°~*¤®§(§ شبـــكة ويــلان العـربـيـه §)§®¤*~ˆ° - وجه المقارنه بين الفارس/خلف الاذن والفارس/ شالح ابن هدلان

وجه المقارنة بين الفارسين الفارس/خلف الاذن بن شعلان العنزي والفارس/شالح بن هدلان القحطاني ، هو ان الفارسين المذكورين واجها نفس المشكلة في عدم الاستشارة من مشايخهم بسبب خلافات بينهم ويعود ذلك الى عصيان الفارسين وقوة شخصيتهم على مشايخهم ، حيث ان الشيخ/ النوري بن شعلان لم يستشير الفارس / خلف الاذن في احد المرات التي استشار وجها ربعه ال شعلان ويعود ذلك الى الخلاف المشار اليه بينهم وقال هذه القصيده يعاتب فيها الشيخ النوري بن شعلان لعدم إستشارته يقول الفارس / خلف الاذن :
ياشيخ ياشيخ الشيوخ إبن شعلان
،،،،،،،،،،،،،،، عندك صليب الراي ماتستشيره
تسعين سيفٍ مايسدّن بشامان
،،،،،،،،،،،،،،، خله لعجّلات السبايا ذخيره
إنشد هل العادات ذربين الايمان
،،،،،،،،،،،،،،، يخبرك عني من يعرف السريره
إن ثار عجّ الخيل في كل ميدان
،،،،،،،،،،،،،،، تلقى علومي يابن عمي كبيره
أقلط على الفارس بروغات الاذهان
،،،،،،،،،،،،،،، واخوض غبّات البحور الخطيره
أشيل راسـه من مزابير الامتان
،،،،،،،،،،،،،،، ولاعاد يذكر كل شره وخيره
السيف يشهد لي ويشهد لي الزان
،،،،،،،،،،،،،،، ويشهد بفعلي من سكن بالجزيرة
مايختفي فعلٍ تقفّاه برهان
،،،،،،،،،،،،،،، والعين ماشافت بليّا نظره
ربعي هل العليا لياثار دخّان
،،،،،،،،،،،،،،، مثل الزمول اللي تقاصف هديره
إن رددوا بالكون عليا وعليان
،،،،،،،،،،،،،،، حريبهم ترجع علومه صغيره
ربعٍ على جرد الرمك شانهم شان
،،،،،،،،،،،،،،، ويرعون بحدود النمش كل ديره

اما الفارس / شالح بن هدلان القحطاني حصل له نفس الموقف مع الشيخ/ابن هادي في احد المرااات وهو عدم استشارته مماجعله يزعل ويقول القصيده التاليه :
انا ليا كثـرت الاشـوار ماشيـر
،،،،،،،،،،،،،،، والله ماتـي واحـدن مادعـانـي
لامن وطيته قاعد رحت انا اسيـر
،،،،،،،،،،،،،،، شوره قداه وشوري اللـي قدانـي
وانا جا حساس عند تالي المظاهير
،،،،،،،،،،،،،،، جيته على صفرا تلـوك العنانـي
انا رفيقه في الليالـي المعاسيـر
،،،،،،،،،،،،،،، والا الرخـا كلـن يسـد بمكانـي
شوري ليا هجت توالي المظاهيـر
،،،،،،،،،،،،،، شلفا عليهـا رايـب الـدم قانـي
شلفا معودهـا لجـدع المشاهيـر
،،،،،،،،،،،،،،، يوم السبايا كنهـا الديـد حانـي
شلفا وريع من وسـاع المطاييـر
،،،،،،،،،،،،،،، يفرج بها لاحـان راع الحصانـي
مانيب حداي الظعن كنـي الزيـر
،،،،،،،،،،،،،،، ولانيب بيـاع الغتـر مربحانـي
ولاحط بيتي بين عوج الدواويـر
،،،،،،،،،،،،،،، ولالود المنزل عريـض البطانـي
ماني بخيـل مايعـرف المعابيـر
،،،،،،،،،،،،،،، قدني على قطع الفـرج مرجعانـي
ان سندوا حـدرت يـم الجوافيـر
،،،،،،،،،،،،،،، وان حـدروا سنـدت لمريغانـي
ناخذ بخير ان المريبـخ مساييـر
،،،،،،،،،،،،،،، ومادبر الموالي على البعد كانـي
رحمة الله على الشيخ والفارس/ خلف الاذن والشيخ والفارس/ شالح بن هدلان
وعلى اموات المسلميين امييين
امل ان تحوز على رضاكم واستحسانكم

تحياتي