العمدة ....حمد الخمعلي
سلام تسليمةٍ تاخذ من الطاروق وزنه وتركيبه ومعناه=واهل المعرفه بليا شك تعرف فالطروق القديمة والجديدة الفارس اللي غزا العربان متّجهد ومتّجهز بسيفه وشلفاه= حث المطيه يرادفه الامل لكنها رحلةٍ ماهي سعيدة ياهلابك اخي كاتب والمعذره على التأخير لأني مرتبط بحفلات رسميه ودخولي الايام هذي ليس بالدائم0 يامرحبا ياهلا باللي على الطاروق يبعد مراميعه وهقواه=يالشاعر السيد ياللي تالي الايام يبغى يتعلا فوق سيده ماكل فارس غزا العربان يرجع من مغازيه حصل ماتمناه=بعض المغازي تراها ماتجيب لفارس القوم ياكود المكيده دام البقا والمحيط الاطلسي للسفن ولا القوارب تغرق بماه=واللي عيونه نظرها سته بسته يشوف القريبه والبعيده ايوالله انك صدقت وكل ماقلته عن الفارس شفناه=وقف هاك الوقفه وضاعت علومه وحسبه قبلها رجلٍ وليده سود الليالي تراها ماتفك الادمي لو زبنها الموت لاجاه=والمشكله هزة اركون الدول والناس ياصاحبي ماهي بليده الفارس اللي وقع عند اللقا ذاك النهار وفقد راسه وعلباه=مصيبة عمة العالم بكل بلاد ومفلسٍ معها رصيده العلم واضح وضوح الشمس لاكن صاحبي صد عن علمي مايبغاه=جته الرساله كذا مره وذا جته الرساله حذفها من بريده الشعر عند العرب نبع الفكر واللي يقول الشعر من كسب يمناه=تايه وفقر الفلوس احسن من الفكر الذي باقيٍ على الحديده لابد مانجرح المجروح حتى يعترف ثم نعطي جرحه ادواه=ونته تبي تشرح الموضوع لاكن مالقينا لكم جمله مفيده أعرفك كبتً فريق إذا جته كوره يعديبها في وسط مرماه=ضيع فريقه بكاس الدوله وغنابها الخصم في كل البديده دنياك ربح وخساره ياخساره كل حرفٍ على شانك كتبناه=ترديد واريد لاكن ياحمد ربي هو اللي يسوي مايريده الله واكبر ياهذا الوقت حتى الشاوي اللي مابين العنز والشهاه=يناطح القوم وسمه من تحت صورته ينشرعلى صدر بالجريده اللي هدم بيته من اول ترا مافيه احد لآذ يارجال بحماه=ماهو معزز لقومه فالليال السود والنصر ماغنى نشيده الوقت مايحرم الرجال واللي يرتجي رحمة المخلوق عزاه=ياعزتيله على حاله وياعزي لربعه ولا يذكر حميده |
رد: العمدة ....حمد الخمعلي
الله الله ... صح لسااااانك أخوي كاتب ...
وبانتظار الغالي حمد الخمعلي .... تحياتي لكم ... |
رد: العمدة ....حمد الخمعلي
عبدالرحمن الجابري الحربي
صح بدنك وشرفنا حضورك . . . . |
رد: العمدة ....حمد الخمعلي
يامرحبا ترحيبة المطر بشاعرنا الرائع كاتب
طولت الغيبة يامبدع صح لسانك وانا من صفك وينك ياحمد |
رد: العمدة ....حمد الخمعلي
احساس قلم
الله يبقيك وعسى ماتفقدين غالي الابداع في مرورك والصف يتشرف فيك . . . |
رد: العمدة ....حمد الخمعلي
ياهلا والله بشاعرنا المبدع / كاتب الجعفري ,,,
ابداااااع وطاروووق لايتقنه الا شاعر كبير فالله درك وننتظر ابو بتول (حمد الخمعلي ) فانتم شعراء من الطراز الغالي والثمين وسوف نستمتع بمحاورة مميزة |
رد: العمدة ....حمد الخمعلي
سالم صالح
حياك الله والمكسب حضورك وحضور الغانمين متابعتك تشرفنا , وفي انتظار ابو بتول |
الساعة الآن (08:21 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه