المحاورة المباشرة بين الشاعرين نافع الجديد وابن هندي
لعشاق المحاورة هنا ستكون المحاورة المباشرة بيين شاعرينا ابن هندي ونافع الجديد..
الله الله بالصفوف والتواجد وسيتم فتح الموضوع الساعة الثامنة مساء الثلاثاء والبداية عند الشاعر نافع الجديد... ولعوها نار والنار من شبابها .. |
رد: هنا ستكون المحاورة المباشرة بين الشاعرين ابن هندي ونافع الجديد
قمنا بجمع ابيات المحاورة هنا حتى يسهل الاطلاع عليها .. نافع في محل الطيب والعز مع جاه و وجاه === مرحبا ترحيبة صادق من قالها ابن هندي معلنن للتحدي وش بلاه === يــحسب ان السالفه دله وفنجالها ابن هندي مرحبا ترحيبةٍ جتك من كل اتجاه.........والعلوم الطيبه عاليٍ منزالها الله الي جاب نافع يومي في عصاه...ناوي اشرب دلته والطوال ارقا لها نافع البقابك والمخايل تعلـت فـي سمـاه....والبشر تنظر تراها تخيـل اخيالهـا جاك نافع مع عصاته يعذب من عصاه....والبشر تجزا تراها بحسب اعمالهـا ابن هندي البحر هايج ولا اظن لك منه نجاه.......جاك موجه كبر سلمى وصم اجبالها وكل مخطي انصحه لين يعدل عن خطاه..والنفوس العاصيه فال الله ولا فالها نافع البحور نغوصها لين ناصل منتهاه === حاسبين احسابها دقها وجلالها مامشينا بالخطا والخطا عندي دواه=== يابن هندي لاتزود عليك احمالها ابن هندي انت يابن عيد تشبه لمن ينقش صفاه ....لاتشربك بالمعاني وفك احبالها انت لامخطي ولا مصيب يامال الغناه... والحمول القاسيه في ظهور جمالها نافع والله اني في طريقي وحبك في رحاه=== والمعاني يابن هندي فتلت اعقالها محتمي في ماقفي يوم غيري ماحماه=== والمواقف يابن هندي ترانا ارجالها ابن هندي من مدح نفسه على الناس مايرجى شفاه ...ضايع في غي نفسه وشر اعمالها كل ماقلنا تعدل يعود في عماه......... وانت من روسٍ علينا يضل اضلالها نافع فعلنا معروف تاريخ ترويه الرواه=== ومثلكــم مـــاهمنا لو نــكر لفعالها طبعنا مع طيبها مانقرب مع رداه === يابن هندي لابتك حالنا من حالها ابن هندي ذاك طيب راح مانته بلاحق منتهاه......ولاجحدت افعال قوماً يذري جالها ومن ضلم غيره ترا الله يعلم في خفاه..والسوالف ينعرف عمها من خالها نافع الفعول الطيبه كانها جبال الســراه === ماتــغير ياابن هندي عسى ترقالها مار بعض الناس ياحضورها ربي رماه === مابقت له حيلة قدمنا يــحتالها ابن هندي تالي النار الرماد المعومس من جفاه ........كل ماهب الهوى ثار ياحلالها جالسن ضدك لياما الفجر يضهر ضياه........لين يابن عيد في ليلتك تشتالها نافع نارنا حيه ونار طفت نار العداه=== يوم بعــــض الناس في حـــالة يرثالــها جلستك ياصاحبي مثل خصم مع قضاه === بالنهايه جلسته ماكسب معدالها ابن هندي من علامات القيامه مباهات الرعاه ........ليت بعض الناس تفهم وتعرف حالها يافقير الحال قلي وش انواع الغناه........ ومن حمد ربه على نعمته مازالها نافع من جهل بالصقر ياصاحبي راح وشواه === من عرف طاروقها مـــاجهل مـــوالها القناعه كنز من ربنا مـــثلي عـــطـــاه === يوم بعض الناس مشغول يجمع مالـها |
رد: هنا ستكون المحاورة المباشرة بين الشاعرين ابن هندي ونافع الجديد
بسم الله الرحمن الرحيم وبه نستعين اول احيي الجميع واتشرف بالعب مع الشاعر ابن هندي والله يجملنا مع الجميع واعذرونا ان حصل تقصير نبدا في محل الطيب والعز مع جاه ووجاه === مرحبا ترحيبة صادق من قالها ابن هندي معلنن للتحدي وش بلاه === يــحسب ان السالفه دله وفنجالها |
رد: هنا ستكون المحاورة المباشرة بين الشاعرين ابن هندي ونافع الجديد
كفووووووو يا نافع ..
يحسب ان السالفة دلة وفنجالها.. رائع يا نافع صح لسانك |
رد: هنا ستكون المحاورة المباشرة بين الشاعرين ابن هندي ونافع الجديد
اقتباس:
مرحبا ترحيبتن جتك من كل اتجاه.........والعلوم الطيبه عالي ن منزالها الله الي جاب نافع يومي في عصاه...ناوي اشرب دلته والطوال ارقا لها |
رد: بدأت المحاورة المباشرة الحين .. وين الصفوف
كفوووووو يا ابن هندي..
ناوي اشرب دلته والطوال ارقا لها صح لسانك ومعك على الخط.. |
رد: بدأت المحاورة المباشرة الحين .. وين الصفوف
الله يعيينني على تعديل الاخطاء الاملائية وراكم ..
الظاهر اللي درسوكم املاء خاينين . هههههههههههههههههههه |
| الساعة الآن (02:37 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه