نضرب بيدٍ حديدٍ كل شيطان رجيم
ألأخوة الأعزاء في هذا الصرح الشامخ اليكم هذه المتواضعة
التي أتمنى أن تنال على أستحسانكم ورضاكم
ابتدي بذكرربي خالق الكون العظيم= عالم ٍما بالخفايا من صغيرومن كبير واستجيرك ياعزيز ويالطيف ويارحيم= من اهل فكرٍدنيء ومن اهل فكرٍحقير شوهوالدين الحنيف وشوهوالدين السليم= وانت عالم ٍياعليم وياخبير ويابصير ديننا دين السلام وديننا الدّين الكريم= من يشوه صورته تخذله انت القدير ومن نوى فعل قبيح ٍتفضحه انت العليم= ياعزيز ويارحيم ويا ملاذ المستجير من يفجر من يكفر والله انه السقيم= زاغ عن درب الصلاح وتاه في دربٍ خطير وش يفيد ويستفيد اللي بنا الفكر العقيم= يحمل العقل الصغير ويحسبه عقلٍ كبير وش يفيد ويستفيد اللي مصيره للجحيم= من قتل نفسٍ بريه يرمى في نار وسعير مهلك ٍ نفسه يظنه بوسط جنات ونعيم= عايش بخوف ومذله ينتظر سوء المصير هذا فعلٍ للخوارج عارفينه من قديم= من عْهد عثمان وعلي ومن عَهد ابن الزبير هذا فعل الحاقدين وفعل إنسان ٍ لئيم= فعل ضال وخاسر اللي للضلاله يستشير حنا شعب ٍ مانقول من الكلام إلا الحشيم= ومن تعدى يمنا نسقيه من مرٍ مرير نضرب ابيد ٍ حديد ٍ كل شيطان ٍ رجيم= من يزعزع امننا كلنا بوجهه نصير في عهد قايدنا ابو متعب الزعيم ابن الزعيم= كلنا شعب ٍ نحبه وكلنا بأمره نسير والله هو كفو الزعيم و عنده الراي الحكيم= من نواه بسوء يالله ياعسى عمره قصير ونايبه سلطان يسلم حر ٍ وشهم ٍ كريم= ياعسى عمره طويلٍ صاحب القلب الكبير ولنايفٍ كل احترام من المواطن والمقيم= صامد بوجه المعادي رادع النذل الحقير مايهزه نذل حاقد الفهيم ابن الفهيم= مايهزه نذل خاين باع روحه والضمير والبواسل من وراهم شأنهم شأنٌ عظيم= مايهابون المخاطر والصعب أصبح يسير كلنا نفدي وطنا وناقف بوجه الخصيم= مانخونك ياوطنا يشهد الرب الخبير دام عزك ياوطن بالحق والشرع القويم= ومن يخونك ياوطنا يخذل ويرجع كسير وختامها صلو على نبيٍ بطبعه حليم= بين النهج الصحيح وحثنا بنهجه نسير وسلاااااااااااااااااااااااامتكم |
رد: ديننا دين السلام
رائع ياماجد
صح لسانك ابدعت |
رد: ديننا دين السلام
الرائع دومً / ماجد الجعفري
سلمت ودمت ايها الرائع لتتحفنا بهذه الجزله والرائعه واللتي أتسمت بروائع الكلمه وجمال المعنى دمت بكل خير وعافيه وتقبل فائق التقدير والاحترام |
رد: ديننا دين السلام
اخيرا فكيت الحصار ------------ رائع يابوغانم دائما
بس بغيت تحرمنا نرد عليك ياخي ويكفي قصيدتك موضوعها وبمن قيلت فهذا فخر لها ويزهاها وبعدين لاتعيد حركاتك السابقة زززززززززززززين ودمت على هذا التميز الغير مستغرب |
رد: ديننا دين السلام
اقتباس:
حياااك الله اخوي صريح في زمن جريح وصح بدنك ولاهنت تشرفتت بهذا المرور الكريم من شخصك الكريم دمت بكل خير ودام منك هذا التواصل اخي الغالي |
رد: ديننا دين السلام
اقتباس:
حيااااك الله أخي الغالي تركي وصح بدنك ..........ولاهنت تشرفت بمرورك الكريم والجميل الذي اضفى على هذه القصيدة جمالاً ورونقاً وأشادتك محل أعتزاز وفخر لماجد الجعفري دمت بكل خير ودام منك هذا التواصل الغير مستغرب |
رد: ديننا دين السلام
اقتباس:
اهلاً بهذه الطلة الرائعه من ألأخ العزيز والشاعر سالم صالح وحياااااك الله........ وصح بدنك ......ولاهنت تشرفت بمرورك الكريم دمت بكل خير ودام هذا التواصل ****** أما بالنسبه للحصار الذي تعرضت له القصيدة أنا أتقدم بلأعتذار لكل من مر على هذه القصيدة المتواضعة وحاول الرد لأنه حصل خطأ مني أدى إلى منع ارسال الردوود وأسف جداً ياأخوان وأرجو المعذرة على هذا الخطأ الفادح كما أتـقدم بالشكر الجزيل وخالص الأمتنان للأخ العزيز تركي صالح والأخ العزيز سعود العواجي لتداركهم هذا الخطأ دمتم بكل خير |
| الساعة الآن (02:40 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه