عــيـون الـمـهـا (( مرثيه ))
أعجبتني هذه المرثيه
للشاعره عيون المـهــا،، ( الشمس غابت )
الشمس غابت وأنتهت كلمة الطيب =ماعاد له معنى ولا له سبايب مات الذي باالطيب عدّى المراقيب=واللي بكت فرقاه سبع العجايب الشمس غابت ونّخرع بالخلا الذيب=يوم أظلمت شمس السخا والوهايب واليوم يوم أقفى خويّ المواجيب=أقفى على شداد الكرم والركايب أقفى خلي ٍ من صغار العذاريب=له سيرةٍ من ذكرها ماتعايب أبوي بسنين الوزاء للمعازيب=يهل خيره مثل وبل السحايب وأبوي يوم الأرمله له نواديب=وقف لها مثل الذرى عن الهبايب وأم اليتامى يومها شقّت الجيب=ظلل عليها من كبار المصايب ذرّى بذراه اللي دموعه مساكيب=على العجوز وكل شايب وعايب ليا شاف من يشكي جروحٍ معاطيب=مانام إلا وجرح من صاح طايب راع العلوم الغانمه رايه مصيب=حلاّل قالاتٍ يفكّ النشايب أقفى على علمٍ كما ريحة الطيب=يفوح طيبه لو هو اليوم غايب وأقفى وخلانا نجر النواحيب=كبيرنا وصغيرنا له نحايب يالله طلبتك يوم مدّ المكاتيب=أبوي باليمنى يمدّ الكتايب يالله عسى يسقى ألذ ّالمشاريب=في جنتك ياعلّ مثواه طايب ياعلّ مايعرض على أدنى اللواهيب=وعلى عظامه ماتمرّ اللهايب يارب يارحمن ياعالم الغيب=تجعل له بقبره رياضٍ رحايب الشمس غابت وأنحنت كلمة الطيب=مدام راعيها ونيس النصايب . وسلاااااااامتكم . |
رد: عــيـون الـمـهـا (( مرثيه ))
صح لسان الشاعره عيون المها
وتسلم يمينك يامزيد على الذووووووووووق الراقي والله يعطيك العافية ولا حرمنا الله من إبداعك واختياراتك بانتظار المزيد تقبل مروري المتواضع |
رد: عــيـون الـمـهـا (( مرثيه ))
الغالي / سعد
تسلم ياذوووق ويسلم قلبك وعيون المها شاعره لايشق لها غبار قادمه الى الساحه بقووووووووووه فقط لننتظرهااااااااااااااااااااااااااا دمت بكل خير |
رد: عــيـون الـمـهـا (( مرثيه ))
سندريلا
هلابك اختي وشاكر لك مرورك الكريم وتواصلك العذب هذا من ذوقك وقصيده تستحق القراءه كما اسلف اخوي سعد دمتي بخير |
رد: عــيـون الـمـهـا (( مرثيه ))
عيون المها شاعره رائعه..
والاروع هو حضورك ياابو راكان واختيارك الجميل .. تقبل مودتي |
رد: عــيـون الـمـهـا (( مرثيه ))
صح اختيارك يا بو راكان ...........
ذوق راقي واحساس جميل........ صح لسان عيون المها......... تحياتي |
رد: عــيـون الـمـهـا (( مرثيه ))
الغالي سعود
شكرا ً لمرورك والشعر الجزل والحقيقي يجب ان لانمر عليه مرور الكرام .. دمت بحب |
الساعة الآن (07:40 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه