يالله ياللي لك على الخلْق سلطان = ياواحدٍ كل الخلايق تهيبه
يا رافعٍ سبع على غير عمدان = ياعالم الدنيا بيانه وغيبه
يابانيِن دينك على خمسة اركان = وأرسل رسوله للبشر تهتديبه
ويا واحدٍ فوق المخاليق لك شان = يا مْرَجعٍ يوسف عقب طول غيبه
أرجيك حيث اللي ترجاك ربحان = واللي رجا غيرك تردّى نصيبه
أسألك عفوك وامتانك و الإحسان = وأسألك أنا عَطفٍ ولطفٍ وهَيبه
ربي وأنا عبدك وعندي بك إيمان = ما خش قلبي فيك شكٍ و رَيبه
ربي وأنا عبدك ترجّاك شفقان = أنت الذي من يطلبك تستجيبه
يا جاعلٍ للخير والشر ميزان = يا غافر الزلاّت سَتّار عَيبه
أدعيك وأنت مصوّر الأنس والجان = والنمل فوق القاع تسمع دبيبه
أسألك في دنياي سترٍ على أيمان = وأسألك أنا التسبيح عند المصيبه
وألوذ بك يارب عن كل شيطان = وأعوذ بك عن الضَّيم هو الغليبه
واليا خذيت الرّوح تاخذ بالإحسان = وتوسن يا صرت تحت النصيب
وأسألك أنا يارب رحمه وغفران = في يوم ما ينفع قريبٍ قريبه
في يوم ما ينفع قرايب ولا إخوان = يومٍ صغير السن يغشاه شيبه
يومٍ عظيم فيه رابح وخسران = أحدٍ سعيد الحظ واحدٍ بخيبه
الناس حفيانة شبابٍ و شيبان = كلٍ بنفسه ما يهمه صحيبه
من عظمة الأحداث زاغن الأذهان = كلٍ يشوف بعينه أشياءٍ غريبه
يارب ياللى خالقٍ كل ما كان = تعطي ليا من العرب شح جيبه
أسألك أنا الجنة وطالبك رضوان = وتفكني من نار يشعق لهيبه
وتجعل لنا مع صفوة الخلق مسكان = يا شافيٍ جرحٍ تعذرطبيبه
وصلاة ربي عد ما كاينٍ كان = على رسولٍ سنته نقتد يبه

المشاركة الأصلية كتبت بواسطة صالح الأسود الجعفري (المشاركة 407404) عليه افضل الصلاة والتسليم اسيرة الزمن ذوق وانتقاء مميز سلمت يداك دمتي بخير