احسب ان الخطا مردود .. !
الا يالله لا تقطع رجا داعيك يا رحمن = يا علاّم الامور الخافية والضيق.. والشده على بابك واناشدك العفو يارب ..والغفران = وفيضٍ من عطاك ورحمةٍ ماهيب منرده خذتني لوعة الوقت الصعيب مفرق الخلان = وقلبي ضامته سود الليال وبيحت سده انادي بالوصال احيان وادعي بالفراق(احيان)= واخفي غايةٍ في داخل الوجدان منضده احسب ان الخطا مردود والاحسان (بالاحسان) = واحسب الجرح يبرى والسنين تقصر المده واحسب ان "العهد" بيتٍ قوي شامخ البنيان = عسير الوقت لو هد الجبال الصم ماهده واحسب البعد تجفاه القلوب ويسكن الاوطان = واحسب ان المفارق يتعب المشتاق ويرده واليا مريت "يالصوت البعيد" وجابك التحنان = معك قلبٍ يتوق ومعك قلبٍ مخلفٍ وده تواعدني مواعيد السراب لخافق الضميان = و تتل الروح مني والنظر فدروبك الده واجيك بخاطرٍ يشري رضاك بغالي الاثمان = وعنك والله اني.. ماعرف الهجران والصده ابد ماكن به غيرك على وجه البلاد "انسان" = عليك الروح توله والنوايا معك منشده الين ارخصتنى ياصاحبي فالموقف( الخسران) = وذقت الغدر منك بطعنة فالصدر ممتده عسى ربي حسيبك كيف قلبي في يدينك (هان ).؟ = وانا مثل اليتيم " اللي نثر دمعه على خده " خذاك الزود واعماك الغرور وجابك "النقصان " = تقول الحق .؟ ولا تنكره .؟ ولاّ تجي ضده .؟ على ماتشتهي روّح ركابك والعذر له شان = مثل ماقيل " كل يلبس ثيابه على قده " عسى لى منك مسرا يقتفيه البعد و(النسيان) = وهجرٍ ماتجي له فالضلوع النايحة رده وعسى قلبٍ (يميل) وينتزع لك داخل الوجدان = تمثناه الرماح النافذه فالصدر ... وتلده للشاعره \ ابعاد التركي |
رد: احسب ان الخطا مردود .. !
سعوط المجانين
صح لسان الشاعره وصح اختيارك اختيار اكثر من رائع دمت بخير |
رد: احسب ان الخطا مردود .. !
سعوط المجآنين }~ وآشرآآآآآآآآآقه جديدهـ .. رآئعه أبعآآد التركي ورآئع هذا الأختيآآآر .. بس عندي عتب بسيط ع الخط لأنو جهازي نظام الفيستا ومايبان هالخط فيه :( * تستآآآآآآهل تقيييم عليها * : ) مشكور سعوط :more19: |
رد: احسب ان الخطا مردود .. !
سعوط المجانين
صح لسانك ولسان الشاعره اختيارموفق واكثر من رائع دمت بخير |
رد: احسب ان الخطا مردود .. !
اختيار رائع ومتميز
ودي وتقديري |
رد: احسب ان الخطا مردود .. !
اختيار روعه من شخص روعه
شكرا لك ولاعدمنا تواصلك |
رد: احسب ان الخطا مردود .. !
رائـع
سعوط المجانين على الدوم تروق لنا أحرفك تقديري |
الساعة الآن (09:17 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه