الله نصيرك كلما أجرم الغرب=والله معك ضد اليهود الملاعين
والله يعزك كلما ذلوا العُرب=والله يثيبك كلما أنقذت مسكين
ياسيد الاتراك فزعتك بالكرب=تحيي بها قلوب الضعوف الذليلين
كاس المعزة تشربه هامتك شرب=إلين تشمخ فوق روس العزيزين
بك بطشة (الفاروق) في حزة الحرب=وبك رحمة (الصديق) في موقف اللين
لك هيبة ٍ في الارض في الشرق والغرب=ولك في السماء دعوة قلوب المصلين
وان كانها بالطيب يالطيب الذرب=لك مدة ٍ تحرج كفوف الكريمين
وحنا العرب تغريدنا خارج السرب=نمدحك يالتركي ونرثي فلسطين

لو تعتذر ،، ماكل عذر ٍ بنرضاه=بيني وبينك يالغلا (يفتح الله)
لو كل عذر ٍ جا بعد ذنب يرفاه=ماتزعل قلوب المخاليق زله

لا لا يفيض الدمع ،، تكفين يمَّه=لا تبيِّنين لقاسي الوقت لينك
ما مثل دمع ٍ تنثرينه مطمَّه=كل المصايب فدوة دموع عينك
أشيل همك عنك ،، هاتي بزمَّه=أذوب انا ما اشوف قطرة جبينك
دام الوفا في صدر الايام ذمَّه=في ذمتي مايخون عمري سنينك
أنتي البشر ،، منتي بخاله وعمَّه=وانتي الهوا اللي يشمه جنينك
يومي صغير ٍ بين زمَّه وضمَّه=متلهف ٍ مابين لهفة يدينك
كنت الضنين اللي حنانك يلمَّه=واليوم صرتي لي ضنينة ضنينك

يالسيف يومنك من الضرب مثلوم=كنا نجوب الارض ونطوّع الناس
واليوم عقبك صارت علومنا علوم=سادوا علينا الناس من كل الاجناس
منا اليهود ومن هنا الفرس والروم=ناس ٍ تذوّقنا مرارات الاتعاس