يسعدني أن أقدم لكم هذه المحاورة بين الشاعرين فلاح القرقاح ومحمد بن الذيب

أتمنى أن تنال إعجابكم :


محمد ابن الذيب

سلام الله على الحضار ردة وزنها مضبوط =وابن ريفة تقدره المطاليق ويقدرها
لقيته بالحجاز يجر صوته ضايق ومبسوط = على الدرب الطويل يقدم الخطوة ويأخرها

فلاح القرقاح

ألا يا مرحبا ترحيبة التقدير والمسفوط = عدد ما تنقلب روس النواخذ في بواخرها
أنا لا رحت وإلا جيت ما يملا علي شروط = معزز في بلادٍ طاهرة والله يطهرها

محمد ابن الذيب

ما دام أنك تعرف البحر وش تبغي بالأخطبوط = جماهيرك من أهل البحر لا تجرح مشاعرها
بعد زال القحط والشيل ندّى قاعك المقحوط = لا ترفع منخرك والناس ترفع لك مناخرها

فلاح القرقاح

تحب البيع في سوق القرع ولا سوق القوط = أدور لأوله والثانية للي يدورها
نمد لك العسل صافي وتعطينا العسل مخلوط = طبيعة والطبيعة ما ماحدٍ يقدر يغيرها

محمد ابن الذيب

وأنا مخيرك في ثنتين أما السيف ولا السوط = جدا الثنتين واللي ما تناسب لا تخيرها
يا شاعرنا الكبير اللي وصلنا صوتك المشحوط = تراك اللي قدح خشم القتيلة لين ثورها

فلاح القرقاح

إليا من شفت وجه الفهري اللي عارضه مشموط = تجود فالعمد واحذر تواطاك بحوافرها
رفعت الصوت وأطيبكم غدا مثل أم خمس جنوط = توجه واتخدم واجنوطها تاطا توايرها


محمد ابن الذيب

أنا أشوق اقحطان وخيلها تسبق من أول شوط = لكن لا ضاقت الدنيا علي ماني بذاخرها
يافرت البدو شدك منحني ولا عليك خطوط = موديلاتك قديمة والمعارض ما تسعرها

فلاح القرقاح

سبقتنا يا محمد والردى مثل الطلي مربوط = وكم من جولة قمنا بها ما انته بخابرها
لمسنا القنبلة والقنبلة عدادها مفروط = ياليت القنبلة مثل الخفوت اللي نضيرها

محمد ابن الذيب

شهد لي جدى الله يرحمه في طرسه المخطوط = هو اللي يوم جيت ورأيته فالضلع نا شرها
أنا أوفك معك طاقة حرارية وتضرب شوط = صح الله لسانك ما يوفي حقك أكثرها

فلاح القرقاح

ما والله تسيبطون الا الى قلنا لكم سيبوط = لاهبهبت السبايا وأشهب البارود ذاعرها
أشوفه نابتٍ لك ريش وتزيد البنوط بنوط = لكن الفرصة اللي تعترض لك لا توفرها


أتمنى أن تحوز على رضاكم