قصه الشايب والبنت(( الاهداء لابووضاح ))
بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن ومشهور بانه حبيب
فيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون راحت له وردت عليه السلام كيف حالك يا شايب رد السلام والله بخير الله يعافيس وفجأه عطته ظهرها ومشت ولا استئذان ولا شي ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه يقول الشايب : يا بنت خوذي خاطري وارحميني لا تجرحين العود بعيونك السـود غضي نظرك وغطي الوجنتينـي لعل يومٍ جدد الجرح مـا يعـود يوم انتهى مع مرمسات السنينـي جتني صواديفه على غير مقصود باول شهر عشره نهـار الثنينـي حمدان مروا به على جنازة حمود البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل ردت عليه وهزأته تقول يا شايب الرحمن وينـك ووينـي عزي لحالك قدمك الباب مسـدود قلبك عطوف وجاه قلـبٍ متينـي والبنت ما تشفق على مغازل العود حبل الرجا مقطوع بينـك وبينـي مثل الغليث اللي رعا قلبه الـدود اقفى شبابـك والعـرب مقبلينـي يا عود ما يرجع من العمر مفقود حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه يقول حمدان : يا بنت صـدي بالعيـون الظليلـه لا صد عنـك الله نهـار القيامـه مالي ومالك يالفـروع الطويلـه لو فيك من رسم البـداوه علامـه يابنت مـا لـي بالثمانيـن حيلـه اهدف كما تهدف على البير قامـه اقفى شبابي والدهر شفـت ميلـه يالله حسـن الخاتمـه والسلامـه اعطيك موجز والبضاعـه قليلـه واخذت لك من صافي الماء سنامه راحت الايام والشايب مسكين سنه خذله معها شايب وهي بنت وتقول له كيف اعطي شايب وجه بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب يقول حمدان يا بنت ما جاك الكبـر والخشونـه وعادت شباب اليوم يجفل من الشيب ياسرع ما وبلـك تمـزع مزونـه يالفاتنـه يـا ام الثمـان الرعابيـب يا بنت مـا بينـي وبينـك مهونـه كلمة شرف نبي تحيـه وترحيـب الله مـن عـودٍ ثقيـلـه طنـونـه ينصاه راع المشكلـه والمواجيـب على الكرم والديـن نفسـه حنونـه تلقاه بالاجـواد شـرق وتغاريـب جهز الابيات وارسلها مع عجوز ووعد العجوز بهديه اذا وصلت الرساله لها راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعني بابياتي العجوز مسكينه قالت طلعيني ولا ابي منكم شي الله لا يعودكم انتم واوراقكم ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف تقول البنت العود عود وطايحـاتٍ سنونـه من كثر ما يرقد على جرة الذيب عودٍ مهرقل والعرب ما يبونـه ياعود ما لك في طويل المراقيب اقفى شباب العود راحت حتونه مثل اليتيم اللي بكا ما له مجيب جداه ينثر دمعـة ٍ مـن عيونـه غريق موجٍ ما لقا له مقاضيـب هذي قصة الشايب والبنت وسلامتكم وتحياتي للجميع |
سلمت ودمت قصه بالفعل رائعه
وهذه سنة الدنيا . انشهد ان الكبر شييييييييييييييين ولك اجمل المنى |
صالح
هههههههههههههههههههههههه هلاابك وهلا بمشاركاتك الرائعه وتسلم يمينك على هذه القصه والقصائد الجميله واتوقع ان الموضوع ماراح يعدي بالسهوله خصوص" من الشيبان وشكلك بتاكلها وتروح وطي لذلك نصيحتي لك شلها قبل لايشوفونها هههههههههههههههههههههههههههههههههههههههههههههههههه صالح ياليت تكثر لنا من هالمشاركات الله يعطيك العافيه عليها دمت بخير |
الاخ / صالح
انت شعله من النشاط جهودك ملموسه وموفقه القصه رائعه ومنطبقه على ابووضاح ميه باالميه تقبل تحياتى وتقديرى |
والله القصه رائعه ومشوقه وفيها شعر اجمل
اخوي صالح شكرا لك على هذه القصه الرائعه الله يعطيك العافيه لكن ليه مأخذ عليك وعلى بعض الاعضاء الي ردوا انت حاط بالعنوان "الاهدا لبو وضاح" وبعض الاعضاء يذكرون اسمه بالرد يا اخواني القصه جميله بكل تاكيد لكن وش علاقة ابو وضاح بالموضوع ترى ماله علاقه بالموضوع مررره لذلك اتركوه بحاله انتم وش فيكم !!!!!!!!!!!!!!!!!!!!!!!!!!! --------------------------- وانا اقترح على ابو وضاح ان اي واحد يلمز بالكلام مثل بعض الناس يرد عليهم على طول وبدون تفاهم بقصيده قاسيه والله انهم غير يتأدبون . لكن الله يسامحه هو الي تساهل معكم !!!!!!!!!!!!11111 |
عساف
لا خلا ولا عدم يا جدي |
مزيد المزيد
هلا بك يالغالي ماعليك لا تخاف علي معي حصانه دبلوماسيه وابو وضاح ما اشكل علي تدري ليه راسي متعود على الفلقات هذي الحصانه الدبلوماسيه اللي عندي ابشر بمثل هاالمشاركات اعجابك محل اهتمامي |
| الساعة الآن (03:36 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه