°~*¤®§(§ شبـــكة ويــلان العـربـيـه §)§®¤*~ˆ°

°~*¤®§(§ شبـــكة ويــلان العـربـيـه §)§®¤*~ˆ° (http://www.weelan.com/vb/index.php)
-   منتدى المحاوره (http://www.weelan.com/vb/forumdisplay.php?f=32)
-   -   سلام رديّـه على الويلان والطارف سديد ..!! (http://www.weelan.com/vb/showthread.php?t=7990)

ناصر الايداء 14/04/07 (08:29 PM)
سلام رديّـه على الويلان والطارف سديد ..!!
 
أسعد الله أوقاتكم بكل خير وانا سعدت بإنضمامي لكم ..

والقصد الاول والاخير من المحاوره واللعب هو الوناسه وسعة الصدر .. والابيات مطروحه للمجاراه ..


سلام رديّـه على الويلان والطارف سديد = تسليمة ن تشمل بني وايل وكل بطونهاا
قال المثل مال الحديد الا صماصيم الحديد = اقولها لو بعض خلق الله تهـز امتونهاا



ولي عودة باذن الله

حمد الخمعلي 15/04/07 (01:10 AM)
رد: سلام رديّـه على الويلان والطارف سديد ..!!
 
هلابك اخوي ناصرالأيدا00000=

قرأة أبياتك وحبيت المجاراه معك00000=

يامرحبا ترحيبتٍ بلسان من قلبٍ سعيد=ترحيبت أرضٍ شافت البراق عرض امزونها


ياناصر أقرا بالمثايل فيد فيها وستفيد=الناس يمك يابن الأيدا ما تغضا عيونها




بنتظارك=

ناصر الايداء 15/04/07 (10:40 PM)
رد: سلام رديّـه على الويلان والطارف سديد ..!!
 
الاخ الشاعر / المهند

الله يبقيك .. وانا والله اتشرف بمجاراتك يا البناخي ..

ردك جزل صح لسانك واستلم ردي ..



دام البقا ياعزوتي وانتم مثل عرق الوريد = يبقا الغلا ثابت ولابه شك يادندونهاا
أبنشدك عن سالفة عبد الخطا ولد العبيد = اللي يسب اهل الكرم ياكبرها ياهونهاا

حمد الخمعلي 16/04/07 (01:04 AM)
رد: سلام رديّـه على الويلان والطارف سديد ..!!
 
الأخ ناصر الايدا /صح بدنك يالغالي=
الله يديمك والعلا يطلب من امثالك مزيد=ونتم ترا فوق الهقاوي ماقصرتم دونها
ماهز ظـلع طويق صفق النود يالصقر الفريد=والشجره اللي مثمره محدٍ يهز اغصونها

ناصر الايداء 16/04/07 (03:45 AM)
رد: سلام رديّـه على الويلان والطارف سديد ..!!
 
جـزل جـزل يا المهنـد واستلم لاهنت


يوم انها بالفعل يوم الفعل باليوم الشديد = ناس ٍ فضخت اعيونها وناس ٍ هدمت اسنونهاا
واليوم حد الذيب ياامهند عن الصيدات حيد = يسرح مع الطليان ماتجفل تحسبه لونهاا

خلف بن فهد الراشد 16/04/07 (07:39 AM)
رد: سلام رديّـه على الويلان والطارف سديد ..!!
 
فديتكم

يالي ترومون العلا والمعالي
يالي تسوقون المواجيب سوقي

يالي تهزون الطوال العوالي
ياعزوتي قمه على حد شوقي

اشتاق لعيال العمام الغوالي
واتوق للي قالو هلا بشروقي

وعليه مني حي فال التعالي
وحي الذي فوق الهضاب البروقي

حمد الخمعلي 16/04/07 (11:55 PM)
رد: سلام رديّـه على الويلان والطارف سديد ..!!
 
لاهنت يالبناخي وستلم=
ياما تعشينا من العدوان كم راسٍ عنيد=كم روس قومٍ للمنايا عزوتي يدلونها
واليوم في عيش ورغد والحمد للرب الحميد=الأمن ساد وخل خلق الله تنام اعيونها

ناصر الايداء 17/04/07 (03:28 AM)
رد: سلام رديّـه على الويلان والطارف سديد ..!!
 
لا شنت يا البناخي واستلم



ياامهند انتم لي ذرا وابليس ملعون ومريد = وصغيركم بالعين كبر اطويق داخل نونهاا
اكض سم الويل لاشفت القريّـب لي بعيد = قسمة خطا والمخطيه منهو بدع قانونهاا ؟

الطرقي 19/04/07 (03:09 AM)
رد: سلام رديّـه على الويلان والطارف سديد ..!!
 
شيلوووووووووووووووووهااااااااااااا

!! بندووووول !! 19/04/07 (01:22 PM)
رد: سلام رديّـه على الويلان والطارف سديد ..!!
 
ناصر الايداء






المهند

ابدعتم وامتعتونا


<<<<< متاابع

حمد الخمعلي 21/04/07 (12:31 AM)
رد: سلام رديّـه على الويلان والطارف سديد ..!!
 
اخوي ناصر آسف على التأخير=
وستلم يالغالي=
حنا عطيناك المهمه وستلمها ياعقيد=وعيال وايل لا وصل حوض المنا يردونها
لو يبتعد ماهو على بعدك يابن عمي يريد=خطه على حبر اورق بعض العرب يغوونها

ناصر الايداء 24/04/07 (10:40 AM)
رد: سلام رديّـه على الويلان والطارف سديد ..!!
 
لاهنت يا المهــند والله انك من الشعار اللي يرفعون الراس وانا افتخر بالجزلين اللي مثلك صح قلبك الطاهر مدد بلاعدد يا البناااااخي شرفتني وامتعتني باللعب وحتى مراميعك ماكل واحد يجيدهاا بيض الله وجهك ولاهنت سجل اعجابي فيك ..

ناصر الايداء 24/04/07 (10:42 AM)
رد: سلام رديّـه على الويلان والطارف سديد ..!!
 
خلف بن فهد الراشد


الطرقي


بندووووول


لاهنتوا على الحضور الراقي والمشـرّف ... اسعدني تواجدكم ولاهنتواا مجمّــلين

حمد الخمعلي 27/04/07 (10:30 PM)
رد: سلام رديّـه على الويلان والطارف سديد ..!!
 
ناصر الأيدا,,,,لي الفخر أنني اجاري شاعر من امثالك ,,,,ولك جزيل اشكر 00000


وشكراً للأخوه

الطرقي


بندووووووول

تحياتي للجميع

عيد الوايلي 07/05/07 (03:37 AM)
رد: سلام رديّـه على الويلان والطارف سديد ..!!
 
ناصر الايداء






المهند

ابدعتم وامتعتونا

بدر الحنيف 07/05/07 (04:02 AM)
رد: سلام رديّـه على الويلان والطارف سديد ..!!
 
ناصر الأيداء .............. المهند ........



محاورة رائعه ..





فعلا .. اسماء حضورها .. حضور الشعر الجزل ..






ولا هنتم .. واااافين ..



صح السان .. كل ٍ بكم .




احترامي للجميع


الساعة الآن (09:48 AM)

Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة: استضافة رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه