###### موجة البرد########
ياموجة البرد اسمعي قبل الرحيل=عندي رساله والطلب توصيلها مضمونها جمله لها حمل(ن)ثقيل=تصعب على اللي مرسل(ن) ويشيلها لها معاني والمعاني ماتعيل=ولغير صاحبها صعب تحليلها في وقتها توصيلها في جوف ليل=واللي نبيها تاصله يصحي لها في نصها راع الوفى لامايميل=وصعب الوعود الدايره تأجيلها راع الوعود ادرابها لها كفيل=وكل الطرق عنده فرص تبديلها ماكانت اصلا من وعود المستحيل=طريقها واضح سهل يمشي لها اقدر تراني لوبغيت القا بديل =لاضاق بالي من فكر اشيلها وانهي حكيتنا ولو باقي قليل=وبعض المشاكل من يقاوم حيلها لا مايهون الحب وياتيني ذليل=والعاطفه به اصلها وتاصيلها يانور حبي اعرف اشروط الخليل=وعندك خطايا واطلبك تعديلها الشوق يرزم والعواطف له تسيل= ومن هو يلوم العاطفه في سيلها طولتها ومن عادتي ماااحب اطيل=خذها وشوف السالفه وتحليلها |
رد: ###### موجة البرد########
جزلة من جزل اخوي حمد....
الف صح لسانك ... بس عندي اعتراض : البرد بالشمال عندنا شكله ما هو ناوي الرحيل هالسنة ؟؟... تحياتي لك ولعطائك.. |
رد: ###### موجة البرد########
هلا بك اخوي خلف الغريب
انا ابيه يطول حتى تاصل الرساله واذا مانفعت نعيدها بموجة البرد لان موجة البرد تدخل كل مكان حتى الجسم شكرا على مرورك اخوي |
رد: ###### موجة البرد########
الشاعر حمد الوايلي
صح لسانك وتقبل مروري على هذه القصيده القيمه دمت بكل ود |
رد: ###### موجة البرد########
حمد الوايلي
ابداعً من ابداع وجزاله من جزل صح لسانك وسلم بنانك على هذه الرائعه وتقبل فائق التقدير والاحترام |
رد: ###### موجة البرد########
الشاعر حمد الوايلي
صح لسانك وتقبل مروري على هالقصيدة الجزله من شاعرا جزل ودمت بكل خير |
رد: ###### موجة البرد########
شاعرنا حمد الوايلي صح لسانك على هذه القصيدة التي اتحفتنا بها
قصيدة مميزة من شاعر مميز في القصيد وفنونه تحياتي |
الساعة الآن (08:08 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه