ديوان الشاعر:::سليمان الهويدي:::
][®][^][®][الشاعر سليمان الهويدي][®][^][®][
القمر غير النجوم
الـزيـن بـينـة رسـوم يا علي = وأن القمـر غير النجوم اللي معه والخيل اعـرف اصيلها من تقبلي = واعرف عفـري الظبا من مدمعه والبيض شاسـع فرقهن لا تسألي = الـزين يوهبـه الكـريـم ويمنعه الزين حـلـو دايـم دله حـلـى = الـلـذ مـن طش السحاب ابمنقه والـشين شين الله يعيـن المبتلي = أن قـابلك تفــرح متى الله يقلعه وجدي على نجـل العيون لاكحلي = النفس بـه مـجبورة ومـولعـه راعــي ثـمان مـرهفات ذبلي = بـيـض تلالا حـدر طرقه برقعه غـضن من الجنس اللطيف مكملي = الله واكـبـر يـا جماله ما اروعه زينة بـلا مـكيـاج وبـليا حلي = زيـن طبيعـي ولا يستصـنعـه احـلـى من العفري تهايا واجملي = الـنـور بـطخمته وسلبه مفرعه وأن هـج مع صيد الخلا ما يجلفي = مهـو بعيــد أن الجوازي تتبعه والله مـا عـنك خـفيـة يا علي = مـن يـوم كـلمته وانا قلبي معه الله من الدنيا
الله مــن دنيا لدنيا رمتني = دنيا معـاليـق الفـوؤاد احرقتها امشي لـهـا طوع ولا طاوعتني = صبـرت مـاني عارف شاخرتها لا قلت ابرفـع مستواي اخفضتني = وليا صفت لـي ســاعة كدرتها ودي اصارحـهـا ولا صارحتنى = الــم شـوفـاتـي وهي فرقتها مـن عـقب ماني صامد بهذلتني = وكـل الـرموز الخافيات اعرفتها ياقـل حـياتــي بها وامحتني = واعـذاري اللـي تـنطق شتتها مـا هي بـعيد متنها حول منتي = لو نهتني باقصى حشاي اسمعتها تـصيبني غشــوات لا قابلتني = وإن دنـقت بقـذيلتـن وافهقتها الله اكـبـر كـنهـا مـالـكتني = تـفـرنـي كـفرهـا لمنظرتها أو خـاتـم فـي اصبعها لاعبتني = أن مـت تتحـمل خطاي ارقبتها لا شتد غيـظـي يمهـا حايلتني = وكـل الـدموع الاولات امسحتها بلعـون فـايقة الجمال اخلجتني = واعمري اللي ضـاع على بختها صاحبي لو طال وقتي مانسيته
صـاحبـي لو طال وقتى ما نسيته = مــن يقول أنسى حبيب ما نساني صار لي أكثر من شهر ما عاد جيته = والـبطـى والبعـد ما من فيه امانى مـا هـقيت انــا نتفرق ما هقيته = أولا هقـيت أنـه يـغيرنا الزمانى اتـذكـر سـاعـة فـيها لـقيتـه = وأتـذكـر بـرد مـاه اللى عطانى واتـذكـر وقـفـتـي بشبـاك بيته = خـاطـرى ما طاب من ذاك المكانى عفـت زيـن البيض جمله ما بغيته = مـا بـقـلبي غـير ذاك المـودمان لـو يـقــربه البـكاء والله بكيته = مــن خـبر حي بكى له حي ثانى ليـت كـلمـة لـيت تنفعني ياليته = عـاذلـى مـن أولـه لـيته نهانى حـملـونـي عـداى ذنب ما جنيته = وقـولـونـي قـول ما قاله لسانى والـكـلام اللـي امـوجهـلي نفيته = مـاعـلينا مـن فـلان ومن فلانى عشقت القمر
عشقت القمر حيث القمر ينبعث به نور=واخـص الـليالي البيض تزهاه ويزهنه واحـب الهوى لاهب من خايع ممطور=وريـح الـنفل حيث النفل طيب الخنه واحـب الـجمالة والجمالة عمل مبروك=واحـب الـغـناه وعز نفسي عن المنه واحب الصراحة والصراحة بها مسرور=حـيث أن الصراحة تقطع الشك والظنه واحب الكريمه اللي يفرج عن المعسور=الـيا من عطى حتى اهله ما دروا عنه احـب الـرجال العارفه واكره المغرور=مـن اغـتـر في بعض المظاهر يغرنه سـقـا الله ليال ماضية قبل هدم السور=نـحـفر العدود ونشرب الماء من الشنه نـشوف البنات اليا اوردن كنهم الحور=مـهـار مـشـاويـلـن بالاعياد معتنه عـلـى الماء تشوف بيوتهم كنهن القور=كـثـيـر الـقـبايل تقطن العد بالكنه عـلـى البال ذكراها ياليت الليالي دور=يـالـيـت الـلـيـالي ما خذنه يجيبنه تـذكـرت شـيـبان لنا يوم حنا بزور=يـحـثـونـنا بالطيب والفرض والسنة لـو عاشوا حياة قاسية في بحر وبرور=عـسـى الله يـعوضهم بما فات بالجنة لو دورن مضى من بينهم وين ذاك الدور=زمـان مـضـى لـه ذكـريات يحلنه يـوم الـذهب ما يلبسونه بدون خصور=جـمـال النسا ما هو من السوق يشرنه فـقـدنـا حياة البدو مع شوفة المظهور=ولا عـاد بـه بدو ولا الطرش له حنه ليت من يدري
ليـت من يدري عن الزين وشلونه=فاقــده مـن مـدة أيـام ما جاني طـمنونـي عـنـه يـاللي تمرونه=جعـل سيد البيض ما هو بمرضاني أن نشـد يـا بـعـد عيوني عيونه=خـبـروه انــه بـلا قلب خلاني خـبـروه انـي اقاسي من طعونه=لا تساوي الجـرح الأول ظهر ثاني وإن سكت عـلامـة الغيظ مظمونه=شـوف مـنهو حـاكيله وزعلاني فيه نـاس طـبـعهم مــا يخلونه=حـاظـريـن للفتنة فـلان وفلاني والحـكـي لـو هو شويه يزيدونه=يـدعـون أصـحاب لا شك عدوان |
الساعة الآن (07:22 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه