حزين بحفلـة الأفكـار والدخـان والشاهـي=وحيـد وأعبـث الأفكـار لفيتـه ودخنـتـه
.=.
غريب ولا أمطرت غيمة سماي إلا من اشباهي=ووبـل ٍ مـا تلـوّن بـي تبلويتـه ولوّنتـه
.=.
كئيب ولا نبت بارضي سوى أشجار من آهـي=ثمرهـا لا قطـف فمّـي تعوّذتـه ولعنّـتـه
.=.
وأرتِّل بردي بفقدك خشوع وترجف اشفاهـي=وأناجي عشق من طهره به آمنـت وتآمنتـه
.=.
وحديث الإفك وإحساس ٍ قذف خافِقْك بـاللاهي=قبل ما يخونني إحساسي كفرت بصدقه وخنته
.=.
تعالي نُسْقِط المحضـور والتحذيـر والناهـي=تعالي بعد ليـل ٍ فـي صبـاح النـور كفنتـه
.=.
أحبك وأبغض ظروف الغياب وعذرك الواهـي=أحبك كثر ما يطعن خويـي ظهـري وصنتـه
.=.
أحبك كثر ما صدري غدا بحرمانـي الراهـي=أحبك كثـر مـا صوتـك يخدرنـي وأدمنتـه
.=.
أحبك كثر ما الجوري حكا عن خـدك الباهـي=كثر شعر ٍ معك يفرض من أول بيت هيمنتـه
.=.
كثر ما كنتي فـبالي كثر ما كنت بك ساهـي=أحبك والخفي أعظم من اللـي عنـك بيّنتـه

عبدالله المانع


صح لسانك عدد وبل الأمطار


قصيده رائعه من شاعر رائع ومبدع


صح لسانك مراراً بلا عدد


تقبل تحياتي