يافيصل إلّحق ترى هرجك يسليني= سولف ترى الهم هز القلب واركانه
سولف عن اللي طرالك لاتخليني=شرق وغرب فداك الكون والوانه
اببتسم لو هروج الناس تكويني=وشعري على هرجتك باشيل قيفانه
وان سج فكري وهل الدمع من عيني=لاتلومني يابعد داري وسكانه
لاني عرفت القهرفي مطلع سنيني=والروح من علقم الويلات رويانه
يافيصل القلب هدته النياشيني=ادمت عروق الغلا من جورخلانه
شكواي لله من هموم تباريني=من صدة اللي عليه الروح شفقانه
وشلون اصدق اخويَ مايحاكيني=كني غريمه او من اشد عدوانه
من صغرنا ماجرحته لو يبكيني=والحين شابت بي ايامي على شانه
معقول عقب الاخوه مايراعيني=معقول ماضل لي في مهجته خانه
لي هامة ماخلق منهو يوطيني=ولي عزه ماوطاها الضيم وازمانه
لاكن غلاته ودم حن له فيني=خلى دموعي بوسط العين غرقانه
والله احبه لونه مايدانيني=وادور رضاه لوهو صك بيبانه
ويشهد علي الاله الي منشيني=من عزني يوم مادورت خذلانه
ان جاني بطيب ردت مثله إيميني=وليمن نكر طيبتي سامحت نكرانه
سولف يافيصل وحط إيديك بيديني=وشف كيف ذاب السجين وغاب سجانه
اضحك ونا معك بضحك يانظرعيني=واترك جروح البشر لله سبحانه

المشاركة الأصلية كتبت بواسطة جايز المفوز (المشاركة 400599) لــــــــــي هـــــامـــــة مـــاخـــلــــق مـــنـــهــــو يــوطــيـــنـــي 00 ولـــــــي عـــــــزه مــاوطــاهـــا الــضـــيـــم وازمــــانــــه لاكـــــــــــن غـــــلاتــــــه ودم حـــــــــــن لـــــــــــه فــــيــــنــــي 00 خـــلــــى دمـــوعــــي بـــوســــط الــعــيـــن غــرقــانـــه لاجديد تميّز وابدع إتقان وقوّه وجزاله هذه قصائدك ياشاعرتنا تعجز الكلمات أمام هذه المحبوكه احـــلا التقـــييــــم تقبلي تقديري ابواريـــج

المشاركة الأصلية كتبت بواسطة سراب نجد (المشاركة 400600) ام فيصل صح والله السانك وأعتلى شانك بيض الله وجهك على هذه القصيده الرائعه الذي تحمل أجمل الكلمات الشعريه والراقيه لو كان فيها من المعاناه الشي المثير دايماً قصيدك جزل ورائع وأبداع مذهل بارك الله فيك والله يخلي لك فيصل ويحفظه أمين لك مني أجمل التحايا والتقدير