صالح السالم
مرحبا والليله الليله نبيها جوهريه=خذ كلامي و استمع للي بها ينطق لساني زرت لي ديره وشفت الناس وسط المهمهيه=وانت لك مده مجاريهم ولا لك علم باني كاتب الجعفري
البقا بك يالمرحب من هواجيس ٍ غنية= ان بدى لك علم واحد وان بدى لك علم ثاني تنحسب وجهة نظر مانحتسبها سوء نيه =مار ماتقدر تحجب الجدي وسهيل اليماني صالح السالم
بعد ما شيلت رموز العز من ذيب السريه=ليه تشعل دارهم من بعدها بالشمعداني لعن ابو نفسا الى جاء الجد ما فيها حميه=والله انه ما يساوي عندكم ربع الثماني كاتب الجعفري
مايغير منزلتنا رجل مجهول الهويه= ووجودي يالرجال اللي يعرفون المعاني لعن ابو ذاك الخوي اللي يجنب خويه= مايجنب عن سيوف المعركة غير الجباني صالح السالم
انت ليتك يوم قلت القول لك هيبه قويه=ندري انك من سيوف القوم لك مده تعاني علم اللي نال منهم بس طامع بالبقيه=مالهم عن ماكر الاحرار طلقين اليماني كاتب الجعفري
دون حلقي ياوسيع المعرفه تفعل يدية= ماغدى لي حق مثل طويق ثابت في مكاني انت ماحصلت حاجه لاهناك ولاهنيه= مار خلك ياعميل الخير في ظل المباني |
رد: كاتب الجعفري .. تفضل
الله الله ياصالح صح لسانك
ومتابع |
رد: كاتب الجعفري .. تفضل
اقتباس:
وصح بدنك شرفتنا بتواجدك |
رد: كاتب الجعفري .. تفضل
هههههههههههه
والله ما فيك حيله وكان ودي اكمل معك لكن اعتذر منك الآن وخيرها بغيرها والحقيقه يا كاتب وبدون مجامله انت شاعر معنى وانا من المتابعين لمحاوراتك خارج هذا المنتدى اعتذر منك يالغالي مره اخرى كل الشكر والتقدير |
رد: كاتب الجعفري .. تفضل
اشوى يوم جت منك لاني والله بلشت بك ههههههههه
وانت شاعر جزل ولاعليك زود واشكرك على الاطراء الرائع اعذرني ان بدر مني شي وتبقى شاعرا مميزا تحياتي لك |
رد: كاتب الجعفري .. تفضل
ماكان ودي تنتهي يالربع لكن
صحت السنتكم ولاتحرمونا وسوف انسق الابيات في المقدمة |
رد: كاتب الجعفري .. تفضل
صح بدنك ياسلامه
ونشكرك على الجهود |
| الساعة الآن (05:05 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه