بديت بسم الله رفيع الشاني=الواحد الغفار يا الرحماني
ابدا قصيدي واستعن في ربي=وازين المعنى مع القيفاني
الرجل ياخذ قسمته بيمينه=ما هو يوصي فلان ولا فلاني
وبعض العرب يا ناس فيهم حاجه=ما يقدر الجيره ولا الجيراني
مير النصيحه بهزمن تلزمنا=ولا الاصيله بوسط الميداني
يا ناس لاتجيبون هرج النمه=ولا تسولف بهذا ولا تشناني
ترى الكلام الزايد المتكاثر=يجيب عيب ودايمن نقصاني
والكبره الكبره ما هي للمسلم=والي يتكبر هو سوا الشيطاني
والكذب مدري ليه بعض العالم=مايتوب عنه ويعبد الحناني
وهذي نصيحه للولد واصحابه=والخيل ما يمسك بدون عناني
ابعد عن الدخان والي حوله=يجعلك دايم طايحن تعباني
واحذر من حبوبن تجيب السكته=والطير ما يعلى بلا جنحاني
هذي نصيحه لك وانت بكيفك=انهج مناهج جدك وجداني
كم شايبن خلا عياله قدوه=دربن صحيح وللخطأ عداني
وكم شايبن خلا عياله عبره=علمه بهم يومنهم ورعاني
يا الله تكافينا شرور الدنيا=وتغفر ذنوب العبد يا مناني
قلت القصيده والقصيده حيه=وربعي هم الي يكرمون العاني
حنا هلا النخوات واهل الفزعه=وسيوفنا تلمع على العدواني
وبا المعركه منهو يقابل ربعي=انشهد انه دايمن خسراني
لا فرعت الترفه المزيونه=عيال وايل بوسط الميداني
صغيرنا يشوش من نخوتها=وكبيرنا يذبح من الفرساني
فينا الحميه والسطر والطنخه=وحنا ترانا للكرم عنواني
واخر قصيدي مرحبا ترحيبه=اهلا هلا في ربعي الويلاني
وختامها تسليمتن من نايف=من قوها تروي ضما العطشاني

المشاركة الأصلية كتبت بواسطة جلال الدرعان (المشاركة 325928) يالروعة التصوير يالروعة التعبير يالجمال المعاني !!!! إذا إنسابت من قلب صادق نابض بدفئ العاطفة عامرةٌ بإحساس الصدق مفعمةٌ بعذوبة الرومانسية أعذرني إن حار القلم أعذرني إن تلاشت عباراتي أعذرني إن صمتت كلماتي فلها كل العذر أن دانت بالولاء والصمت في حضور صادق إحساسكـ وعذب كلماتكـ سألتزم الصمت أمام إبداعكـ فالصمت في حضرة الجمال جمالً سأكون دوماً في انتظار إبداعكـ

المشاركة الأصلية كتبت بواسطة عيسى العنـزي (المشاركة 325935) نايف صح السانك ولاهنت شاعر جميل وراقي يعطيك العافيه احترامي