0






0








0







0

لو تجرعني همومك وأرتوي من سمـّك = أعتبر كل ما يجيني سر من أسرارك
قلبك اللي في خفوقي مايل ٍ من يمك = لو دعيته قال (مابي) أسترح في دارك
قد سكنت اللي هواك وجاري ٍ في دمك = لو تقول أسباب عذرك ما قبلت أعذارك
يا غناتي والله أن أكبر همومي همك = وبالهموم أحتارني والله ثم أحتارك
وش يفرحني جوابي بس ضحكة فمك = وأن بغيت أختار من هالناس بس أختارك
ليتني مخلوق لحظة من قرايب عمك = والله أني لرتويك ولو تشح آبارك
لو تقولي لي تمنى قلت ودي ضمك = والله أني لصهرك (بالثلج) وأشعل نارك
والله اني غير أضمك وأهتني في شمك = وأحرقك بأنفاسي اللي ترجمتها أفكارك
عانقيني لين آصل لا نهاية جمك = وأرتوي من بحرك اللي غير كل بحارك
لو تذميني أبـنطق آآآهــ محلى ذمك = لاني أحسد في يدينك خاتمك وسوارك
كيف ما يحلى كلامك وأنتي أصلا ً أمك = قطعة ٍ من نور تابَع داخله مشوارك
بس أبسئل يا غناتي وش (فصيـلة دمـك) ؟؟ = عفـواً أخطيت بسؤالي ويش هي أخبارك ؟؟

لو تذمينـي أبنطـق آآآهـمحلـى ذمـك لاني أحسد في يدينـك خاتمـك وسـوارك كيف ما يحلى كلامك وأنتي أصـلا ً أمـك قطعة ٍ من نـور تابَـع داخلـه مشـوارك