أعـشقـك وأفـرحـبـك وأحـيـيـك وألعـنـك = وأرد أرحـب بك محـبه وشيمه
وأقولك ماأطـيـبـك وأقـول ملـعـنـك = ياجامعــن مابين نبل ونميمه
متناقضن في داخلي قبل معلنك = ذبحك جريمه وأن تركتك جريمه
كلك براءه وأنت كل البلا منك = كلك خطا بس النوايا سليمه
جيتك بياض وكل مابي تمعنك = ماكني الا كاسبن لي غـنيمه
خلتني أفعولك أشكك بمعـدنك = وأيقنت فعلاً عـلـتـك مـستديمه
ورجعـت أعـيد اللي توصلت له عنك = وأقول عادة في بلاها { حليمه }
حـرف الشعـر يشكيك لا يشتكي منك = مـشاعـرك ماهي بنزفه رحـيمه
بك غطرسة هـتـلـر للالمان تعلنك = أنك وريث لغـطـرسته العقـيـمه
مــره أجـيـك مـن الـوله شوق وأزبنك = ومـره تجـيني ضايمـتـك الهـزيمه
والغـيره اللي غـيـّرت من معالمك = عـذروب قلبً غـلـطـتـه بك عـظـيـمه