هذي حياةٍ للبشر كلها دروس=من حين منشاها لمدخل لحدها
تعطيك في وسط العسل سم مدسوس=حتى تبين اعلامها في جسدها
والناس فيها تختلف لون ونفوس= ناسٍ تسب افعال وناس تحمدها
احدٍ فهم لدرس والفكر فانوس=وصارت مواعظ من سبايب نكدها
واحدٍ جهل بالدرس والعقل محيوس=وعينه رماد وزاد فيها رمدها
والسالفة عندي اترجم بقاموس=يبيين فيها جدها مع ولدها
شف هالبشر كون عصابات وطقوس=وكلٍ على ليلاه غنى نشدها
قلوب سودا وسطها ينخر السوس=ونار الحسد كلٍ بصدره وقدها
متكالبه ابها الزمن صفت ضروس=تطحن عشاهم لين ولاّ رغدها
والظلم بان انه بطل لانه الموس=وحنا حلوقٍ شافت انه وردها
هيهات يامن قالوا الدرب محروس=خل العدال وصافي العلم سدها
يعني بها الدنيا كما حنيت القوس=خلك كذا ويصيب رمحك اسدها
هذا هو الواقع وعلمٍ ومدروس=كل السوابق هدها من عمدها
والسالفة اني مشوش من الروس=عقلي لقط شفرة وثمٍ سردها