تعال جاي ياخلف يالمحقق الجديد
سلامة الجعفري
سلام الله سلام ٍ يقطع الشكات والريبـه=على كل الرجال اللي توقف دون عانيهـا ابو خالد ليا منه لقا له درب يمشي بـه=يسوق الرجل لو ماكان يدري ويش تاليها خلف الغريب
يدوم الك البقا في حلة اهل المجد والطيبـة=رجاجيل على مبدا الشرف تبنـى مباديهـا ابو خالد ليا جا الكيف يشرب مع شواريبه=يوم ان البعض ما يغدي خوا راسي قهاويها سلامة الجعفري
صفا جوك بغيبة واحد ٍ يوفـي مواجيبـه=وصرت تدور الـزلات بالعالـم وتبديهـا ترى الموذي نبرز له عصا تكسر عراقيبه=نصيحه جنب العربان صايبها ومخطيهـا خلف الغريب
تقل ما فيه غيرك واحد يحمـي مطاليبـه=تركد يا سلامـة كـل دار وحقهـا فيهـا احسبك تنطح الرجال من وجهه وتسطي به=حسافة يا سلامة هقوة بك كنـت هاقيهـا سلامة الجعفري
لك الله ماننزل كل رجـل ٍ عـن مناصيبـه=تبي تصبح خصيمي في قضية وانت قاضيها عقوبتنا على المخطي كما سوى نسويبـه=وبعض الناس يبغى يكحل عيونه ويعميهـا خلف الغريب
اشوفك كل ما غزيت لك نيشان ما تصيبه=تعيب البندق اللي عيبها من عين راعيها سلامة يحسبه صار الهلالي يوم سمي به=اثر بعض الاوادم شرها من كبر اساميها سلامة الجعفري
تحايد بي عن الموضوع تشريقه وتغريبـه=تحسب اني ليا جبت الرخيصه جيت شاريها ولاانته مثل ذباح الشيوخ ان كنت داري به=لو ان اسمك خلف حتى الدجاجه ماتذكيهـا خلف الغريب
عجايب يا عجايـب مـن غـلام يعيبـك بعيبـه=وانا جبت الثمينـة يـوم عرفـك بـس طاريهـا وما دام السيف في يمنى ابو متعب عاد وش لي به=تركنـا لـك دجاجـك والهدايـا بقـدر مهديهـا سلامة الجعفري
تراك مطوع ٍ مافيه مسجـد ماتصلـي بـه=حرام انك تغط النـور والعربـان توذيهـا اثر مانته بسيط ولك سيوف وشيخ ومصيبه=لو انك تترك ام الديك تيما صـرت واليهـا خلف الغريب
اعرف الحق واسكر سموعي عن هل الغيبة=ولا اقـدر هـل النمـة وناقلهـا وباغيهـا بلاك انك ليا جبنا الصحيح تجيـك تجنيبـة=تروغ و جرتك قدم الجماعة شفت اثاريهـا سلامة الجعفري
انا ماقول لك رجل ٍ يود الهرج ويجيبـه=لكن الناس ضاقت منك وازدادت مشاكيها ترى عد الروى لابد ماتصفي مشاريبـه=تبي ترضى بها والا لعلك ماانت راضيها خلف الغريب
شربنا الصافي من اول وخلينا غثاريبـه=ولا نشرب قبل دور الصحابة كود صافيها ترا لا طال مشوار الشفر تبدي عذاريبه=له قرشةٍ ليا مر الفريق الكـل يوحيهـا |
رد: تعال جاي ياخلف يالمحقق الجديد
هلا والله بمشرفنا الرائع /سلامة الجعفري
سوف تكون محاورة نارية وابو خالد سوف يظهر للعيان اين انت فل تخيب امال الذين يحاربونك وعذالك لن يستريحوا حتى يطيحوا بك صفقة صفقة صفقة شيلوووووووها يلالالا يالالالا خلوووها بانتظار ابو خالد وشكل سلامة ناويلك نية يابو خالد واعتقد ان رابح وسعد ونافع استعانوا بمشرفنا المبدع/سلامة لذود عنهم بعد ان مسكوا بالجرم المشهود من محققنا خلف الغريب (المحقق كونن) محاورة اعتقد انها من العيار الثقيل لان قطبيها (سلامة الجعفري -- خلف الغريب ) |
رد: تعال جاي ياخلف يالمحقق الجديد
ابو خالد ليا منه لقا له درب يمشي بـه
يسوق الرجل لو ماكان يدري ويش تاليها صح لسانك على هذا الابداع بانتظار المبدع ابو خالد |
رد: تعال جاي ياخلف يالمحقق الجديد
الله الله
صح لسانك وباانتظار ابو خالد وشد حيلك ياسلامه تراني بصف ابو خالد المحقق الخطير متابع |
رد: تعال جاي ياخلف يالمحقق الجديد
صح لسانك سلامة ..
وننتظر رد أبو خالد .. |
اقتباس:
يدوم الك البقا في حلة اهل المجد والطيبة=رجاجيل على مبدا الشرف تبنى مباديها ابو خالد ليا جا الكيف يشرب مع شواريبه=يوم ان البعض ما يغدي خوا راسي قهاويها |
رد: تعال جاي ياخلف يالمحقق الجديد
اقتباس:
العزيز سالم صالح .. الله يحييك ولا تخاف يا بعدي من الكثرة .. " وان تطع اكثر من في الارض ....." دايم الحق ما له انصار وان وجد فهم قلة الي مثلك وشرواك .. تحياتي لك .. |
| الساعة الآن (12:04 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه