يازبن كرّب فـوق مايطـرد النـوم = حرايـر(ن) يازبـن مثـل الاهلّـه
مرباعهم مابين ظلـم(ن) والاكمـوم = ومـن السفايـف يرمحـنّ الأظلـة
ملفاك شيخ(ن) بالقسا يذبـح الكـوم = شيـخ(ن) وشيخـان القبايـل تدلّـه
تلقى محمد زبن من كـان مضيـوم = زبن الذليل اللـي مخيـف(ن) محلّـه
واليا لفيـت الشيـخ يازبـن ملـزوم = تعطيه مرسـوم(ن) بوسطـه سجلّـه
وان كان جيت النضو يازبن ماسـوم = رد الخبـر والنضـو يازبـن خلّـه
جانا من الشايـب مكاتيـب وعلـوم = حيّ الكتاب اللي لفا حشمـة(ن) لـه
الشايب اللي ينقـل الكبـر والـزوم = باغي لحكمي مير انا عاصي(ن) لـه
الله يغشّـك يـوم غشّيتنـا الـيـوم = تقـرا الكتـاب ولا تهـاب المظلّـه
جزاك من عندي من الخيـل حثلـوم = مثل البرد مـن مزنـة(ن) مستهلّـة
إن كان تذكر سابق(ن) لك من اليـوم = فـرس عتيبـي ورد شاهـد(ن) لـه
أنا برمحـي بـاول الخيـل ملحـوم = والا انت رمحك عند سـارة تشلّـه
أديت انا اربع قحص والخامس التوم = بقعود زبن اللي بغا ما حصـل لـه
لا والله اللي روحـوا ربعنـا قـوم = تنافضـت مـن بينهـم بالأجـلّـة
والحرب شب وشبشبة كـل شغمـوم = من اشتبه مخ الفرنجي عصا(ن) لـه
إعرف ترى من طاح ماهوب مرحوم = ياكود من رب المـلا شافـع(ن) لـه
شافي وجرمان غدوا بـاول القتـوم = خلوا مطّوعهم وانـا شاهـد(ن) لـه
خلوا مطوعهم علـى غوجـة التـوم = عزّي لمن حطّ الردي مسنـد(ن) لـه
وانتم كما حوت(ن) على الشط لاهوم = وحنـا خلقـنـا للواهـيـم عـلـة
وانتم كما ضلع(ن) طويل(ن) ومزموم = وحنـا خلقنـا الله نجـوم(ن) تهلـه
وأنتم كما طير البحر ذاك ابا الحـوم = وطير البحر مايذبحـه غيـر ظلّـه

حيّ الكتاب اللي من الزاج مرشـوم = حيّه وحيّ اللي مشى حشمة(ن) لـه
ساعة قريته شفت ماعفت مرسـوم = ردّ النقا تركي وهو منحـي(ن) لـه
يا سابقي غاشن عتيبـه منـك لـوم = مثل الربيع اليا غشـى نجـد كلـه
كدّي على العتبان خمسة عشر يـوم = قعدان والجمّال بيتـي هـل(ن) لـه
أطلب عسى نجد(ن) من الوسم ماسوم = حتى تقرّب حلّة(ن) صـوب حلّـة
وان كان رمحك بأول الخيل ملحـوم = فانا برمحي حامـي(ن) نجـد كلّـه
من شافنا بالحلم يقعـد مـن النـوم = ومن شافنـا بالعلـم بطنـه يهلّـه
عدونا لو جض فلا هـوب مليـوم = واللي وراه يجضّ من جضة(ن) له
حربك اليـا جانـا نقلنـاه بسهـوم = وتر حربنا لا جاك ما حتلـت شلّـه
وان كان تطري النجم فالنجم مفقـوم = والنجم يدوي والجبل راسي(ن) لـه
مانشتحن للحرب والحـرب مفهـوم = ويا سعد من حن باللقا فزعة(ن) لـه
ماخلقت الدنيا ولا الناس فـي يـوم = واللي تمنّى حربنا مضحّـي(ن) لـه
وان كان في نفسه فلاهـوب مليـوم = نعم الشوارب وافـي الشبـر كلـه
متخالـط مابيـن عتبـان وبـقـوم = والله علـم فـي دق سلكـه وجلـه

المشاركة الأصلية كتبت بواسطة شجاع النومسي (المشاركة 251095) سلم بنانك على النقل الجميل انتقاء رائع سلمت ودمت بخير