هذا انا مع كل شروق لشمس الصباح ..~
:more61:هذه القصيده من اولى محاولاتي الشعريه ,, اقدمها لكم وانا كلي رحابه صدر بأستقبال كل ارائكم :$ هذا انا مع كل شروق لشمس الصباح اسمع صوت عصافير الحب تعزيني واحاول اقوي النفس واتظاهر بالارتياح واقول بكرا الايام والليالي بتلهيني لكن نار حبه وشوقي له ذباح وفيني من عذاب بعده مافيني من زوده اتمنى اطير لعالم الارواح وبس احتضن طيفه وهذا يكفيني انا فتحت له قلبي وسلمته المفتاح وقلت هذا حبيبي وبحبه بيمتليني واحساسي اللي له وحده ارتاح وماخطر ببالي بيوم يخيب ويبتليني كنت لاذكرته حس القلب بانشراح لكن ترجع ذكرى سوياه تصحيني مانسيت ذيك الليله وكلامه والجراح من يومها وانا عفته وطاح من عيني وقسوته اللي جعلت حزني فضاح وكلن سأل وش سري اللي يبكيني واتذكر حرقت دمعي والالم والصياح وجرحه اللي كان دايم يدميني وتاخذني عزه النفس واقولها بالاصراح انا مارجع لحبه لويكون موتي بيديني واطلب البعد بقرار ماهو باقتراح طلبتك ارحل عن دنيتي وخليني خلاص انا بترك ذكراه تاخذها الرياح انا ابصرت وماعاد حبه يعميني وعسى دنيته بعدي مو فرح عساها افراح وانا ربي قادر على جعل الاقدار ترضيني |
رد: هذا انا مع كل شروق لشمس الصباح ..~
صح لسانك والله يعينك ويعاونك
باالنسبه للقصيده فهي سليمه من ناحية القافيه ولكن تحتاج الى وزن فهي عديمة الوزن كل ماعليك هو اعادة الوزن باالطريقه اللتي تناسبك مثل اختيار لحن للقصيده وتكون جميع الابيات متناسقه او راكبعه على هذا اللحن عندي بعض النصايح بخصوص الوزن والمحاولات الاولى 1 الابتعاد عن طول القصيده حتى يتم السيطره عليها 2 اختيار البحور القصيره 3 اختيار القافيه السهله مع اني لا ارى صعوبه في قافيتك .. .. .. انا بساعدك وأوزن لك البيت الاول والثاني وتكمل بقية القصيده على هذا البيت ومن المحتمل ان يتغير البحر تلقائيا حتى يتم الوزن .. .. .. هذا انا مع كل شروق لشمس الصباح اسمع صوت عصافير الحب تعزيني واحاول اقوي النفس واتظاهر بالارتياح واقول بكرا الايام والليالي بتلهيني هنا باين الخلل والكسر .. .. .. بعد التعديل يكون انا والله انه كل مابان الصباح ............. عصافير حبك في غيابك تعزيني ذبحني غيابك ماعرفت الارتياح ............ وذبحني صوابك والليالي تلهيني ... ... ... ... تحياتي لك وباالتوفيق ان شالله |
رد: هذا انا مع كل شروق لشمس الصباح ..~
صح بدنك اخوي بدر ومشكوور على هالنصايح ومن جد افدتني كثير .. فروحه ببدايه كتابتها ويوم كتبت هالقصيده كانت مشاعر فياضه وانسكبت على الورق ,,,من غير تدقيق ببحر او بوزن وللأمانه انا ماخضت ببحور الشعر واوزانه ومااطلعت عليها,,وهذا تقصير مني بس ان شاء الله بأتعرف عليها واحاول اطبقها .. شكراً من القلب ,, دمت بخير |
| الساعة الآن (11:39 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه