رد: سجل حضورك بأبيات ارتجالية
تتوه خطانا في قربك وقربك يعني الابعاد=على قدر الغلا يبقى جفاك موثّق اوصالك الا ليت اللقا امسى غيابه في نهار رقاد=ولا لوّح هوا عشقك ولانطرد ورى امثالك |
رد: سجل حضورك بأبيات ارتجالية
تعبت اداري زلة الصاحب البار .. و تعبت ادور بالوجيه السماحه .. ليا صار مالك عند الاصحاب مقدار .. ابعد و تلقى بالزمان انشراحه .. البعد يصنع للرجاجيل تعبار .. و كثر المواجه للمشاريه ساحه .. |
رد: سجل حضورك بأبيات ارتجالية
ياقلب اركد واترك الناس للناس=وخل المقرّد تصطفق مع بعضها الواش يلقى له من الخلق خناس=اللي له دروب الخساسه فرشها خله يفصل له على قده قياس=جوخة ردا تزهاه كانه لبسها |
رد: سجل حضورك بأبيات ارتجالية
لك الشكر اخي سعد على هذه الفكره الغير مستغربه من امثالك
من طراق باب المقرد صار قارد=ومن فتح باب المحبه جاه عله والله ان الفكر في غيبته شارد=ودموع بوسط محجرها تهله |
رد: سجل حضورك بأبيات ارتجالية
قال المثل واليوم ادركت معناه=اليا بغيت فراق افعل ملا يطاااااق اللي يبي فرقاي يبشر بفرقاه=مطرد سراب ولا ورى نفسي انساق |
رد: سجل حضورك بأبيات ارتجالية
ياصاحبي لو تفتح القلب للناس=الخلق تكشف خافي الجاش وتروح من بعدها لا ترتجي هامة الراس=القدر ينزل والحشا ينضح جروح |
رد: سجل حضورك بأبيات ارتجالية
هبّت هبابيب وانحطن بالخفا حب
وامست علوم البعض نكث وغصايب ياصاحبي يفداكِ من هبهب ودب ضعاف النفوس مدورين الطلايب اللي غيابك لا حضر هاجم بسب الله يطشه بالخطا والنشايب تبت يمينه وان حضر حضرته تب لو كان من ضمن الاهل والقرايب |
| الساعة الآن (07:26 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه