن عادل الشمـري روضه خايفه ما تبي تكثّر كلام وتجيها ذبّه هههههههههههههههههه :D يسمح لي الغر الضحوك المريبيع.. والشمري راعي العقال المميل ياليلتن سودا وحظ منيّل الي طرح هالشعراء معك :D اتعـب وانا اقول مبـدع قــاف مستحيـــل .. وطـاروق صعـب قـاف لو كتبت عليه قصيده اي كلام اعتزلت فما بالك بقصيـده ممكن تختارها كلـّها القـاء .. واسلـوب .. وفكاهه شعريـه .. وثقـافه بس الله يهديه مخوّف روضـه تتكلم :D 92% نسبة تصوويته باختصار اقـدر اطلق على اسلوب عبدالرحمن ( الانجـاز في فـن الإعجـاز) تـأهل عبدالرحمن الشمـري شبـه محسـوم الا إذا !!!! ,,,, علي الريّض ياوليدي والجمل لامن برك للحمل شاله..والرغا عقب الهدير يضعف النفس القويّه الله يرحم ابوه ويجمعه ويجمعنا معه في الجنه علي استخدم اسلوب النصح على لسـان ابوه في اسلوب ونهـج جـديد وفاهم وعارف بمعاني قصيدته ولكـن عنـده عيـب بسيـط قلتها وانا اتجمل بالصبر واقول داله.. لو حزني ما تكفيه الحروف الابجديه الشطـر الثـاني بدايتـه فيها وقـفه خرّبت شوي من جماليـّة القصيـده وكان علي في غنى عنها ... علـي الريـّض قـد.. (قد) .. قد ( قد ) وصلت المعلومه قـد ينافس عبدالرحمن الشمري بشكـل كبيــر خصوصا انه اخذ ثقه كبيره من اول مشاركه ومن تأهله لها المرحـله.. ,, الغـزل لبنــان حتى في غزلك طعس الله يهديك ههههههههههههههه ,, الهاملي ؟؟؟؟ لا تعليق قسمن دبل تسبدي :mad: وحلة مافيها ذبة غسان أجل حلم الجيعان عيش . شكله جوعان ومستعجل ... ,, عبدالرحمن الشمـري تدري تدلل ومثلك نغفر ذنوبه .. ولعيونك الحرف لو تب تكسره غنّى مبـدع يا بطـل وربي اتعب وانا اقول مبـدع واقـل من انه ينتقـد ,, علي الريّض مازال الى الآن الشاعر الوحيد المنافـس لعبدالرحمن لو ان المنافسه على استحيـاء ,, الحكمه لبنـان الدوسـري يطلع نهاري وانا سهران ومواصل .. خخخخخ حتى البرامج يجينا بينها فاصل ... وانا همومي بلا فاصل ومجتمعه خمس ابيات حكمه او سته عـن معلقـّه واعتقد انها افضل ما كتب.. ,, الهاملي ومازال يكمـل السوالف البثـر ماهوب يقول شـعر ,, عبدالرحمن الشمري للأسف عبدالرحمن في الغـزل اثبت انه ماهوب ذاك الزود واذا انخفضت اسهمه من الحكمه فهذا نقص في الشاعر ماهوب في شاعريته وعيب القصيده ان الجميع تعوّد من عبدالرحمن افضل من هالمستوى لذلك انجاز غيره يعتبر فشل له ,, علي الريّض واصل القصيده في الحكمه بنفس المستوى ما وصل للقمّه ولكنه قريب منـها جدّا ,, وزي ماتوقعت عبدالرحمن اولا علي الريض ثانيا هذا ماعندي الآن ... راح أرجع وأشووف تحليلكم وتعليقااتكم ورأيكم بالشعراء قبل تجي حلقة الثلاثاء لأننا بنكمل هنا التعليقات وفالكمـــ الخيــــــــــر :) كانت معكم شاعرة المليوون الغير مشاركه :D شمــــــــــــــوخ , س ل م ل م |
رد: تغطيـــة برنامــج [ شاعــر المليـــون ]
15 المشاهدات ولاحد رد ..!! :cool:
. . http://www.nabati.org/gallery/Episod.../Gallery-7.jpg فيه كم سؤال تدور حول هذي الصورة.. 1-ليه محد يطالع للكاميرا من الموجودين الا 4 بس!!؟ :D 2-ليه المنصوري (المطوع) يطالع للشيخ بالشكل هذا ؟؟ :D 3-ليه الشيخ ماطلب يصورون مره ثانيه بدال هالصورة اللي طلع فيها؟؟ :D 4-اللي تحت على اليمين هو احمد الشريف البثر؟؟ 5-اللي تحت ابوثوب اسود (خميس المقيمي) ليه مسوي فيها ذاب الميانه مع اللي بجنبه ومرتكي عليه؟؟ 6-التحف وافلام الموسم الثنين اللي آخر اليسار وش يبووووون ههههههههههههههه؟؟؟ :D :D ,, http://www.nabati.org/cont_images/pr...efAlessemi.jpg 8 8 اتوقع الليله حضوره بيكووون قوي :rolleyes: 0 0 |
رد: تغطيـــة برنامــج [ شاعــر المليـــون ]
هلا شموخ
يعطيك العافيه لو دروا اللجان المنظمه كان حطوك بداال الدكتور اللي يقولونه يعطيك العافيه مره اخرى وحبيت اضيف عدد المشاهدين |
رد: تغطيـــة برنامــج [ شاعــر المليـــون ]
بالنسبة للشعراء
اتوقع والله العالم ان عبدالرحمن عادل الشمري سيكون فارس الحلقة الماضية من خلال حلقة اليوم وهذا ما أتمناه بإذن الله لانني عرفته عن قرب كأخ وكصديق منذ أكثر من عشر سنوات وما يمتاز به من جودة الكلمة وقوتها فضلا عن دماثة خلقه ورزانة كلمته وعفويته التي إتضحت للكثير من خلال مشاركته بالبرنامج وكنت اتمنى ان تكون المنافسة من خلال صياغة الفكرة من خلال حروف القصيد لا ان يكون من خلال تصويت العنصريات والمعارف ليثبت للجميع ما تخفيه شروط البرنامج من خلال الشعر النبطي والفصيح والفراتي والمصري والشامي وجميعها تغنى بها شاعرنا ولا يهون بقية الشعراء الكرام سواء هنا او الذين شاركوا بالبرنامج فاضلتي شموخ هذا ما أحببت به أن أشاركك متصفحك وبإنتظار آخر الأخبار والله يعطيك العافية http://www.9m.com/upload/26-01-2007/029011691629.jpg http://www.alamuae.com/up/Folder-005...729_gooold.gif http://www.6rb4up.com/uploads/3b3d8c7a7d.jpg http://www.6rb4up.com/uploads/ef8a50d66c.jpg ودمتم جميعا على الود والمحبة |
رد: تغطيـــة برنامــج [ شاعــر المليـــون ]
هلا فايز حياك الله منور :)
ههههههههههه هذا تحليل بسيط بس وانتظرك ترجع وتعطيني رأيك بحلقة البارحه ,, |
رد: تغطيـــة برنامــج [ شاعــر المليـــون ]
هلا أبوريناد حياك الله
نورت الموضوووع بتحليلك ورأيكـ ومشكووور ع الصور كنت محتاجتهااااا بموضووعي ومبرووك للشمري يستاهل كل خيرررر \\ انتظر تعليقكم ورأيكم |
رد: تغطيـــة برنامــج [ شاعــر المليـــون ]
اولا ابارك للشاعر عبدالرحمن الشمري فوزه واقوله فالك المليون :)
.. ثانيا حلقة البارح كانت على ماقالوا حامية الوطيس بين شعار كبار لكن انا تفاجأت بمستوى يوسف وقصيده لاني ماسمعته لا هو ولا بن ساقان في الجوله الاولى. بن ساقان يستاهل ما قيل عنه هنا وفي لجنة التحكيم الولد مهب بسيط وخياله واسع وغير هذا وذاك اعجبني تواضعه واحترامه للكل وان شاء الله اشوفه متأهل عن هالمجموعه. بن سرور قصيدته كانت تقليديه من وجهة نظري لكن جزله بمعانيها لكن اتوقع اللي حاسه يوم ينسى القصيده ويرجع يعيدها من الاول . لكن اعجبني ابو خالد يوم ينتهي الوقت وقالهم خلوه يكمل المنصوري قصديدته مليئه بالحكم وله اسلوب مميز بالشعر والالقاء واعتقد ان راح يكون منافس قوي لابن ساقان وبن سرور لانه هو الاماراتي الوحيد بالمجموعه وقصيده جزل مهب مثل الصتيمه الهاملي. خخخخ اعتقد ان هالمجموعه من اقوى المجموعات لان الاربعه نسبهم متقاربه وكلهم مؤهلين للفوز لكن بن ساقان اشوفه هو اللي يستاهل الصراحه بن ساقان فالك التوفيق :) . لي عوده بأذن الله |
رد: تغطيـــة برنامــج [ شاعــر المليـــون ]
مشكوره اختي شموخ على الطرح الاكثر من رررائع والله يوفق الجميع
وفالكـــي طيب شموخ تحياتيــ,,,, |
رد: تغطيـــة برنامــج [ شاعــر المليـــون ]
الأخت الفاضلة
