من قصايد الاميرالشاعر/ محمد الاحمد السديري (الغزليه)
من قصايد الاميرالشاعرالكبير / محمد الاحمد السديري (الغزليه )
يازين قلبي راح مني يباريك = واصبح مقره بين الاضلاع خالي بالحلم ياسيد العذارى يناجيك = وبالعلم له وسط الضمير اجتوالي طابت لي اذكارك وطابت مواريك = وطابت عمامك يوم طاب الخوالي ارضيتني وبعالم الحب ابرضيك = انت الحبيب اللي بديت وبدالي لعل رب صورك لي يخليك = تشفي فوادي مابقن الليالي انا على خافي ضميرك موليك = في منزل مايسكنه كود غالي عينك تراعيني وعيني تراعيك = اشفق من الصايم لشوف الهلالي نصبح مصابيحك ونمسي مماسيك = وانا ورا ضنك بعيد المدالي انا لي ضاعت جهود الشبابيك = ارسي على صيد الوحش باحتيالي ياشبة وضحه زينوا فوقها ديك = تموج للطياح روس المقالي وله ايضا
قالوا علامك باكي قلت مطعون = شوفوا نزيف الدم مني تتالا قالوا من اللي صوبك قلت عافون = قالوا عدوك قلت ياناس لالا هذا الحبيب اللي له القلب مرهون = هذا حيات لبروح بدر الكمالا ياعاذلين القلب لا لاتعذلون = وحيات رب فوق عرشه تعالا اني فلا انسى واحد فيه مفتون = بيني وبينه نازح البعد حالا فتان صاب القلب كون بثر كون = مملوح اخذ كل البها والجمالا كنه الي حرك قوامه على الهون = غصن اللي هب فيه الهوى مالا قلبي لقلبه لو تنحيت مرهون = غيره حرام ونور عيني حلالا وله ايضا :
ياغزال الريم ياظبي الفلا = ارحم اللي منك عينه ماتنام ياهلا في شوف زولك ياهلا = يالطيف الروح خذ مني سلام ارحم اللي في هواكم مبتلا = من ودادك نايح نوح الحمام المحبه والملاحه والهوى = زاهيات فيك يابدر التمام باح صبري منك والقلب امتلا = والله اني في غرامك مستهام والله اني ماهويت من الملا = من جميع الناس من حام وسام كود زولك عنه قلبي ماسلا = لك فوادي دش في بحر الغرام ليت من هو ثمانك ينهلا = حبتك ياصاحبي برد وسلام مابتليت بحب غيرك لاولا = زارني طيف سوى طيفك حرام مبسمك فيه الدوا لوذبلا = ان ضحكت بليل ينجال الظلام حبتك تغني عن الما والكلا = من رحبق شفاك جرعتني مدام صابغ حبك بقلبي مانجلا = ياحبيبي مثل دقات الوشام امتلا قلبي بحبك والغلا = من عذلني عنك ماسمع له كلام وله ايضا:
آه مـن دمع ٍ على خدي سفـح = من فراق اللي على غيري شحيح من فراقـه بالحشا قلبـي لفـح = ساكن ٍ وسط الحشا حبه صحيح من ربا صنعـا إلى غربـي رفـح = ما سكن وسط الحشا غيره مليح ان تعمدت الخطا عنـده صفـح = خابـر ٍ قلبـي من اسبابه جريح فـي غباب الحب انا قلبي طفـح = هايـم ٍ ببحورهـا مـا يستريح ريـح خلـّي مع هوى الغربي نفح = مـن جـنان الخلد ريحه فيه ريح امل ان تحوز على رضاكم وسلامتكم |
رد: من قصايد الاميرالشاعر/ محمد الاحمد السديري (الغزليه)
لاهنت ياسليمان على الانتقاء الرائع للقصائد الامير الشاعر محمد احمد السديري
تقديري |
رد: من قصايد الاميرالشاعر/ محمد الاحمد السديري (الغزليه)
بالفعل قصائد رائعه للسديري
وماشاء الله عليك اخي انتقاء جميل لهذه القصائد يعطيك العافيه على هذه الروزنامه الشعريه وهذا الانتقاء يالبناخي دمت بود |
رد: من قصايد الاميرالشاعر/ محمد الاحمد السديري (الغزليه)
سليمان الجعفري اختيار رائع
فائق تحياتي |
رد: من قصايد الاميرالشاعر/ محمد الاحمد السديري (الغزليه)
اقتباس:
سعوط المجانين مرورك اسعدني الله يعطيك الف عافيه لك تحياتي واحترامي |
رد: من قصايد الاميرالشاعر/ محمد الاحمد السديري (الغزليه)
سليمان الجعفري
صح الاختيار والله يرحم السديري شعر بمعناه |
رد: من قصايد الاميرالشاعر/ محمد الاحمد السديري (الغزليه)
اقتباس:
ابوغرام شكراً لمرورك العطر الله يعطيك الف عافيه لك اجمل التحايا والاحترام |
الساعة الآن (12:19 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه