°~*¤®§(§ شبـــكة ويــلان العـربـيـه §)§®¤*~ˆ° - الدم نوب يباع في حفنة اتراب..سعوط المجانين

صالح السالم

سلام و الليله نبي نفتح اكتاب=ما دام لي هقوه وطلعٍ سماوي
الدم نوب يباع في حفنة اتراب=لو كان من دونه تذوب الهقاوي

سعوط المجانين

يامرحبا ترحيبة ٍ تفتح الباب = للاهل الظفر والطيب واهل العزاوي
العلم هذا جاك من شخص كذاب = مايرخص الاقراب كود الشواوي

صالح السالم

تمسكو بكتابهم عصم الاشناب=وحنا ثقافتنا بصوت الجلاوي
نستقبل الطعنات من كف الاجناب=واعظم مكاسبنا الرجاء والمناوي

سعوط المجانين

لاتكشف الموضوع وتبين الاسباب = تصبح حكايه بين سارح وضاوي
بو ناب ماهو مثل ابو عشرة انياب = لاضاقت ازبن للقليب الرهاوي

صالح السالم

لو كل سهمٍ لا رمي للهدف صاب=نلقى لعلة هالاماكن مداوي
يمشي بها واحد وتغدر به اسراب=وهذي مصيبه من كبار البلاوي

سعوط المجانين

كل ٍ عطاه الله مع سيوفه جراب = احد ٍ يغط السيف واحد ٍ فداوي
تلقى بطيور الجو شيهان وغراب = كل ٍ على فعله يهل الحكاوي

صالح السالم

ما كن ماضي للعرب طعن وحراب=ويشوش فارسهم لصوت العزاوي
اليوم ياقف طفل في وجه دباب=وحرم على اهل العزم صوت النخاوي

سعوط المجانين

ياللي تحث الناس رح فك الارقاب = ياذيب ياللي بين الاطناب عاوي !
لو فكنا الله من شبيّب وشباّاب = كان السعد عم الشعيب السناوي

صالح السالم

لو خاب عزمك عزم الابطال ما خاب=ننطق ولا نسمع كلام الشواوي
حتى الحقايق صار يحسب لها احساب=ثاوي ومن يتبع نصايحك ثاوي