يا وجودي كلما اضحيت ثم مال الظلال
....لا غفت عيني و لا ذقت شي ٍ مشتهيه

الوجد او التوجدهو غرض من اغراض الشعر الشعبي
ويبدأ به الشاعر بالتوجد أي تشبيه حاله ببطل قصيدته والتي يسرد قصته في القصيده وغالبا ماتنتهي بمأساه محزنه ليمثل بها حاله من وجده على محبوب او فراق اهل او أي مصدر للحزن يصوره في قصيدته

واعتقد ان قصائد التوجد كانت بمثابة الروايات في وقتنا الحاضر فشاعر الوجد قاص وروائي
يجيد حبكة القصة ومدى تأثيرها في النفوس ويتفنن في اخراج عذابات ابطالها بصورة تبكي الحجر

يا وجودي وجد من ضاقت الدنيا عليه = تتابعت عليه صكآت بقعاء و انتحر
قبل انتحآره دوّر الناس و اومآ في يديه = و اقفوا عنه و ازداد ضيقه وخاواه القهر
أقبل عليه الحزن و آخر كلامه قال : ليه = و سؤاله استشهد بدمع ٍ من عيونه قطر
على وليف ٍ حدّ قلبي على ما لا يبيه = و أعلن وداعه لي و سلّم حياتي للقدر
أقفى و انا لو ما تكلمت كني أرتجيه = ابغى اتحمل لكن الوضع ما يبغى صبر
راح الوليف الناصح الملهم الذرب النزيه = اللي لقيته بين الاحلام جرح ٍمنتظر

ياوجودي وجد من ماتوا عيالـه ماتهنـا=شايبٍ طاحت عصاته مالقى احـدٍ يعينـه
وياوجودي وجد حرن من وجع كسره تعنا=ماقدر حتى يطير وصاح في صوته غبينه

ياوجودي وجد من طاح من طعنة غدر=والتفت خلفه واذا الغدر من يد ولده
وانتظر أنه يجي ياعسى يبدي عذر=ويوم قرب له وجاه ماخطر له يسنده

وجدي وجود اللي من العشق تايب=اليا غزاه الليل مع كل نوحـه
كل ماطرى فالبال ذكرى الحبايب ؟=زادن على الشيبات والاّ جموحه

ياوجودي وجد من مات خله في يديه= سبعة سنين(ن) فراق وبعدها جاه الحبيب
بعد فرقى واغتراب المصايب تحتريه=شوف عينه مات حبه مانفع كثر النحيب

ياوجد حالي وجد من جوه خطار=اوجيههم بانت عليهـا النكـاده
معهم خبر تبادلو فيه الاشـوار=كلن يقول العلم يبغـى ركـاده