هوى عرعر وتعليله طريف
ذكرنا الصيف بهذه القصيده والتي اضعها بين ايديكم عسى ان تنال ولو جزء يسير من اهتمامكم
الصيف فرّاقن لشمل المواليف = عندي خبر من ماضيات الليالي تحياتي ( سعد سيف ) وريم الصبايا كل ماقرّب الصيف = راحت تصيّف وتركتني لحالي مصيفها مابين بيروت وجنيف = مرّه جنوب الارض00مرّه شمالي ياحيف ياتاج الغنادير ياحيف = ياحيف والله ياشبيه الغزالي وانا على شانه كثير التحاسيف = ماهو على شان المرح والتسالي طبعي كذا ماحب بعض التصاريف = اعز نفسي عن هواجيس بالي ولاني بمن يحسب لكثر المصاريف = كانه رخيص السوق وانكان غالي من فضل من بالكون يعبد ولاشيف = ماني من اللي يكنزون الريالي لكن 00 هواي وشف بالي هل الكيف = اهل المضايف محرقين الدلالي اللي بلقياهم تطيب السواليف = سوالفن ماعذربوها الرجالي عندي ( لهوى ) عرعر ( وتعليلة ) طريف = اكبر مساحة شوق تسكن خيالي ولو انها تدري بقيمة .. سعد سيف= ماظنها يمكن تشد الرحالي والله00 لو ماشفتها لاخر الصيف = انا مجال اهل المراجل مجالي |
عندي (الهوى) عرعر(وتعليله) طريف اكبر مساحه شـوق تسكـن خيالـي
ولوانها تـدري بقيمـه (سعدسيـف) ماظنهـا يمكـن تـشـد الرحـالـي والله00 لو ماشفتها لاخـر الصيـف انا مجـال اهـل المراجـل مجالـي الشاعر بندر المجلاد صح لسانك يا طويل العمر انتم اللي حامينها في لابه ترهب الموت لي الشرف لمصافخه قصيدتك (( وياليتني شاعر )) |
صح لسانك الشاعر بندر المجلاد
ماقصرت ،،،،،،، قصيدة جميله |
الشاعر بندر المجلاد
صح لسانك مليون دائماً مبدع ودائماً رائع سجل اعجابي وتقديري ولك تحياتي |
سعد سيف كما حبيت ان تسمي نفسك
صح السانك قصيده رائعه من روائعك الجميله اتمنى ان تتحفنا بالمزيد من جديدك |
ابوخالد
تسلم يمينك وصح لسانك وشهادتي مجروحه فيك فانا احد تلاميذك ابوخالد قصيده جميله ونمط جديد لسعد سيف غزارة المعنى وقوة الجزاله سكبت بشكل" رائع لاهنت وسلمت يمينك دمت بخير |
اقتباس:
عندي ( لهوى ) عرعر ( وتعليلة ) طريف ==اكبر مساحة شوق تسكن خيالي ولو انها تدري بقيمة ........ سعد سيف == ماظنها........ يمكن تشد الرحالي للابداع أسلوب يستهويك به شاعرنا القدير بندر المجلاد بقصايده التي جميعها بلغه سهله وسلسه قريبه الى الاذهان له أسلوب في الشعر ينتزع الاعجاب ويشد اليه القاري بكل جوارحه ويجبره على متابعه شعره بجاذبيه خاصه تلامس مكامن الاعجاب وتداعب خلجات الانفس وتحرك سواكن العاطفه.أقف امامك بكل احترام اخي العزيز |
الساعة الآن (07:50 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه