الجعفري سطر جزيلات الامثال= مثايلاً جزل المعاني دررها
معانياً من صافي الفكر تختال= فوق السفوح وسط غبت بحرها
اسوقها بالطيب فنجال فنجال= والعود الازرق بالجزايل عمرها
للابه اللي عزها بالفخر نال= اعلا وسامً باالفعول وشهرها
تاريخاً مأرخ من اجيال لجيال= بسواعد اللي بالمعزه سطرها
رجال عز اليا رسوا رسيت جبال= من نسل وايل والمكارم فخرها
رويل تاريخ الشجاعه والافعال= اهل المواقف يوم حزت خطرها
رويل تاريخ الكرم في وظلال= وعزاً لمن هو بالشدايد ذخرها
رويل يا نعم الصناديد الابطال= اللابه اللي تحتمي من نحرها
رجالهم يسوى ثمانين رجال= يموت لا كن عزته ما خسرها
اليا نخيته ما نثنى جاك بالحال=وكل الصعايب لنتخالك عبرها
ويا راعي العليا لك الطيب مدهال= ساساً مأسس والفعول تغمرها
فعايلاً من ماضي وباقي تقال= وكلاً على الطاري بعزاً ذكرها
وياراعي العليا خذ بيوتاً جزال= من شاعراً جزلات الاحرف حصرها
الجعفري سطر جزيلات الامثال= مثايلاً جزل المعاني دررها
مثايلاً من صافي الفكر تختال= لرويل مجد المكرمات وفخرها

اخوك / تركي صالح الهولا الجعفري

يامعرب الجدين .. ياطيب الفال = مواقفك بالطيب كلن ذكرها
الرأس به طنخه وبالصدر زلزال =بالوقفه اللي شرفت من حضرها
من طنخة الويلان ذربين الافعال=أفعالهم كل العباد أتخبرها
(جعافره) للطيب والعز مدهال = نعم الرجال اللي بعيدٍ نظرها
(جعافره) للمعتزي .. فيء وأظلال=ياحظ رُجلن للشدايد ذخرها
سلايل سليمان كان الدهر مال؟= رؤس الرجال اللي ينومس سطرها
لا ضاقت الدنيا من الجال للجال = لا دقت الساعة وبيّن خطرها ؟
ثارت (حمُياهم) فعل ماهي أقوال=وأن كبرت القالات جابوا خبرها
أفعالهم بالطيب في راس ماطال = على سنام المجد أجمل صوّرها
من صلب وايل والفخر قدر وأجلال = ماحسبوا سود السنين وقشرّها
أدناهم اللي عن ثمانين خيّال = وأقصاهم اللي فزعته ماذخرها
تاريخهم في قمة المجد يختال = ويبني على الحاضر صروحٍ عمّرها
سيرة فخر تبقى على مر الاجيال= لو الليالي غاب عنها قمرها !
والحكمة اللي قالها (فهد) وش قال=فهد العروبه بالمواقف شهّرها
شرب المصايب كنها شرب فنجال = خلدّ وفاها بالصدور وبذرها
سبحان من بيدّيه تغيير الاحوال = سبحان خالق برها مع بحرها
(يامسندي) يامعرب الجد والخال = جعلك أمجار مْن الهموم وكدرها
أي والله أنك من صناديد وأبطال = اللابه اللي نفتخر من فخرها
تعال أبعلمك من واقع الحال = والسالفه مضمونها يختصرها ؟
ودك اليا منك تعرّفت برجال؟=أن ماكسبت الغانمه ماتخسرها
هذا ولك عندي معزه ومنزال = وعندي تساوي مع عيوني نظرها