يا عزوتي يمك ترى القلب خفاق= انت الحبيب اللي احبه وبرّه
حبك سكن في داخلي وسط الاعماق= والقلب فيني انتقل عن مقرّه
يبغاك تسكن في محله بلا فراق =والحب يبقى دون شيٍ يضرّه
حب شريف وثابتٍ وسط ميثاق =هذاهوى قلبي وهذامسرّه
قلبي تعلق في محبتك ما ضاق =ماضاق قلبٍ حبك اليوم مرّه
يشفق عليك ويمك اليوم شفاق =ويشفق على شوفتك دايم بحرّه
وده بحبك يمه اليوم ينساق =ويبقى متين وثابتٍ طول عمرّه
وتبقى المحبه عاليه فوق الافاق= ولا يصيبها يازين كذب ومغرّه
والحب يبقى صافيٍ ما به انفاق =حبٍ صريح وللمعاشيق عبرّه
ماضنتي من حب يدعى بالاخفاق= ولا ضنتي يندم على مايجرّه
هذي الحقيقه قلتها فيك مشتاق=مشتاق انا لحبك بحلوه ومرّه
فوثق تراني في محبتك مصداق =ماني من اللي يخفي اليوم شرّه
وهذا قصيدي صغته اليوم بوراق= للي سعى للحب واللي يمرّه
فكلٍ يشيل بخاطر كل ماراق =وياخذ حبيبه بالفؤاد ويصرّه