ثورة الذات
من جا ولا هو من حساب المعازيم = يصبر على قل القدر والحشيمه ما دام هتانه رشاش(ن) مهو ديم = ما تستوي للعز نفس(ن) غشيمه الجو من بعد الصفى صار به غيم = والطفل مابين العظم والمشيمه علم(ن) بدا للناس من دون تعميم = ماتقبله غير الضلوع الهشيمه وانا وانا وان عودت للملازيم = قدري واعرفه وان ترفعت شيمه ماني ردي ولا اقبل الذل والضيم = ولاني من اصحاب الوجيه الكشيمه لكن اليا كبرت علي حيل ما اقيم = وان عارضت ممشاي مامن عشيمه ضربتها درب(ن) وعر في مفاهيم = من شام عن دعواه قدر وحشيمه بين الغلط والصح سير(ن) يلفي = مع كل هبة ريح من غير توقيت من خلقتي ماطحت رجوى لشفي = ولا على غير الله بسري ابديت شاعر ولوهي بالمشاعر لطفي = مني لهيب(ن) يحتمي كل ما اخفيت كم لي وانا والوقت ماهو بصفي = لين احسب اني من جفاه استخفيت عشر النجوم بثقلها وسط كفي = وعشرين فخ بوسطه الحي والميت عن حاجة عفون الرجال استعفي = ومن دون حاجة من نخاني توابيت ما اطلب مدام الحظ عني مقفي = حتى القلم لوعاضب اليوم صديت اجاوب العزله واطلع واخفي = واليا اسفهل الجو للجو ناديت كنت احسب ان الصدق قربه يدفي = ياما انكويت من القهر بالتناهيت الشعر عن بعض المواقف يكفي = لو بالمواقف يكثرون الطواغيت ولو ما الشوارب عن طلبها تحفي = ما كان بان الصيت ومدور الصيت ياخافقي راعيك دوم متعفي = دام القناعه كنز والعز له بيت |
رد: ثورة الذات
الشاعر المميز
عبدالعزيز العدواني نعم انها ثورة الذات وكانت اهل للابداع والقوووه صح السانك وعلا شانك تقبل مروري المتواضع |
رد: ثورة الذات
عبد العزيز العدواني
صح لسانك وعتلاشا نك لك كل تقديري |
رد: ثورة الذات
الراقي / عبدالعزيز العدواني ..
. لا أستغرب هذه النصوص و هذا الجمال منك .. شاعر جميل و تحمل شاعريه راقيه .. اعذرني فالكلمات تمر بخجل أمام شموخ حرفك .. صح لسانك و دمت بألف خير .. |
رد: ثورة الذات
الشاعر عبدالعزيز العدواني
صح لسانك ودمت بود |
رد: ثورة الذات
عبدالعزيز العدواني
صح لسانك على هذه الثوره التي تحمل ابداع ولا اروع تقبل مروري |
رد: ثورة الذات
الله عليك يالعدواني
ابدعت وتفننت صح نبضك وحرف وقلمك حتى ترضى |
الساعة الآن (06:54 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه