زواج الشيخ سعدون العواجي من والدة عقاب
كانت هناك بنت جميلة والدها هو ولمان بن متعب من فخذ اليمنة من الجعافرة واسم هذه البنت رباحة ولها من الاشقاء رباح وسلطان . ففكر سعدون العواجي بالزواج من رباحة نظراً لمكانت والدها ومايملكه من شجاعة فــ نظم هذه القصيدة .
دنيت حراً من سلايل وضيحـان = حراً معرب من ركـابٍ اصيلـه يلفي لـبيوتٍ تجمع الصبح ديوان = اهل المكـارم مقحميـن الدبيلـه ربعٍ لنا عند القبايل لهـم شـان = قبيـلـةٍ يـاوي والله قـبـيـلـه عند بن متعب نوخ الحر شقـران = يلفي لـابو رباح مزبـن دخيلـه عقب الكرامة مطلبي عندكم هان = بنتك ابيها يابـن عمـي حليلـة ابي نسبكم ياعطيبيـن الايمـان = ومن عندكم ماطلبتـي مستحيلـة ابي غلامٍ باللقـاء مثـل ولمـان = ماتقضب الغلمان ملـوى شليلـه اليا اختلط عج الرمك واللغى شان = بالمعركة يرهب عـدوه صهيلـه فقد كان له ماطلب تزوج رباحة وانجب منها الفارسين عقاب وحجاب فقد تحقق له مطلبه في قوله.
ابي غلامٍ باللقـاء مثـل ولمـان = ماتقضب الغلمان ملـوى شليلـه اليا اختلط عج الرمك واللغى شان = بالمعركة يرهب عـدوه صهيلـه منقووووووول |
رد: زواج الشيخ سعدون العواجي من والدة عقاب
سليمان الجعفري
صاحب مواضيع مميزه واختيارات جميله شكرا لك على هذه القصه |
رد: زواج الشيخ سعدون العواجي من والدة عقاب
لاهنت على النقل المميز قصه من افضل القصص القبليه لك الاحترام والتقدير |
رد: زواج الشيخ سعدون العواجي من والدة عقاب
بدر فهد الجعفري
شكراً جزيل لمرورك العطر والاطراء الرائع الله يعطيك الف عافيه لاهنت يالذيب تقبل تحياتي واحترامي |
رد: زواج الشيخ سعدون العواجي من والدة عقاب
الغاالي
سليمان الجعفري بيض الله وجهك على هذا النقل العظيم دمت بكل خير ...وداام هذا الحضور تقبل تحيااااتي |
رد: زواج الشيخ سعدون العواجي من والدة عقاب
نافع عيد الجديد
شكراً على مرورك الكريم الله يعطيك الف عافيه لاهنت ياشاعرنا الكبير تقبل تحياتي واحترامي |
رد: زواج الشيخ سعدون العواجي من والدة عقاب
ماجد الجعفري
الله يعطيك الف عافيه على المرور العطر ووجهك ابيض يابن العم على الاطراء الرائع لك اجمل تحياتي واحترامي |
الساعة الآن (09:33 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه