°~*¤®§(§ شبـــكة ويــلان العـربـيـه §)§®¤*~ˆ° - مشاركتي بحفل قبيلة ولد علي بمغيرا

هذه القصيده تشرفت بإلقائها بحفل قبيلة ولدعلي من عنزه بمغيرا
بمناسبةتنصيب الشيخ/ فارس بن ناصر الهايس الايدا رئيساً لمركز مغيرا

ـــــــــــــــ

مبتداهـا الله دعوتِـه واستخيـره=ربي اكتب لي بها مكتـوب خيـره
دام جال بخاطـري قـافٍ بديتـه=بسم رب الناس عـلام السريـره
مجري الأنهـارومديـر الهبايـب=جل شانه موجد الكـون ودبيـره
أرسل محمد نبـي وانـزل كتـابٍ=مـايغـادر لا كبيـره لا صغيـره
محصي اعمال العبـاد بكـل دقـه=وحده المعبـود لامعبـود غيـره
وبعد هـذا زان ترتيـب القوافـي=من هجوسٍ كنها السحب المطيـره
إستهـل خيالهـا وأرزم رعدهـا=وما وطت به سال مدرارٍ غزيـره
مثلها فكري يجـود ليـا دعيتـه=يبتكر ما طاب لـه مـا يستعيـره
معـوده ومدربـه تدريـب رامـي=أقتنص به كـل شـارد مستذيـره
شاعرٍ عـن واجباتـه مـا تخـلا=دون ربعـه باليسيـره والعسيـره
ولا يخلي باب لاهل النقـد مدخـل=محترص من ناقد الشعروخبيـره
جا يسلم جا يشـارك جـا يبـارك=للرجال اللـي بطاريهـا شهيـره
في حفل تكريـم شيـخٍ مُحتفابـه=ابو ناصر ريس المٌركـز وأميـره
تفتخر به لابته من طيـب راسـه=لنه اصبح رايد الطيـب وسفيـره
تعجز الاقلام ما تحصـر صفاتـه=حي فاله سيرتـه محمـود سيـره
بإختصار أذكر قليلٍ مـن خِصالـه=واتكلم عنْـه لـو نبـذه قصيـره
خُفْ نفسه والبشاشه والتواضـع=ميزةٍ مـا ضنهـا تلقـى بغيـره
رجل علم وفيه حلم وبعـد نظـره=وفكـرةٍ فـذه ورويـا مستنيـره
من دهاه وحكمتـه يوخـذ برايـه=لا تلاشى راي عميـان البصيـره
والـف نعـمٍ بالمُكـرَّم والْمكـرِم=وجهاء واعيان وأفـراد العشيـره
الفخـر لا قيـل عـزوه ولدعيـه=لابـةٍ بافعالهـا عظمـى كبيـره
الرجال اللي لهـم تاريـخ حافـل=بالملاحـم والبطـولات المثـيـره
كم لهم وقفات تُعرف ومحسوبـه=ومنجزاتٍ صعب نحصرها كثيـره
لابةٍ يشهد لهـا حاضـر زمنهـا=وتشهد ايامٍ مضت صعبه مريـره
يوم كان الناس هـذا ضـدهـذا=والزمن تبـرم رحـاه المستديـره
راكبين الجيش والخيـل الاصايـل=والسلاح السيف والشلفا الشطيره
واهل الملحاء العنيـد يطوعونـه=في نحور القوم ضربتهم ضريـره
قوم حمرا خصمها يخشـى لقاهـا=تحتمـي للـذود وتصـد المغيـره
لا شتبك صوت النخاوي والعزاوي=يكسـرون ولا يعرفـون الكسيـره
ياهل الملحاء لو امدح لين بكـره=حقكم ما وفيـه يالقـوم القديـره
قمتوا بتكريم شيـخٍ لـه مقامـه=بإحتفالٍ فاق مـا يوجـد نظيـره
في مغيـرا ديـرة كبـار المهابـه=دار عز وتختلف عـن كـل ديـره
دار جود نعزها مـن عـز اهلهـا=الوجيـه المستنيـرات السفيـره
ديـرةاليديـان ذربيـن الفعايـل=مصنع الامجاد سيرتهـم عطيـره
للثريـا فـوق سـاروا بالقبيلـه=تحت ضل ملوكنا صقورالجزيـره
الملوك الحاكمين بـما انـزل الله=ومع طريق الخير قادوا للمسيـره
الله انـه يحفظـه ويديـم عـزه=ابو متعب عم كل الشعـب خيـره
ذا وانا من قوم تعرف بالشجاعـه=كان صوّت داعي الحرب ونذيـره
جعفري وافخر بـعـزوه جعفريـه=بالمعادي كسرهـا مالـه جبيـره
ولانقول قصور في كـل القبايـل=كل طيـب للعُـلا يشعـب بعيـره
واختتم وقول عـذراً والسموحـه=عن خطيه قلتها لو هـي يسيـره