( صـوت و صـدى )
هـــلا وغـــلا مــسـاجــلة شـعــريـة مع الشاعر صالح الضويحي أتمنى من الله أن ترقى لذائقتكم .. ولكم صادق الـود والـشكـر والـتـقـديـر .. . " " . ياصاحبي كان اللقاء مـولـد أفـراق = ماب الـوصل من أول الـشـوق تـالـيه ولو للفكر يالـشاعـر المـبـدع أعـتاق = ماكان نـعـرف بالـشعـر فكـر راعـيه الشعر أسمى من حبر فوق الاوراق = وأبعد مدى للنزف هاجس طواريه الشعر جرح ونزف وأحساس وأحراق = الشعر صدق وعمق مضمونـنا فيه ومن يسمع بحنظل حياته ولا ذاق = ماظنتي يفهم بقايا معانيه ياما نثرت أوراق . وأوراق . وأوراق = أصـغـرهـن اللي مآعْــرف ويش أسميه اليا أجتمع هم ومعاناه وأفراق = يكفي من الهاجوس أدنى قوافيه أن قلت دمعي حبر وحروفي أوراق = من كبر هـمٍ داخل الصـدر مخفـيه من ساطي الحرمان وجروح الاعماق = من حزني اللي في عيوني مواريه أنا الشعر يسكن خفوقي والاحداق = من وين مايمــّمـت وجـهي الآقـيـّـه وكان التلاقي للـقـاء صدر توآق = للصدق وأحوال الرفيق ومبأديه أنا على عهدي ولا خنت ميثاق = رفيق درب . وعمر . تآمـر وأقول أيه من خمنك الاول الى شمس الاشراق = لآخر طريقٍ حـيــرتــني مماشيه الصدق طبعي والامل ضوح برآق = من مبتدى عمري الى آخر لياليه كلي وفا ولجل الوفا كلي أشواق = أجــيه كلي بس لا أقفى أخليـه لو ضاقت أبوجهي مسافات وآفاق = أطــّوح الونات والبين أحاكـيّه ماركض ورى حلمٍ توارى ولا أنساق = وياكم قبلي وهــّـقـنه أمانيه كلن له الله لا تحـّسـف وتـنساق = في ساقة اللي يسهجون المشاريه أترك هل التظليل خالين الاعماق = من طاري القصد النزيه وحراويه عـبـد الظنون أترك مصيرة للاعتاق = واللي مضى يبقى بـيّـاضه بما فيه ذولا بشر صارو خـطــيه للاذواق = والحر يفهم بالاشاره وتكفيه ؟ أصدورنا أرحــب من فضاهم ليا ضاق = وعـمر الوفا ماضاق به صدر راعيه الشمس لو غابت خلقها الله أشراق = يشرق سناها ويتوارى بها التيه واللي تـسـوقـه عــزتـه كيف ينساق = صحيح من لا يـعـرف الصقر يشويه ياعــل نـفـسٍ ماتحــرك وتشتاق = تعيش في ضيم الزمان وبلاويه . ( منصور نايف الرويلي ) . . راق المــزاج ومـنـهـج الشــعر لـي راق=وأسـتدرج الهاجس وأنا كــنــت أناجـيـــه مـاغـاب لـحـظـه عـن خـيـالـي ولا بــــاق=هـمّــه مـخـــاويــنـــي وعـشـقي مـخـاويــه أشعل فـتـيـلـه .. صوت من للــوفــا تـــاق=من طيب هــقـواتــه وســـامــي مــبـاديـــــــه به سافر الأحساس والشــعر لـه ســـاق=جـواهـره وأســقـاه مــن عــذب صـــافـيـــه أعطأ وفاه اللي على الـطـيـب ســـبـّـــاق=وأسعد ضمير اللى حــفــظ قــــدر مــهـــديـــه وأيقض حــنــيـنــن مــغــلـقٍ بـابــه أغـــلاق=ماكـنـه الاّ في مــعــانـيــه يــعــنـيــــــــــه الشعر : نـبـض أحساس وألـهـام واسـياق=يـعـطـيـك قـدر اللي من الصــدق تــعــطـيــــه لـو مــونــتــه هـَــم ومشــاويـره أرهــاق=هـو غـيـث صـدراً هـــام بأطـــراف واديــــه من بـاقــة الشعر أقــتـنـص كل مـــالاق=ياكـثـر مايــرقــى لـــذوقـــك ويــــرضـــيــه لا تنشد الـجــاحــد .. ولا تــرمــي الـعـّـاق=بيــن الخطأ .. والصح .. مافيه تـشـبـيـه صــدر الـرحـابـه والمـبـادي والأخـــلاق=روح الشعر والقوس بـيـديــن بــاريــــه وأصحاب الأهواء والأماني والأبـــــواق=تــمــوت أمـانـيـهـــم علــى راحـــت أيـديــه ( الشاعر صالح الضويحي ) . . |
رد: ( صـوت و صـدى )
الله الله عليك يا منصور الشعر أسمى مـن حبـر فـوق الاوراق --وأبعـد مـدى للنـزف هـاجـس طـواريـه الشعر جرح ونزف وأحساس وأحراق ---الشعـر صـدق وعمـق مضموننـا فـيـه ومــن يسـمـع بحنـظـل حيـاتـه ولا ذاق ---مـاظـنـتــي يـفــهــم بـقــايــا مـعـانــيــه ياما نثرت أوراق . وأوراق . وأوراق ---أصغرهن اللي مآعْـرف ويـش أسميـه الـيـا أجتـمـع هــم ومـعـانـاه وأفـــراق ---يكـفـي مــن الهـاجـوس أدنــى قوافـيـه أن قلـت دمعـي حبـر وحـروفـي أوراق ---مـن كـبـر هــمٍ داخــل الـصـدر مخفـيـه من ساطي الحرمان وجروح الاعماق ---مـن حزنـي اللـي فـي عيونـي مواريـه والله درررررر يامنصور الله يرعاك |
رد: ( صـوت و صـدى )
الشاعر القدير
منصور الرويلي صوت وصدى من شعراء كبار صح لسانك ولسان صالح الضويحي ابدعتوا لله دركم انقى تحيه |
رد: ( صـوت و صـدى )
الشاعر الجميل منصور الرويلي
صح لسانك على هذه القصيده الجميله والصدى الرائع للشاعر الكبير صالح الضويحي كل الشكر لك |
رد: ( صـوت و صـدى )
صح لسانك
مساجله جميله ومفردات رنانه وجزاله جميله في كلا القصيدتين سلمتوا جميعا |
رد: ( صـوت و صـدى )
الشاعر منصور الرويلي
صح لسانك ولسااان الشاعر صالح الضويحي مساجلة رائعة وحضور مميز تحياتي |
الساعة الآن (12:05 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه