°~*¤®§(§ شبـــكة ويــلان العـربـيـه §)§®¤*~ˆ° - الشعر تعريفـة بـدون ايـة اجـدال

للشاعر
نـآيف بن معــلآ الـعـتيبـــــي

الشعر تعريفـة بـدون ايـة اجـدال
كلام لـه معنـى مقفـى ومـوزون

ولو قالو ابا اقول عن كـل الاقـوال
هذا الصحيح وقولو اللـي تقولـون

ماهـو كـلام كيـف ماقيـل ينقـال

وشلون مدري كيف ياكيف وشلـون

لا قافيـه لا وزن لا نعـت لا حـال

لا وصف لا تشبيه لا شكل لا لـون

يعني سوالف بس من غيـر منـوال

سولف واسولف واكثر الناس يوحون

حتى لو انك جبتهـا مالهـا مجال

اهـم شـي تكـون رزه ومزيـون

وفي يدك ساعه تعطي الوان واشكال

ماغير تلمـع كـل ماقلـت هاللـون

واشياء كثيره غير هذي على البـال

ياناس ياعالم هـو انتـم تشوفـون

موروثنا الشعبي غـدا نصـه خبـال

بيدين متشـدق وسـاذج ومجنـون

من عقب ماكانت توارثهـا الأجيـال

اصبح مجرد شـئ زايـد ومركـون

ومن عقب ماكان يتنفـس ويختـال

صار اكسجينه ثاني اكسيـد كربـون

تعرضوه صويـر وعويـر والفـال

اللي على نهـج الثنينـه يسيـرون

صوير جنب عوير وعويـر دجـال

وعوير جنب صوير وصوير ملسون

اعوير لا مـن قـال يـالال يـالال

صوير يصرخ ياخي ابـداع بجنون

يامـال فرقـا العيـن يامـال يامـال

جنون يمكن لاكـن ابـداع تبطـون

والشعر مهما صـار باقـي ولا زال

وشعارنا فـي كـل وادي يهيمـون

مليون لاكن لو تجيـب لـك منخـال

تنخلهم بنمنخـال مامهـوب مليـون

وانا ماابري نفسـي بكـل الاحـوال

اخاف فالمنخل مع اللـي يروحـون

لاكـن والله مانـي قصّيـر احبـال

ولاني من اللي فالقوايـل يضيعـون

يقول ابن جدلان في عـرض ماقـال

تكفون صونو كلمة الشعـر تكفـون

وانا بقول اليوم عـن كـل الاقـوال

هذا الصحيح وقولو اللـي تقولـون

ودمــــــــــــــتم
بــــــــــــــــــــود