الحال تشكي والتعب يبرالها=والشعر حزة ما شكت يحلالها
والشعر وقت المشتهى له موقف ٍ =يبري جروح ٍ هايجه با شكالها
وانا عرفت الشعر يوم اني صغير=ألاعب القيفان وارقى جبالها
وان طحت ماني عن طموحي منحرف=عهد ٍ قطعته لا نتخي وارقا لها
شاعر تشوقه قمة الشعر القوي=خيال والمهره لها خيالها
والله و لا آقف عند حد ٍ ينتهي=لا اسرج خيول الشعر وانخى رجالها
و من ما تجه لله فلا له متجه=يضيع بين خفافها و ثقالها
نصيحة ٍ تِـركت على قلب اجودي=تلويه عسرات الزمن بحبالها
ذاق التعاسه والمراره والفقر=وشال الحمول اللي محد يقوالها
طبع بدوي ٍ ما حنا راسه لاحد=يطلب وليه يرزقه همالها
طبع بدوي ٍ ينطحه جوع وعطش=من شاف حاله حالته يرثالها
سار و لقى الدنيا تصك ابوابها=وكل الأمل باللي يدير احوالها
الرب سبحانه جزيل ٍ بالعطا= ماعاسره يرسل عليه خيالها
و يلقى المراتع ويتكيف بالوطا=وتخضر نوازي ديرته وسهالها
وانا بدوي ٍ مرتجي رب السما=يفرج حمول ٍ كدرت حمالها
لعلي اترك سيرة اللي بالخفا= السيره اللي ما نتهى موالها
تسري على ضلوعي وتطعن بالحشا=وتستفزع بعمامها و خوالها
حسبي عليها كل ما جيت ارتكي=واحوف ناري عزّمت بإقبالها
ثم ضيقت صدري وقمت بساعتي=واترك دلالي واترك المركا لها
لا جمع الله شملها وربوعها= ولا كثر الله عقبها و عيالها
الضيقه اللي جازت ضلوعي لها=متربعه بالصدر من يقوالها
و يالله وانت المتجه والملتجا=يا باسط السبع و رفعت امثالها
تجلي حمول ٍ مثل مردوم المزن=يكفّ ما عده نشا باحوالها
وانا بوجهك من وساويس الزمن=واعوذ بك من واحد ٍ يسعالها
يوم البشر عن نزغت ابليس غفلت=ما عودت غير الخساير فالها
والصوت بعد الفوت مابه منفعه=والناس يحسب قولها وافعالها
و دنيا الفنا مغرة ٍ في لبسها=لو زينت لك حلها و سنسالها
والضحك ما هو دايم ٍ في سلمها=لا بد ماتقفل عليك اقفالها
والاّ السعيد اللي على القسمه رضا=وآيات ربه كل لحظه قالها
و كثر من الاذكار في صبح و مسا=ورغبات نفسه بالهوى ما اصغا لها
وصلوا على خير البريه بالختام=شفيع الامه في نهار اهوالها

صلى الله عليه وسلم


الأخ سع النفج


قصيده جزله من شاعر جزل


تحياتي لك

المشاركة الأصلية كتبت بواسطة مهيدي عليه افضل الصلاة والسلااام صح الله لسانك لين ترضى يالنفج جزلة من راااس جزل سجل اعجابي

المشاركة الأصلية كتبت بواسطة مشاعر حالمه ياسلااااااااااااااام جزلللللله والله سعد النفج صح السانك يالقرم ولاهنت تحيتي لك / مشاعر حالمه

المشاركة الأصلية كتبت بواسطة سالم صالح رائع دائما وليس مستغرب الابداع من بحر الابداع سعد لله درك جزل وفكرا جزل الله يعطيك العافية

المشاركة الأصلية كتبت بواسطة سعود العواجي سعــد النفـــــج اسم يجبــرني على قراءة جميع مايكتب دائما ً الابداع حليف لك .. صح لسانك

المشاركة الأصلية كتبت بواسطة صالح الجطيلي ((عليه افضل الصلاة والتسليم)) سعد النفج صح الله لســــانك والله لا يهينك على القصيده الطيبه

المشاركة الأصلية كتبت بواسطة حمد الخمعلي صلى الله عليه وسلم الأخ سع النفج قصيده جزله من شاعر جزل تحياتي لك

المشاركة الأصلية كتبت بواسطة زياد الشمري و من ما تجـه لله فـلا لـه متجـه يضيـع بيـن خفافـهـا و ثقالـهـا عزالله انك صادق عزيزي سعد صح لسانك وبنانك اقبل خالص اشواقي على هالابداع

المشاركة الأصلية كتبت بواسطة ماجد الجعفري الأخ العزيز والشاعر المبدع سعد النفج صح لسانك .............ولاهنت قصيدة في غاية الشموووخ والأبدااااااااع لله درك ............... ولا فض فوك دمت بكل خير ودام هذالتميز والأبدااااع

المشاركة الأصلية كتبت بواسطة عبدالله الحجيلان سعد رائع دائما وليس مستغرب الابداع من بحر الابداع صح لسانك

المشاركة الأصلية كتبت بواسطة تركي صالح رائع ومبدع ومتألق يا سعد صح لسانك وسلم بنانك ودمت وسلمت على هذه الرائعه وتقبل فائق التقدير والاحترام

المشاركة الأصلية كتبت بواسطة عبدالله عايد وانا عرفت الشعر يوم انـي صغيـرألاعـب القيفـان وارقـى جبالـهـا وان طحت ماني عن طموحي منحرفعهد ٍ قطعته لا نتخـي وارقـا لهـا شاعر تشوقـه قمـة الشعـر القـويخيـال والمهـره لـهـا خيالـهـا الشاعر الرائع سعد النفج بيض الله وجهك على هذه القصيدة فقد قرئتها الى ان ارتشفت جمالها فصح لسانك مدد بلا عدد وتقبل فائق تحياتي لجنابك .