°~*¤®§(§ شبـــكة ويــلان العـربـيـه §)§®¤*~ˆ°

السلام عليكم

احببت ان اضع هذه المشاركه للاحياء هذا القسم الراكن نوعا ً ماء , وهي عباره عن محاوره جرت بيني

وبين الشاعر سلطان دحيم العتيبي في منتدى عتيبه الهيلا اتمنى تحوز على رضاكم

ماجد الولدعي ( عقاب العنزي الاسم المستعار )

سلام وآخير شي ٍ يبتدا بالسـلام = الملعبه تو قـد زانـت ميادينهـا
سلطان يوم الجماعه لبسوه الوسام = ليته على الهقوه اللي فيه هاقينها

سلطان دحيم

هلا واخير العرب شرواك لا قام قام = والملعبه في حضورك يكتمل زينهـا
سلطان من فضل ربي ما يجيه الملام = واليا وقف للخصوم يقصـر يدينهـا

عقاب العنزي

كلمتك هذي ترى فيها كلام وكـلام = تدفن لنا الحنظله وتظهر لنا تينها
يااصحابنا ماعليكم زود ياآهل جهام = الاوله بحينهـا والثانيـه بحينهـا

سلطان دحيم

عقاب صحصح وشاف النور بعد الظلام = والضربه القاضيـه بانـت براهينهـا
جهام فيه السيوف اللي تقص العضـام = لكن رسالتـك مـا شفنـا عناوينهـا

عفاب العنزي

اليا احتمى الماقف الغصاب وقت الزحام = ربعك ماهم حاسبينك مـن سلاطينهـا
ان كان تبغى الكلام اللي عليه الكـلام = ماغرّنـا فـي جهـام الا سكاكينـهـا

سلطان دحيم

حنا سلاطين من داني علي الحرام = يوم ان ربعك لها سلطان ويهينهـا
انت عيونك تدامع عقب كيلوا جرام = من حاجت(ن) عندكم بالحيل مغلينها

عقاب العنزي

شف الخطوط العريضه لاتعدّى النظام = ياللي تذم القبيله وينـك ووينهـا !
هرجتك هذا ترى تشبه هروج الحلام = يامورد ٍ حجتـك حضّـر براهينهـا

سلطان دحيم

اقول حنا اللحام اللي يفـك الحـام = علومكـم مخطيـه لكـن ياشينهـا
يوم ان دمعك تهامل مثل وبل العمام = شمر هم اسبابها فيكـم مسوينهـا

عقاب العنزي

يطلقون النسا منكم يامال الهيام = اظن هالسالفه منتم بناسينهـا
شمر ونعم بهم ولا نذم الكـرام = والكفه اللي لنا ترجح موازينها

سلطان دحيم

بعض الرياجيل ياليته عن الهرج صام = يالله عسى ام القرين تروح بقرينهـا
االظاهر انك تعاني فيك نوع انفصـام = في قلتك ميـر مـا حنـا بكاوينهـا