][][§¤°^°¤§][][ عـــدنــان و لـــيــنــه ][][§¤°^°¤§][][
اسعد الله اوقاتكم بكل خير ,,,
قصيده متواضعه اتمنى ان تعانق قلوبكم الطاهره قبل ان تنال اعجابكم 000
افتح ياسمسم .. جيت ادور لي احباب = عدنان انا وابحث عن ديار لينه تايه وادور من ورا فكري ابواب = او لا ..ادور من نجى بالسفينه قلب" كفر في عالم العشق ماتاب = وش دخل احساس البشر بالضغينه لينه .. فتاة" باول العمر ترتاب = تخاف لاسمعت ضجيج المدينه لينه .. يتيمه مالها اصحاب واقراب = لينه .. بريئه بس دايم حزينه من مات ابوها بعينها موتة كلاب = قدامها ذااق القهر والغبينه وفزعة اخوها بين صادق وكذاب = لحق بابوه ودمعته وسط عينه هي تدري انه مات والعمر به غاب = وهي تدري انه مات عالي جبينه لكن بقى في قلبها لوم وعتاب = تمشي شوي .. شوي وتقول وينه وينه زمان العز وش جاب وش جاب = مابه طمانينه ولابه سكينه لينه .. بكت تحت الخطر بين الاجناب = تكسر يدين اللي تمادت يدينه في صوتها جرح" بكى موت الاشناب = (( زئير ليث" )) ولعوا في عرينه سمعتها تقول خاب الرجا خاب = وان كان فيكم حر يرفع يمينه اقفى بها عبسي ولاحسب حساب =شاف الزمان اغبر وغبر سنينه راح يتمخطر واحترامي للاصحاب = ماغير شجب وبالخفا محتمينه لكن محال يدوم هالحال لو شاب = راس الطفل يجيه من هو يهينه يالينه وينك.. منتي بــ صفحة كتاب= انتي حقيقه والملا خابرينه مايضيع حقك دام للحق طلاب = طال الزمن ولا قصر تاخذينه وبكره يجي عدنان يااولوا الالباب = ويفّرح اللي زاد همه ونينه |
روعه
بسم الله الرحمن الرحيم السلام عليكم اعنذر اولا عن غيابي عن المنتدى لظروف السفر والظروف الصحيه و يشرفني ان تكون افتتاح شهيتي لهذه القصيده و بهذا العنوان و لشاعر بحجم الاخ مزيد القصيد رائعة في مضمونها و مجملها و رائعة المعنى و الكلمات و فيها الكثير من التعابير الرائعة انظر لهذين البيتين من مات ابوها بعينها موتـة كـلاب قدامهـا ذااق القـهـر والغبيـنـه وفزعة اخوها بين صـادق وكـذاب لحق ابـوه ودمعتـه وسـط عينـه ستجدين و ستجد الالم و الحسره و ايصال المعنى باسلوب حزين و وصف سينمائي مثير و يعد ذلك انظري و انظر الى هذاالبيت سمعتها تقـول خـاب الرجـا خـاب وان كان فيكـم حـر يرفـع يمينـه ثم الشهامه و غيرة الرجل نحو صوت المراة في هذا البيت : اقفى بها عبسي ولاحسـب حسـاب شاف الزمان اغبـر وغبـر سنينـه و ينتقل الشاعر بعد ذلك لبيت اعتبره في نظري من اروع ما كتب مزيد لكن محال يدوم هالحـال لـو شـاب راس الطفل يجيه مـن هـو يهينـه حينما اوصل ان فكرة الحق لا يضيع حتى لو قصر الدهر او طال و ان الله هو المدبر لهذا الكون و انه سيرد الحقوق لاهلها الشاعر الكبير مزيد كتبت فابدعت و امتعت اختك الدمعه الحزينه بقصيدة رائعة بعدطول غياب شكرا لك و لللجميع |
مايضيـع حقـك دام للحـق طـلاب=طـال الزمـن ولا قصـر تاخذينـه
وبكره يجي عدنان يااولـوا الالبـاب=ويفّـرح اللـي زاد همـه ونيـنـه الاستاذ والشاعر الكبير / مزيد المزيد دائماً وانت مبدع في قصايدك الرااااائعه نتمنا منك المزيد من الابداااااااااع دمت للويلان |
الاخت / الدمعه الحزينه
عليكم السلام ورحمة الله وبركاته هلابك بعد طول غياب والحمدلله على السلامه واتمنى ان لايطول غيابك عن هذا المنتدى وشاكر لك كلامك وتتبعك للابيات وهذا من ذوقك واسعدني مرورك وتعليقك دمتي بخير |
الغالي عبدالكريم
هلابك وحياك الله وشاكر لك مرورك واطرائك ويشرفني تواصلك العذب دمت بخير |
اقتباس:
الشاعر مزيد المزيد هاهو يصبحنا بهذه الرائعه التي ابتداها بفكره رائعه جداً ويقول بكره يجي الفرج يأهل العقول وعند ما تكون القصيده من احساس صادق فهي تلامس مكامن الاعجاب لكن اقول معجب بما تكتب سبق وان قلتها وشهادتي فيك مجروحه يابو راكان صح لسانك وسلم بنانك. ودمت للويلان |
قصيدة جميله من شاعر مبدع بها الكثير من المعاني الجميلة وماقصرت اخوي مزيد وبانتظار كل جديد
|
| الساعة الآن (02:34 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه