صمّ.. الجبال.. النايفه.. ملبسه.. ثلج=وارض.. القفر.. عجزت.. على.. ضب.. ماها
وحدب.. الضلوع.. ان.. ظامها.. صاطي.. الخلج=باحت.. خوافي.. مابها.. من.. وذاها
لاضاق.. خاطر.. صاحبك.. طرّف.. الخرج=ضف.. الحمول.. النازفه.. من.. قراها
والى.. زما.. درّج لها.. بالفضا.. درج=كث.. العنا.. بين.. ارضها.. مع.. سماها
عزي.. لنفسٍ.. بالخفا.. تنعلج.. علج=الكل.. طيّب.. فاغره.. من ..شناها
ماهي.. هوان.. ولاهي.. تبّاعة.. البلج=كود.. النجاح.. الحلو.. كثّر.. عداها
ماهزها.. كبر.. المنازل.. على.. المرج=النفس.. عليا.. والمراجل.. ضناها
ياغير.. دوشات.. الخفا.. تطلب.. العرج=ترجي.. صليب.. الراي.. يشكي.. لظاها
هرجة.. وذا.. قصادها.. مابغى.. الفرج=جمرة.. غضا.. يبون.. رجلي.. تطاها
يقولها.. من ذاق.. طعنٍ.. مع ..الحرج=اقرب.. قريبٍ ..قبضته.. لي ..ثناها
يانفس.. مدام.. الجبل.. ملبسه ..ثلج=لولاهـ.. عالي.. ماتوشح.. بماها
شيمي.. عن ..الهفوات.. عن ناقص.. الهرج=والهافي ..اللي.. مشيته.. في.. ذراها
التايهه.. تسري.. بلا.. قيدٍ.. وسرج=والله.. حسيب.. اللي.. تقفا.. خفاها

يالله يالمولى عليك التدابير=يامفرج النكبات فيك اتكلنا
يارازقٍ خلقك ومحيي الضوامير=ياواهبٍ عقلٍ بحمله كملنا
يالله انا طالبك زين المغاتير=مع صحبةٍ كانوا لنا مثل اهلنا
ماعاد باقي للغلا و التقادير=ذرة وجودٍ في زمانٍ حملنا
مالوا علينا دون ذنبٍ وتبرير=يالله بيّن علمنا من جهلنا
ماني بمخطي يوم اصاليهم البير=من عافنا حنا له اول تفلنا
لفوا صحيح الوقت لي جو تغبير=مالوا على الغلطه وللحق ملنا
شانت نوايانا و كل التعابير=تهنا عن الزينات منها وهملنا
لو بينوا الخافي تزول التغابير=نمشي على حقٍ مسطر عدلنا
حنا شبيهه بالرضا كالمساطير=مافينا عوجا لو يقولوا وقلنا
وحنا شبيهه بالزعل كالسواطير=نكسر عظامه يوم صلنا وجلنا
حنا الصقور ولا يقال العصافير=حنا النشامى يوم يذكر فعلنا
ماني بناسي وقتنا والمقادير=وماني بغافل وقتنا وش جعلنا
كنا رفاقى عز وكنا اوامير=وكنا صداقى لا هرجنا صملنا
واليوم وضعي مايبي زود تبرير=من يوم ابديتوا الجفا وامتثلنا
خلاص لاتطرون قولة مسايير=ياكود نعرف وش خفايا عملنا

سر ياقلم واكتب على حبر واوراق=وانثر معاني ساميه في حضوره
اكتب على هام الورق صاحبي باق=خايف من القطات تهدم قصوره
ياحيف خطون مايثبّت على ساق=تعصف به الدنيا على غير شوره
لوهو تعذر قال وضعي غدا شاق=نستر على وضعه نكفكف اموره
ولو كان به زله وصدره بها ضاق=حقٍّ علينا الوصل نجبر كسوره
هذا العشم هذاهو تقدير الارفاق=بالزود لا زادت سنين مخبوره
مار البلا في صاحبي ماتت اشواق=واصبح يقيس الوضع باشياء معثوره
قله مدامه ناوينٍ ترك الاعذاق=هبيت يا تارك جموعن صبوره
والى مشى اكتب على دربه افراق=ومسموح دام البخل سبة ظهوره

الحال ماهي مثلها اول كما الحال=دارت عليها اوقات قشرى قلبتها
تلعب بها من جال لي جال ليجال=امور صعبه ماسبق وعرفتها
لو عندها من غيبة ايامها اقوال=ماتقترب للنار حتى حطبتها
مار العزا لا ذقت من وقتك اهوال=نظره سريعه بحال ناس اخلفتها
تصغر بعينك بعدها كل الافعال=حتى ليالي الهم نفسك رضتها
دام الدهر ماينفع الحال لا مال=ماينفعك كثرة شكاوي لهدتها

دام الدهر ماينفع الحال لا مال=ماينفعك كثرة شكاوي لهدتها

رضيت الهم يطويني وانا اللي ما طواني هم=تجرعت المرار انواع اراجي بس يخليني

الله على اللي قلبها مابعد نيش=فطفوطتن ومقرطسه من مهدها
الله حباها الزين من دون تنقيش=نصف الجمال اليوسفي في جسدها
غارن لشوفه لا بسات الدنانيش=ومن شافها بالعين غصبٍ حسدها
اخلاقها تكسي جماله كما الريش=والدين ساس العز واصبح عمدها
امشي على شانه وامشّي لها الجيش=واكسب حروب الضد وآخذ بيدها

الموت قرّب والحبل صار ممسوس=والله يهوّن قطعته من يدينا
حقٍ لو ان الخوف بالنفس مغروس=نجزع ولكن نقبل اللي علينا