سلام للويلان ذربين الايمان=اهل الكرم واهل الصفات الحميدة
اللي لهم في قمة المجدعنوان=ودستورهم شرع الولي والعقيدة
عاداتهم في يوم روغات الاذهان=ردع الخصيم بكف خطلا شديدة
شجعان في وقت الملمات شجعان=طبعاً يوّرث من حفيد لحفيدة
ذخرن لابو متعب على مر الازمان=ويعدّهم بالحرب وافي رصيدة

الليل ظالم والقمر ماله أحظور = وهذي عماير ديرتاً كنت ابيها
بعض الظروف تخلي الرجل مجبور=انه يحب الديره ولا يجيها

يطيب البوح والغربه تفيض بهاجس المشتاق=على نفح الهوا يخرز ترانيمه وقيفانه
يقض الوجد والمعنى تلمه تمتمات أوراق=عذق يصدح بما اخفى غرامه خلف بيبانه

ياليت مفتاح القلوب بيدينا=نحب من نبغى ونبيع من باع
ماكان غربلنا الزمان وشقينا=ولاشفت بالدنيا حزينٍ وملتاع

تتوه خطانا في قربك وقربك يعني الابعاد=على قدر الغلا يبقى جفاك موثّق اوصالك
الا ليت اللقا امسى غيابه في نهار رقاد=ولا لوّح هوا عشقك ولانطرد ورى امثالك

تعبت اداري زلة الصاحب البار ..
و تعبت ادور بالوجيه السماحه ..

ليا صار مالك عند الاصحاب مقدار ..
ابعد و تلقى بالزمان انشراحه ..

البعد يصنع للرجاجيل تعبار ..
و كثر المواجه للمشاريه ساحه ..

ياقلب اركد واترك الناس للناس=وخل المقرّد تصطفق مع بعضها
الواش يلقى له من الخلق خناس=اللي له دروب الخساسه فرشها
خله يفصل له على قده قياس=جوخة ردا تزهاه كانه لبسها

من طراق باب المقرد صار قارد=ومن فتح باب المحبه جاه عله
والله ان الفكر في غيبته شارد=ودموع بوسط محجرها تهله

قال المثل واليوم ادركت معناه=اليا بغيت فراق افعل ملا يطاااااق
اللي يبي فرقاي يبشر بفرقاه=مطرد سراب ولا ورى نفسي انساق

ياصاحبي لو تفتح القلب للناس=الخلق تكشف خافي الجاش وتروح
من بعدها لا ترتجي هامة الراس=القدر ينزل والحشا ينضح جروح

ترى الجفا بليا سبب له حوبه=حني على روح(ن) غلاك اشقاهاا
وان كان حبك ماحفظت دروبه=مانيب بندر سترها وحجاهاا

يآمن يوصل لأبن صالح سلامي=الوايلي تركي عسى الرب ياقاه
ويآخذ معه حرفي وجل احترامي=ويسلمه للقرم في كف يمناه

يالله تفرج ضيقتي وترحم الحال=من هم قلبي ضايقتني هدومي
وقصر عليه وحشة الليل لاطال=ويسر اموري يالطيفٍ رحومي

والله إني راس رجال من روس الرجـال=والرجـال الصاملـه بيـنـن منطوقـهـا
مشربي من صافي العـد والنبـع الـزلال=والمراجـل عاشقتنـي وانـا معشوقـهـا
مارضيت الذل وأقفيت عن صفـر الـدلال=دلتـي كبيتهـا يـوم شـفـت حروقـهـا

يا محمد الموسى لو تكون جزاع & في وقت ما ينفع رع الصبر صبره
عن الاوادم طلع احساس ملــتاع & و لا تطلعــه قدامــهـم ثـــم تشـره

حبني ياصاحبي مثلي واحبك=واحفظك عن كل نمام ونذل
ساكن بعيني ولو ناسي تسبك=مااصدق حكيهم ناس تعذل

صاحبي حرت بعذابك ويش طبك=صاحبك ليه لمشاعره اتخذل
خوف فيني خالقك ربي وربك=لاتذله خافقي وخافقك اذل

يا سعد لا تنبش جروح الليال = ينفتح قبر الجروح المندفن
راح تفكيري بعيد ولا يزال=فوق غبة موج خاضته السفن
اكذب ان قلت ان وضعي عال عال=قلب ما يبرد ولا عيون يغفن
ضاعت علوم المراجل والرجال=والنجوم السارية شفهن طفن
وان بغيت الصدق شف اقرب مثال = كم شغاميم تولاهم عفن
مالي الا اصد لو جالي مجال=لو لمسته في كفوفي ما نظفن
خذ خلاصة ما كتبته بارتجال =امتلن كوس المحاني وذرفن
وش تبي في نبشنا يا ابن الحلال=خل ميت القلب في وسط الكفن

ياصاحبي ماني لما قلت مرتاع=لو شرها ياصل نجوم المجره
اقولها مثني ومثلوث وارباع=واعيدها عشرين مره ومره
اللي مشى سيده على درب الاسناع=مايرخي اذنه لكل شخصً يمره

ياغموض لاتفتحين الجاش=الجاش وسطه مداميره
حراسته قوم منهم حاش=قلب المولع جماهيره
مراش قلبي ولا يرتاش=والنوم قفن مساييره
قولوا لخلي يجي بنعاش=القلب عقبه مساعيره

تعال واسمع يا ابيض الوجه بيتين=بيتين يغنن يالخوي عن قصيدة
الاوله وان اجتمع عندك اثنين=لاتميز المخطي بواقع رصيدة
والثانيه ياصاح لاتكون وجهين=خلك من اصحاب الصفات الحميدة

فاقد كثير من الرفاقه والاخوان=اللي عذاب أغيابهم ماقويته
منهم حمد الخمعلي طير حوران=اللي لياضاق الدهر بي نصيته
ومنهم ابو غانم سلايل كحيلان=الجعفري ياحي ذكره وصيته
ومعيض والصقار مع ابن درعان=والدهمشي والاشجعي مانسيته
واذكر صبيح ابن عوض واف الايمان=اللي رسخ بالراس قافه وبيته