وشاعرة المليون شموخ شكراً على هذة الفكرة الجميلة الذي تنب عن فكر واعي ورزين في ألبدا ية يسرني أن أبارك للشاعر عبدالرحمن عادل الشمري بمناسبة فوزة البارحة بكل جدارة وأستحقاق كما أهني الشاعر على الريض المطيري الذي كان المنافس الأقرب لعبدالرحمن الشمري على هذا المستو ى ألمشرف الذي ظهر به ولكن هذا نظام المسابقة أما بالنسبة لحلقة البارح فقدكان جميع الشعراء مميزين فقد كانت النسب التي منحة من قبل اللجنة متقاربة جداً وخاصة بين محمد القحطاني ومحمد بن سرور الذين كان أكثر تألقاً مقارنة بزميليهم يوسف العصيمي و هادي المنصوري في الحقيقة وبكل صراحة وحيادية الجميع كان له حضورة المتميز أتوقع لمحمد بن ساقان القحطاني ومحمد بن سرور المطيري أن أحدهما سيكون الفارس في الحلقة القادمة ليس تقليل بشأن الأخرين ولكن يبدو أن هذا هو الأقرب أتمنى التوفيق للجميع شكراً أختي الفاضلة شموخ مرة ً أخرى على هذا الطرح الموفق الذي شدني لتفاعل معه والمعذرة على هذة المشاركة المتواضعة مني والتي لم تصل ألى طموح هذة الفكرة دمت بكل خير تقبلي تحياااااااااااااااااااااااااتي |
رد: تغطيـــة برنامــج [ شاعــر المليـــون ]
هلا شموخ والله انس فاضيه
اونه لبنان حتى بالغزل طعس ههههههههههههه والله انس حطمتيه >>> ماسكه على اس اشوي ويغني االسلام عليكم :D اي والله بس الامارات فازوو بالبطوله هم يستاهلووون ماقلنا شي بس بعد حازين في نفسي عمان يستاهلونه اكثر >>> وين راح ذا :D لا تقولين راح بعيد تراني افتر حول الموضوع وصوتي مسموع ولوو شفتيهم البارح لابسين الشال حق منتخبهم ياربي لك الحمد وش دخل الكوره بالشعر >> وش عرفك تراهم وجهان لعمله واحد :D مشكوره شموخ وشخصياا من بعد ماطلع ياسر هالبرنامج صرت ماتابعه شرات اول >>> بس جالس ينتظر الاهدل ياحبني له ابيه يسكت غسان الدب النعسان :D وادري ان ابو يمن مايوجه الشعر بس لسانه طويل يوحب يتفلسف مثلي :D |
رد: تغطيـــة برنامــج [ شاعــر المليـــون ]
شموخ
اين ماتحلي يحل الابداع والشموخ الله درك على هذا الموضوع المميز والطرح الجميل والاسلوب الرائع والمتابعه الجميله ..و,,,,,ووووووو شموخه بصراحه تحليلك جدا منطقي ما شاء الله عليك اكيد السنه الجايه بتكوني من اللجنه مافيها كلام وانا ارشحك من هالحين اعذريني لاني توني قريت الموضوع تحياتي |
رد: تغطيـــة برنامــج [ شاعــر المليـــون ]
اقتباس:
الاا صح الله درك كذا صح او مدري بس احس انها خطاء >>> الولد غثيث هذا يعني تحملوووه اشووي دنا غلبان :D |
رد: تغطيـــة برنامــج [ شاعــر المليـــون ]
ياسلااااااام على الموضوع وينه من زمان خلونا نقيم مو بس الدكتور
بالنسبه للكصيده :)<<<<<<<<<عاش الدكتور محمد طبعا فارس الحلق الشمري لانه صاحب طله حلوه قبل القصيده ماهو ابن صويلح الله يديم النعمه:) بصراحه بانتظار الحلقه القادمه لاني اشجع الاماراتي ماني عارف اسمه المطوع ولي عودات وليس عوده |
رد: تغطيـــة برنامــج [ شاعــر المليـــون ]
/
/ والله ياشموخ كذا كذا مرة اجي اكتب تعليق ويطير .. مدري وش اللي يطيرة يمكن اني احيانن صريح اكثر من اللازم ويمكن عشان قانون مو كل شي تقوله !! / لكن دعيني اقول خارج موضوع التغطية : أن الموضوع وعنوانه وبالمناسبة شي جميل أن يكون له تغطية من قبل ويلان واعتقد شخصكيـ أجاد وأستطاع ان يوصل لنــا هذا الصرخ بشكل مفصل مشمول ماخلف الكواليس وبعض التحاليل حول كل أمسية تقام !! كل ما اتمناه أن لا تنقطع هذة التغطيات في الامسيات القادمة من كل أسبوع !! شاكر هذا الجهود الطيبة .. وشموخ كلهـــا طيبه : كوني بخير حادي السهر |
رد: تغطيـــة برنامــج [ شاعــر المليـــون ]
الله حيهم ....
نورتوا الموضوووع بتحليلكم ... ياناس ردودي عليكم وش طيرها ؟؟؟؟ بسم الله الرحمن الرحيم <<<<< وجه فاتح فمه ياشماتت ابله زازا فيتس ياشموووخ :( برجع ارد عليكم بس بعد ماأتفاهم مع هالمحموول الأقشر ...!!! . |
رد: تغطيـــة برنامــج [ شاعــر المليـــون ]
الرائعه / شمــــــــــوخ
فعلا ً تحليل منطقي لما دار في برنامج شاعر المليون في حلقة اعتقد بأنها ستكون الحلقه الأفضل ... ويستاهل / عبدالرحمن عادل على الفوز المستحق .. شمــوخ اسلوبك شيق وتتمتعين بروح الفكاهه .. مهما كتبت فلن اوفيك حقك لانك مبدعه دوما ً .. وانشالله نشوف تحليل ثاني.. سـعـــــــود |
رد: تغطيـــة برنامــج [ شاعــر المليـــون ]
:confused: من الغريب ان نتحدث عن برنامج شاعر المليون الى يومنا هذا حيث ان البرنامح كان يحتضر منذ انسحاب محمد بن الذيب واعتقد انه لفظ انفاسه الاخيره بانسحاب ياسر التويجري مع احترامي للشعراء الموجودين لكن البرنامج لايرقى لمستوى البرامج الممتازه بوجود تلك اللجنه الغير معروفه اساسا
|
رد: تغطيـــة برنامــج [ شاعــر المليـــون ]
يازماااااااااااااااااااااااااااان الوصل في الاندلس
هالبرنامج يدخلني جو بلاط السلطان ويبدأ المرتزقه بــ المليون ينهالون عليك في قصر الخلافة وثلة من الولاة وبينهم إمبراطور رومي (د. غسان) << الكصيده :p يتناقشون في أمره .... فـــ قد يطرد أو يجاز يازمن الشعر !! نبدأ أول شي مبروووووووك لعبدالرحمن الشمري مبددددددددددع حتى الثماااااااااااااااااااله حلقة ذا الاسبوع كانت حريقة حصل على المركز الاول في تقييم لجنة التحكيم محمد بن ساقان القحطاني ب27.8% حصل على المركز الثاني محمد بن سرور المطيري بنسبة 26,3% حصل على المركز الثالث هادي المنصوري ب25% حصل على المركز الرابع يوسف العصيمي ب23% __________ والله حرام يكون محمد بن ساقان وبن سرور في مجموعه وحده بن ساقان تميز بموضوع غريب وقوي عن قصة الشايب الفقير وابدع في الغزل جداً والحكمة اخر بيت لحاله مصيبة اما بن ساااقان هذا بروحه قصه وربي بن سرور ما يقل عن بن ساقان القاء قوي وابيات مترابطه وبدع في الغزل والحكمه المنصوري ابدع في الحكمه اما يوسف ماكان بالمستوى المأمول ________________________________ ملاحظة احد لاحظ ان اغلب شعّار الامارات مناصير ؟ لي عودة شكراّ شموخ |
رد: تغطيـــة برنامــج [ شاعــر المليـــون ]
الله يحييكم جميع كلن بأسمــــــــــــــه
منوووورين .... وتحليلكم منطقي ...... ,, نايف الجعفري والله من الأخطاء عند السيف بس مانب قايله شيء عيوني تعورني من التصحيح :D بعدين ياسر التويجري مهوب بكل حلقه طالع بالبرنامج طلع مرتين أظن وباقي الشعراء بصراحه يشدوون الواحد على المتابعه كلهم مبدعين ويستاهلووون يعني تابعه لايفوووتك :cool: ,, محمد خذ راحتك بالنقد والتحليل أجل غسان بس هو اللي ماخذ راحته :p انتظرر رايك ... ولايفووتك المطووع بالحلقه الجايه عليه شلااات وصووت شيء :o ,, حادي السهر حتى انا طاااااااااااااااارت ردودي بقدرة قادر :eek: وأن شاءالله أشوف رايك وتحليلك للحلقه هذي او الجاايه والتغطيه مسمتررررره بأذن الله .. ,, |
رد: تغطيـــة برنامــج [ شاعــر المليـــون ]
حياك الله سعود العواجي
نورت المووضووع وتسلم على ذووقك انتظر تحليلك ومشاركتك سعوود معانا هنا لمشكوور ع الحضــــــــــــــــور |
رد: تغطيـــة برنامــج [ شاعــر المليـــون ]
حياك الله أخوي هبوب العنزي
نورت المنتدى بتواجدك هلابك .... من ناحية البرنامج يحتضر ..!!!! ماظنيت .. ماشاءالله المتابعين وش كثرررهم والبرنامج مايفووت أحد وتراها ماوقفت على ابن الذيب والتويجري لهم حضورهم بمكان آخر .... وأعتقد معظم المشاركين قدروا يشدوون أنتباااااااه المشاهدين بفتره وجيزه ويصوتون لهم بعد .. صح اللجنه لك عليهم شوي لكن هذا مايمنع نجااح البرناامج وجذبه للمشاهد عن برامج تافهه أخرى تعرض حاليآ مثل ستار أكاديمي وغيرره وجهة نظرك أحترمهااااا وحياك الله معانا ,, |
رد: تغطيـــة برنامــج [ شاعــر المليـــون ]
هلا سندريلاااا
منوره يابعدي الموضوووووع بالنسبه لهالحلقه أعتقد ظلم فيهااااا حاطين أبن سرور مع ابن ساقان مع العصيمي كلهم شعراء مبدعين وظلموهم يوم حطوهم سوا وماندرري من يتأهل منهم ويفوز بالتصويت نسبهم متقااربه مع بعض بالحلقه , الظاهر كل الأمارات مناهيل والا مناصير :D , حياتس سوسو عيدي الزياار |
رد: تغطيـــة برنامــج [ شاعــر المليـــون ]
شمـــوخ
هذا البرنامج لا يختلف كثيرا عن تفاهة استار أكاديمي أعظم إساءة للشعر هذا البرنامج عندما حوّل الشعر إلى سلعة تجارية وعنصريات وفتن سترينها قريبا البرنامج فالأعلى جماهيريا وفالحضيض كــ قيمة تماما كما هو استار أكاديمي وبق براذر الشعر بــــــــــــــــــــــــــــــــــــــــــريء منهم اخوك ماجد |
رد: تغطيـــة برنامــج [ شاعــر المليـــون ]
الكاتبه المميزه شموخ..
ابداع متواصل لاينضب شكرا لك على هذه التغطيه المتميزه والتحليل المنطقي شمووخ اتفق معك في كل مانطقتي به عن هذا البرنامج اخوي ماجد الركاد .. لا اتفق معك فيما ذكرت من مقارنه بين برنامج ستار اكاديمي وشاعر المليون شتان بين هذا وذاك اتقارن مايطرح من مواد في شاعر المليون مع مايطرح ويمارس في ستار اكاديمي اخي ... شاعر المليون برنامج نجح بكل المقاييس والدليل المتابعه الجماهيريه الطاغيه التي حظي بها واعتقد ان النقاش حول نجاح هذا البرنامج في هذا الوقت غير مجدي ==================================== من وجهة نظري ان الشاعر عبدالرحمن الشمري هو افضل الاربعه وهو بالفعل يستحق الصعود وارى ان البرنامج الي الآن يسير بشكل منطقي تحياتي للجميع |
رد: تغطيـــة برنامــج [ شاعــر المليـــون ]
حياك الله أخوي ماجد الركاد
نورت متصفحي ..... وجهة نظرك أحترمها جدآ بس هذا لايمنع أني أختلف معاااااااااااااااك بالرأي ..! صحيح مانب شاعرره بس شايفه أن ستار أكاديمي غير شاعر المليون ويختلف عنه جملةً وتفصيلآ وأيضآ ماأعتقد آساء للشعر بشيء !! أنا سمعت قصائد راائعه فيه وشعراء تميزوا فيه . ع العموم أختلاف الرأي لايفسد للود قضيه وهلابك معانا |
رد: تغطيـــة برنامــج [ شاعــر المليـــون ]
حياك الله يالسيف
دووم منورنا حضورك أعتز به كثيييير لاخلا ولاعدم أتمنى حضورك دووووم لتغطية باقي البرنامج , شكري لك |
رد: تغطيـــة برنامــج [ شاعــر المليـــون ]
اخوي السيف القادم
اختي شموخ لو كان لهذا البرنامج علاقة بالشعر ... لكان فيصل السواط بقى ولم يخرج لانه أفضلهم على الإطلاق لكن كان أسؤءهم هياط للاسف لذلك نجح شعريا وسقط هياطيا :) الذي لا تعلمونه ان الفائز اماراتي والنتيجة محسومة قبل بدايتها .. وماعمل هذا البرنامج إلا لهذا الهدف فهم يحاولون ان يوهمو الناس أن الشاعر الاماراتي متفوق خليجيا لا تردو علي بعاطفتكم انا اتكلم بتجرد ومعلومات موثوقة عن ما يدور خلف الكواليس للعلم احد النجوم قبل حلقته اشترط على اللجنة ان يكون الاول أو ينسحب وهو ذكي لن البرنامج كان ينزف احراجا بعد انسحاب بن الذيب وياسر وهو اسغل اللموقف :) عموما انا آسف لكم ولكني أحد الشعر ولا أعبد الأسماء :) |
رد: تغطيـــة برنامــج [ شاعــر المليـــون ]
هلا ماجد حياك الله مره ثانيه
بصراحه انا معاااك ان هناك فيه غش وظلم لبعض الشعراء كانوا بارزين بالبرنامج والسواط تحسفت عليه يوم طلع بصرااحه .. قصيده روووعه.. لكن مايمنع أننا نتابع ونشوف آخرتها وأن شاءالله خير ... أسمه برنامج وله متابعينه.. ومافيه داعي للأسف ماجد هلابك بأي وقت .... وشاركنا التحليل بحلقة بكرا :) , مودتي |
رد: تغطيـــة برنامــج [ شاعــر المليـــون ]
خطمـة على الطايــر :) بن ساقان + عبدالرحمن الشمري + بن سرور راح يحييون في حايل أمسيـة على هامـش منافسات رالي حايل الدولي الأمسيـة راح تكون يوم الخمـيس القادم الساعـة 9 المساء في مركز الأمير سلطان الحضاري للحين ماندري هل راح تعرض على أحد القنوات أو لا؟؟ اللي عنده جديـد يعطينا خبـر لاهنتم :D |
رد: تغطيـــة برنامــج [ شاعــر المليـــون ]
أمسية بكراااا ننتظرهااااا ونشوف أبداعات شعراءهاااا
متحمسه للأهدل :D http://www.nabati.org/cont_images/pr...n-al-ahdal.jpg 8 8 متحمسه مع هالنتفه الأهدل أتوقع بيشعل فتيل الحماس :D ,, http://www.nabati.org/cont_images/pr...arak-Taleb.jpg 8 8 وهالمطوع مهوب سهل المنصوري عليه شلاات تعجبني :p اعذروني مالقيت للباقين صور اللي عنده يشاركنا , |
رد: تغطيـــة برنامــج [ شاعــر المليـــون ]
مشكوره اختي شموخ على الطرح الاكثر من رررائع والله يوفق الجميع
|
رد: تغطيـــة برنامــج [ شاعــر المليـــون ]
هلا فهد
حياك الله نورت ومشكوور ع الحضور بس نبي رأيك بالحلقه .. دمت بخير |
رد: تغطيـــة برنامــج [ شاعــر المليـــون ]
خطمه بسيطه ع الطاير <<<<<<<<<<ياكثر خطماتس :D
هذي قصيده لأحمد الشريف ماعرضوها في البرنامج :D هنـــــــــــــــــــــا / / / :D رحمته وربي . ,, |
رد: تغطيـــة برنامــج [ شاعــر المليـــون ]
/
/ مرحبــا شموخ وعوده بنغم جديد وأمسية ( شبية بالمطر ) فالبداية أباركـ للعصيمي يوسف للتأهل .. ويستاهل : أمسية هذه الحلقة كانت مختلفه عن الأمسية السابقة وكأنهـــا شبة بارده .. رغم الشيلات التي تغنى بهــا الأمارتي ألا أنهــــا ليست سوى ( دعاية ) يستند عليهــا .. \ ( خالد رافع العنزي ) قصيدته الأوله جميلة جداً وفكرتهــا أجمل أستطاع أن يتميز بهـــا وينفرد بصورة غريبة وربط مابين الماضي والواقع الموجع ومابين التسألات التي تحيط بالمجتمع أو بالوطن العربي !! ولكن ::: أوجعني في قصيدة الغزل .. عندمــا تغزل باللهجة الأماراتيه ( ليس قصور بالاماراتيين ) ولكن : أنت في ساحة سباق وأعتماد مشاركته أكثر على المشاهدين السعوديين علماً أنه لم يسبق له أن قصد باللهجة الأماراتيه .. فلماذ الخوض في تجربة جديده ؟؟: ( الأهدل ) هذا الشخص لا يعجبني أبداً وليس موقعه هنــا أبداً فهنــاك فرق مابين ثقافة اللغة وثقاقة الشعر النبطي نعم تجيد اللغة بقوة ولديه معلومات كبيرة وكثيفة ولكن ليس انه يجيد الشعر بشكل صحيح وانــا شخصياً .. لا اتلذذ للشعر المخلوط فالشعر له أجواء ( كان ودي أن على المسعودي معطينه فرصة للتعليق ) : ( العازمي ) شـــــــــــــاعر بلا منــازل في هذه الأمسية ويعجبني أكثر فيه أنه لديه ثقة عالية في شعر ولديه مصطلحات جميلة جداً ونادرة ومفرداتهــا رائعة وتنسيقهــا أروع كمـا يعجبني ان قصائده يكتبهــــا لنفسه وهذا هو الشعر الحقيقي الخارج من القلب سوى كانت معاناه أو مدح أو ماشبة ذالكــ . . . ! : ( المنصوري ) لا تعليق .. .. . سوى أنه دعاية لنفسة فقطـ ولو قيل له خذ مليون ريال وأنسحب من البرنامج .. لتمت البيعه !! والدليل .. بعد تصويت الجمهور .. ( هنــاكـ إشارة أستخدمهــا دليل ذالكـ ) : أعجبني أبن ساقان عندمـــا قال : أنــا هنـــا ليس لأجل كسب المليون .. فأن هنــا حضرت لأجل كسب مليون قلب وأذهب ! : أمـــا بالنسبة لمن يفوز بهذا ألامسية فأنـــا أتوقع .. الأهدل ! كمــا فعلو مع العصيمي ! : ربمــا لي عوده لشرح هــــــــــذا ( التوقع ) / شموخ : صباحكـ سكر حادي السهر |
رد: تغطيـــة برنامــج [ شاعــر المليـــون ]
الله يرحمك ياامحرووووووووووووت من عقبك عنزه ضعفت :(
الله يرحم والديك ياخاالد على القصيده الااولى كفووو يالبنااخي وانا معااك وبأذن الله الفوز لك |
رد: تغطيـــة برنامــج [ شاعــر المليـــون ]
بالتوووووووووفيق لا بووو خلووود والله هو الافضل
بس ياخوفي من المؤمرات ويفوزون مطوعهم الخبل هذا مشكوره شموخ |
رد: تغطيـــة برنامــج [ شاعــر المليـــون ]
هلا فيكم من جديد وتغطيه جديده لأمسية البارحه :)
هلابك حادي السهر عجبني رأيك وتحليلك للحلقه الله يعطيك العافيه وأذا عندك أضافات بالتأكيد تنورنااا سواء كانت توقعات أو غيررها لأننا مستمرين الى الحلقه الجايه ,, هلابك بندوووول منور التغطيه وياليت تستمر معانا بالنقد والتحليل منورنا بالتأكيد .. ,, هلا بك نايف أسعدني حضورك ... وتابعناا بالتغطيـــــــــــــه والمسأله شكلهاا حظ اما المطووع تحفه هههههههههههههههههههااااي منورنا نايف خلك قريب ومتابع .. مودتي للجميع :more19: ,, |
رد: تغطيـــة برنامــج [ شاعــر المليـــون ]
عدنا والعــــــــــــــــودُ أحمــــــــدُ :)
/ / بدايةً أبارك لولد العم العراقي يوسف العصيمي فوزهــ <<< بلاتعصب تكفين :D مع أني كنت أتوقع ابن ساقان يفوز بالتصويت بس كل شيء قسمة ونصيب ... ببدأ تغطيتي وكلن له وجهة نظر يشاركناااا بدون طبعآ تعصب قبلي وهواش << علمي نفستس ههههههااي / / http://www.tl3b.com/uploads/02-07-07~25fd41.jpg خالد رافع العنزي سألني كيف يا شاعر تهاوت امة القرآن .. وقلت انـّا تمر شهور ما نقرا ولا سوره قصيده سياسيه اسلاميه مبطنـه كـل بيـت فيها يحمـل معنى خصوصا ان خالد استخـدم الاسلـوب القصصـي والروائي في القصيده بإختصـار بالرغـم من صعوبـة الجولـه الا ان خالـد قدّم كل الي عليه وحتى لو ما طلع من شاعر المليـون الا بها القصيـده يكفـّي واكبر دليل ان الكصيده ما انتقد شي :D صويت الجمهـور صحيح انه ما يفرق ولكنه ظالم وواضح انهم جايين يضيعون وقت ونصهم ما يدرون وش معنى الشعر *** http://www.tl3b.com/uploads/02-07-07~cfdb15.jpg عبدالرحمن الأهدل ههههههههههههههههههههههههههههههههههههههههههههه ههههههههههههههههههههههههههههههههههههههههههههه قصيـده ماهيب في قوّة القصيده الأولى يمكن لان الظهـور في الأولـى كـان جديد وغريب وغير متوقع وكان متوقّع منه انه يكـون أفضـل لكـن للأٍسف واضح ان القيـود الي وضعت عليه من المنظمين كثيـره واستخدم اسلوب جديد في النقد يوم راح عنهم شرشحهم خخخخخخخخخخخخ بإختصـار خبـل يا ابو عابـد وربي و93% مدري على ايش هالنسبه ؟ :eek: *** http://www.tl3b.com/uploads/02-07-07~08c4a1.jpg محمد المريبد العازمي قصيـده جزلـه من شـاعر جـزل خانـه الإلقـاء القصيـده مكتملـه لـو ينتقـدون من هنا الى الجمـعه المدخـل الوحيـد على الشـاعر القـاءه تصويـره في البيـت الي يقـول: والمرجلـه لو هي ورى نجمة سهيـل ... نركـَض لها ركض الغريم لغريـمه بيـت عـن قصيـده : ) ونقـد هادف وفـي محلـّه 69% تثبت نظرتي ان اغلب الجمهور جاي تقضية وقت شكلهم *** http://www.tl3b.com/uploads/02-07-07~838f71_3.jpg مبارك المنصوري وراه بغى يجلس قبل الكرسي جزاه الله خير ابو يزيد .. بينك وبين الشيخ علاقه ههههههههههههههههه بس مدري ليش وهو يقول الموال تقول شام له ريحه بس احس انه غامدي على ذا الموّال .. ابدع في بيت الي اطاع في الخير وعصى الشر .. ولكن يحسب عليه البيت قبل الاخير الطب كي وأول الغيث قطره .. ومن لا يعرف الصقر قال اشتويته ثلاث صور بعيده عن بعض ولا بينها اي تناسق من وجهة نظري مجرد خبط امثال وبس قصيدة حكمه ممتازه ولكن الالقاء اعطاها طابع الفكاهه وسحب منها طابع الحكمـه بعدين تحسوون أن المطوع مهوب لأهله البارحه ههههههههاااااي مطوع ويهايط ويتحدى تركي 2000 عيني عينك << وش عنده ؟ بس عجبني تركي المريخي يوم رد عليه وقال تحداه بالميدان موهنا هع هع حس أن المطوع ملخبط :D / / يا مطوع لا تستخدم دقنك في أسلوب فكاهه الله يحييك لان المطوع من اطاع الله والمطوع ما يجلس مع حمد العامري وروضـه :eek: 83% وتخب لا تتشمت واحمد ربك هع هع / / |
رد: تغطيـــة برنامــج [ شاعــر المليـــون ]
الجــزء الثــاني
خالد رافع العنزي ( الغــزل ) أبيات عاديه كاتبها في الفندق البارح الظـاهر وهو طالـع :D وما ترتقي ابدا لشـاعر نـظم القصيده الأولى. ( الحكمـة ) ايضاً قصيده على استعجال ولا حفظها وهذا الي اثّر عليه بشكـل كبيـر ولم تكن في باب الحكمه بأسلوب حكيم ... *** عبدالرحمن الأهدل ( الغـزل ) عنيف حتى في الغزل خخخخخخخخخخخخ :D يذب حتى في الغزل الخبل خخخخخخخ ( الحكمـة ) شهاده مجروحه في عبدالرحمن وحكمته عبدالرحمن يقول جيتها خالي وترجع منها خالي صدقت .. *** محمد المريبد ( الغـزل ) جزلـه من جـزل ولكن الاسلوب ما تغير ليته بس يبتعد عن هدوءه شوي ( الحكمـة ) قافيه ووزن قويّه وصعبه ولكن صدقني يا محمد مهوب كلهم يفهمونك قصيـدتك أجـزل من جزلـه *** مبارك المنصوري ( الغـزل ) كل الوصايف فيه من عند ربه .. احبها والحب من غيري ماله مجالي تمنيت اني أشـوف حمد السعيد ينتقد على هالبيت مثل ما انتقد المريبد يوم قال تخاطب في بيت رجال وفي بيت ثاني مره :cool: الان المنصوري خاطب باسلوب مذكر في شطر ومؤنث في شطر وهذا مجرد تأكيد لكلام عبدالرحمن ان اللجنه ماهيب مقدّسه :mad: ( الحكمـة ) وترى المغتاب من يشتم ويتكلم في الغيّاب .. ابي احد يجي يقنعني ان هالبيـت موزون :eek: :eek: وللمـره الثانيه يتجاوز المسموح واعتقد ان هالشي بيتغضاون عنـه بعد ..! *** ( وقـفـه أخيــره) علـي المسعودي كـل الإحتـرام لك وليت مافي اللجنـه غيـرك واذا لازم محرم خذ حمد السعيد :D (تصويـت الجمهـور) خالد رافع 14% عبدالرحمن الاهدل 46% محمد المريبد 14% مبارك المنصـوري 26% الجمـهور أنصـف عبدالرحمـن ولكـن للأسـف ما أنصــف محمـّد المريبـد اللي شخصيـّا اعتـقد انـّه الأجزل :cool: / / وهــ تعبــــــــــــــــت مابغيتي تخلصين يالناقده <<< مهيب عاقله البنت :D حياكم الله بأي مداخلااات ونقد وتحليل أنتظركم :) / / شـــــــــــــــــ / |
رد: تغطيـــة برنامــج [ شاعــر المليـــون ]
والله ياشموخ مانتي بهينه الي يشوفك هنا مايقول هذه صاحبت الديوانية
بس بصراحة ابدعتي بها المكان ويصلح لك بس مانستغني عنك في الديوانيه--- |
| الساعة الآن (03:52 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه