تسوين ياروضه لحالك ملايين = الله عطاك من الحسن مافتني
بك ميزة"عن غير كل المزايين = اللي يشوفك لازم انه يجني
الهيبه اللي تمتلكها السلاطين = ماخوذة"منك وماجاك عني
الجيد بلحاله من الصنت عشرين = والليل من فوق المتون متثني
والعين كنه عين طير الشياهين = والخشم كنه حد سيف"يسني
والشفه اللي تخلط التوت بالتين = كن الحروف ليا حكتها تغني
ولمعة نحرها لمعة" تجهر العين = كنه قزاز المان صممه فني
والصدر مضموم"على بعضه شوين = والعطر كنه في يديها متحني
والجسم كنه ماخذ" شكل قوسين = لاهو نحيف ولاسمين" يعني
والخصر كنه فاصل الجسم نصفين = كن البطن عنه يشح ويمني
ولامن تمغنج بالمشي بسار ويمين= كن العظم في جسمها ماستكني
ولامن تقفة كنها رنج لونين = جلد المراتب بيج تخشيب بني
رزة فرس تلعب بوسط الميادين = ماكنها الابنت شيخ متهني
تكفين ياروضه وانا قول تكفين = خبي محاسن جسمك اللي فتني
وش حيلة اللي ضايع" فيك يازين = غير الحسايف حيلة والتمني