°~*¤®§(§ شبـــكة ويــلان العـربـيـه §)§®¤*~ˆ° - النوم ساس اللوم بان الردا به

- منتدى المختارات الشعريه (http://www.weelan.com/vb/forumdisplay.php?f=10)

- - النوم ساس اللوم بان الردا به (http://www.weelan.com/vb/showthread.php?t=732)

النوم ساس اللوم بان الردا به

هذه القصيدة للشاعر مريبد العدواني البجيدي:

الله من قلب تزايد عذابه= والعين عيت تقبل النوم وتريح
يالله طلبتك يا سريع الاجابه= تفتح لنا باب الفرج بالمفاتيح
يالله برزق و انت فتاح بابه= ياخالق قوت البدو والفلاليح
النوم ساس اللوم بان الردا به = وعين تبي الطولات نومه شلافيح
و اللي يدور الفود يتعب اركابه = والرزق بطراف الخطا ياهل الفيح
الذيب ما يرقد ورزقه نهابه =يبحث عن الغرات حول المصاليح
يحمد مصابيح السرى من سرابه = بالليل الاضلم و النعايم مدابيح
تغاروا المرقاب مثل الذيابه =وتقابلو مثل الحرار المفاليح
وانا على اللي يوم ساجن احقابه = تشدا قطاة وردوها الجواويح
قالو هذيك البل تسلل حرابه =وقالو جنبها عاشقين الطماميح
الله يلوم اللي بخاله خنابه = لاجت هروج القوم عنها تصافيح
يوم انطلق مثل الرعد من سحابه =بكفوف كوخان العيون الذوابيح
من كل مسلوب يوكد صوابه = بصمع الفرنج موميات المطاويح
كثرت مناجيهم و صارت طلابه = وجنك كما ذود لحوضه مراويح
ثور عقيد القوم ثم عدا به = لهم على عوص النجايب مشاويح

الله من قلب تزايد عذابه **** والعيـن عيـت تقبـل النـوم وتريـح
يالله طلبتك يا سريع الاجابه **** تفتح لنـا بـاب الفـرج بالمفاتيـح
يالله برزق و انت فتاح بابـه **** ياخالـق قـوت البـدو والفلاليـح
النوم ساس اللوم بان الردا به **** وعين تبي الطولات نومه شلافيـح

ابو نومان

دائماً وانت مبدع ودائماً وانت تنقل المفيد والقيم

شاكر لك جهودك القيمه

دمت بخير

اخوي غازي اختيار جميل

دائما واختيارتك تفيد من يطلع عليها ولحضورك طابع مميز دائما واتمنى منك التواصل

وتقبل تحياتي

النوم ساس اللوم بان الـردا بـه وعين تبي الطولات نومه شلافيح

صح لساان شاعرها

وتسلم يابن نوومان على نقلها لنا

الوااطي

تسلم يمينك على نقل هذه القصيده التي نسمع بعض ابياتها من قديم الزمان وفي صدور الرواه واليوم اقراها كامله هنا

وصح لساان الشاعر مريبد العدواني والله يرحمه برحمته ويرحم اموات المسلمين

لاهنت وسلمت يمينك

دمت بخير