أشوف مسلوب الحشا مرسلٍ لي=رسالةٍ تجعلني أصخي بفرقاه
ان كان ما صيد الحبيّب تغلي=ما أقبلك يالمرسول لا أنت ولا اياه
أمي ايا شافت زولي تهلي=وألا الغضي لا شاف غيري تحلاه
ما أنسى سنينٍ ديدها سقمةٍ لي=وأركب على المتنين وأقول يا ياه
دور السنة وبطنها حجرةٍ لي=البرد ما أشوفه والحر ما أدناه
أمي وأبوي ما لهم غير ظلي=ومن دوّر الظل يا ترف يلقاه
الوالدين لهم بقلبي محلي=معروفهم طول الأيام ما أنساه

المشاركة الأصلية كتبت بواسطة سالم العنزي (المشاركة 289535) بيض الله وجهك ياعوض بن خميس في الحقيه هذه الابيات نسمع بعضها ومتكرر على مسامعنا كثيرا وانت هنا احضرتها كامله شكرا لك على هذه المواضيع الجميله التي تقدمها تقبل مروري مع كل ود واحترام

المشاركة الأصلية كتبت بواسطة بدرفهد الجعفري (المشاركة 289546) الله يجزاك بالخير ياعوض الوالدين يستاهلون اكثر من ذلك وللأسف صار الغريب في هذا الزمن من يبر بوالديه .. اللهم ارزقنا رضا الوالدين

المشاركة الأصلية كتبت بواسطة حمد الخمعلي (المشاركة 289572) الف شكر لك اخي عوض بس اللي سمعت فيه انها بعد ماسمهت القصيده قالت انا بختبره لانه اذا رحم والديه يرحمني ووافقت عليه ولاكنه رفضها0 الله يعطيك العافيه على النقل0 كُن بخير