بسم الله الرحمن الرحيم
السلام عليكم ورحمة الله وبركاته




مِسَــــــــٍآكمْ // صِـــــبَــآحْكُمْ .. وردْ ..

أفرغ بعض من مكنوناتي ومشحوناتي به ,,

إلى من أخذه الفضول إالى عالمي الخاص ,,

لكنْ رجــآءْ .. // هُنا صفحتِي و مَسَآحتِيْ الخآصّةْ .. ,

فقدْ دخلتَ مكآنْ الحبَ ..

هنا أنـآ .. مُجَرّدْ.. رجًلً,

آولأ
سآبدآء بآلتعريفَ عنَ كيآنيَ
آلأسم/بندر بن تركي بن محمد الاحمد السديري
آلموَطنَ/ السعوديه
آلعمر/25سنهَ
آلمؤهلَ/ خريج جامعي (قانون وسياسه)

بدآيه مدوَنتيَ
بتآريخَ 28/12/2010م
آلسآعه 3:11دقيقه مسآءَ

الف رحمه على ذاك القبر والف نور=والف رحمه على روح الطفوله اسيل
لو تحس المنايا ولو تحس القبور=ماخذت ضحكة الدنيا واغلى خليل
لكن الموت حق وكل لحظه يدور=وكم عمار(ن) قصفها في صباح(ن) وليل
عقبها شفت حزن الكون غطا الزهور=واختفا كل معنى للزمان الجميل
شفت كيف الرجوله قابله للكسور=دمعة الوالد ابطت من عيونه تسيل
يامحمد رحمها الله وخلك صبور=والله يعظم اجرك والشفاعه بديل
اذكر الله وخلك ياالسنافي شكور=العمر كاالوديعه فالزمان الوحيل
واستلم قاف بندر وياعساها طهور=ضيقتك والحنايا اللي وجعها طويل

لي صاحب(ن) باالقلب والعين ساكن=واشعل بقلبي نار من حر فرقاه
يطري عليه لاسمعت الاماكن=ولجيت الاماكن قلت انا كنت وياه
كل الحواس الخمس منه تباكن= اسد واعظ ابهام كفي اويلاه

ياوجدي حالي على لاماك ياوجدي=ياالشبل حبه بوسط القلب يلعبه
ابو جديل(ن) على متنه ليا كدي=اسود سوات الظلام وخالقه ربه

دقيت سلف الحوت مع هجعت الناس=وحركت من جده لدار الحويه
اللي سكنها صاحبي عدم الاجناس=والحوت يمشي فوق ميه وميه
شفقان شوفه والروابع بهاالراس=ياخـذبي التفكير روحه وجـيـه
وبعد وصلته قالت الوضع حساس=الـكل نظـرتهـم يابـنــدر عـليـه
قلت اسمعي مانيب راجع باالافلاس=لو بس من ريقك ورشفه هنيه
واخذت مطلوبي ووسوست وسواس=ورجعت وقليبي جلس فاالحويه

الملكي من غرام الروح=بيح خفاه وسرى ليله
محبوبتي ياحمام الدوح=غصب(ن) على الروح تدليله
لبيه ياالمترف المملوح=لبى غلاك ومواويله
لبى عيون(ن) تعرف البوح=وخد(ن) من الرمش ياويله
لبيه ياتوتك المجروح=فوق الثنايا مشى سيله
لبى جديل(ن) عليك يفوح=ريحه زباد(ن) ورى الشيله
لبى دلع قدك المفضوح=لبى نحرك وفناجيله
لبيه ياثوبك المفتوح=يزهى ردايفك وتشيله
شوفتك عندي ترد الروح=ياعلاج قلب(ن) سرى ليله

جوهرة

جوهرة كانت بيدي حملتها بين اكفي

اتأملها . . . . . احلم بها

بنيت لها قصرا" بين اضلعي . . . . .

وفجأة !

وأنا غارق في جمالها . . . . تحولت هذه الجوهرة المكنونة . . . الى جمرة مجنونة

احرقتني بنورها . . . وحولتني الى رماد

ليس له فائدة . . .. . سوى الذكرى
سوى الذكرى ..

سوى الذكرى..

سوى الذكرى..

(مما كتبته)

لله در اهل الوجيـه المسافيـر=اهل النقى واهل صريح العباره
منهم محمد والتحايا لـه تسيـر=قدح على بعض التصانيف ناره
وانا بصفه جيت ورد ومصادير=ووقفت بوجيه الفلس كل إشاره
ذولا موقفة المطـر والتباشيـر=كد(ن) عليهم ياصحيبي خساره
لاجاك واحدهم شبيه الغناديـر=املس وضيع غيرته والحـراره
كب المجالس والدلال المباهيـر=وراح يترزز عند لينا وسـاره
عليه طيحني ولاشاور مشيـر=غير القلايد والكدش والسـواره
عار(ن) على دار النبوه وتحقير=وسواد وجه(ن) للسلوم وقـذاره
لو إن فيها خير ماعافها الطير=بضاعة الكفار وموضة دشـاره
ياالله تكافينا شـرور المقاديـر=وتستر علينا سـر ولا جهـاره

استرخص الذوق والمجمول عن اذنه=الملكـي بيفتـح الطاقـه ويتهـايـق
يسعد صباح الدلـع والغـي والفتنـه=ويسعد صباح المنام الهـادي الرايـق
اروح لامن لمحتـك ياالغـلا كشنـه=لا صرت توك من احلا نومتك فايـق
كنك تفك الجمال العف مـن سجنـه=ويصبّح الكون من شرفتـك ويوايـق
يداعب الورد وعصفورن على غصنه=ويوسع بطلتك صدر المسا الضايـق
بمشاهدك رف قلبي وانجـلا حزنـه=يلي عليـك النعومـه والدلـع لايـق
لعيونك الروح والاعصاب مشتحنـه=يسوق قلبي لشوفك صاحبـي سايـق
في ذمتتي لو ذبحني وصلك وغبنـه=ماعاقني عن وصالك ياالغـلا عايـق
ياويل قلبي على ماانام فـي حضنـه=واطمن الروح لا خايف ولا ضايـق
واسترخص الذوق والمجمول عن اذنه=الملكـي بيفتـح الطاقـه ويتهـايـق

الملكي هل القوافي والقصيد=سمن على كبد العــدو موالـهــاا
عيال زايد عزوة اليوم الشـديد=اللابه اللي ماربــح من طالهــاا
دواسرن فاالطيب والراي السديد=ترمي عمايمها وتحذف عقالهاا
يامحزمي يادم يمشي فاالوريد=ماللشـدايد كـون طيب رجالهـاا

ينـوي الـجرح خـلي ميــر قــلـبي فطــين =مـــادرى انــي عـليه ادور والفهــاا
مادرى ان السديري طول عمره ذهيــن=بـندر يبـعـثر الاعـصـاب ويصـفهـــاا

في غيبتك مشاعري لك عليهاا=وظلوع صدري حايشتها بلاده
خبري بها يوم الطواري تجيهاا=ترجف محانيها بليا إراده
واليوم حتى انفاسها ماتبيهاا=وطعم المسا في غيبتك صار ساده

http://www.weelan.com/vb/image.php?u...ine=1276607166

سلام الله عدد ماغنت الورقا على الاغصـان=وعدد مالاح براق الحيـا وهلـت تباشيـره
وعدد ماسطر بكبد الورق من كايف القيفـان=وعدد ماشب خفاق المولع شوق(ن)وغيـره
على رجال(ن) تحل الكايده وتكرم الضيفـان=مطالق(ن) تنومس باالسلوم وتحشم الجيـره
وانا يومي ورت العد اسقاني وانا ضميـان=وعلى جاله انوخ قاف حرفي وياالله الخيـره
تحياتي على كل الحضور بمنتـدى الويـلان=وعسى ربي يجملني واسوق الطيب واديـره
وهذي قافية بندر تمـد يمينهـا مـن شـان=تسافر في معاليق الحنايـا بـدون تأشيـره
تدوج بفكر عشاق القصيد الرايـع الطربـان=وتشبع رغبة الشفقـان للشعـر بحذافيـره
قصيدي ياقصيدي سم باالله وادحر الشيطـان=تقدم وافتح قفول الصـدور وفضهـا سيـره
قصيد(ن) مايحرك جفن عين ومايهز إلسـان=رفيق(ن) بار باالخوه وخانت بـه معاذيـره
والا يالله دخيلك من حضور(ن) ابكم ونقصان=وانا في وجهك من غرور شيطاني وتقصيره

الا ياهموم الوقت زدتي على المهموم=تلاقت همومي مع هموم الـ ......
نصارع ظروف الوقت واللي حصل مقسوم=نسامر نجوم الليل لين الصباحيه
يضيع الهوى مابين عاداتنا وسلوم=كثير المواقف تخلف الراي والنيه
ترى ماتريح غير من قالوا المرحوم=ولاعاد باالدنيا له احلام ورديه

لا يعتب حدا . ولا يزعل حدا=انا لحبيبي . وحبيبي إلي
قالتها فيروز ولأبعد مدا=وبالله ياحبيبي إسمع مايلي
انا افدا ظلوعك وظلوعي فدا=لجروح الغياب ونارن تسطلي
معك ياوليفي لاتذهب سدا=رفقة الغلا والخرج الممتلي
بدا للزمان وللفرقا بدا=ترثع بغلانا اللي ماله حلي
لو على درب الولف عمري غدا=فدوتك عمر مغليك الممحلي

http://www.co-love.com/vb/image.php?...ine=1295873102


^

بسم الله ابدا وافتح لشرد المعانـي كـل بـاب=الطـرق طرقـي والتحيـه للعمـوم اسوقهـا
ياقافي اسلم ثم سلم لي علـى بيـض الثيـاب=سلام(ن) اغلا من حجر عيني ورفـة موقهـا
قاف السديري في ظلام الوقت ذيب(ن) مايهاب=ايخمّـد الفتنـه ويطفـي نارهـا وعروقهـا
مطنوخ بدروب المراجل ذيب من بين الذيـاب=سيوف عزي في سما الطاله تلـوح بروقهـا
ماهمني حقد الردي ولا خفت من نعق الغراب=وهروج من يغتـاب نفسـي ماتهـز عذوقهـا
ولا شحنّي من يصدق فـي تلعـات الرقـاب=لا بـد ماتفتـح لـه الدنيـا قفـل صندوقهـا
ويشوف براق الحقايق لا فضح زيف السراب=ويميـز العقّـال مـن وقفاتهـا ومنطوقـهـا
اقولها وارقا برجلي فـوق هامـات الصعـاب=لو لقمتي عند الـردي فـي ذمتـي ماذوقهـا
اعز نفسي عن دروب الذل واسـوق الركـاب=على علوم(ن) للمراجـل جازلـي طاروقهـا
يوم(ن) غيري لاحداه الوقت ياكل لـه تـراب=المرجله عنده عـدم والنفـس طايـح سوقهـا
ادخل على الله من سواد الوجه وصكات الغياب=امـا حيـاة العـز والا المـوت يامعلوقـهـا
وقاف السديري في ظلام الوقت ذيبن مايهـاب=إيخمّـد الفتنـه ويطفـي نارهـا وعروقهـا

:(
:(

:(

:(

:(

الاغنيه هذي لها ذكرى عزيزه علي
واهديها لكل من مر من هناا
وياويل حالي بس

ياسلامي عـد مزنـن تهلـل ثـم سـال=وعـد رعـاد السحايـب وعـد بروقهـا
للرفيق اللي علومه علـى روس الطـوال=عاسف امهـار القصايـد ورافـع سوقهـا
صاحبي سلطان بشكيلك اوضاعن أجـلال=كود تبرى النفـس ويفـك ربـي عوقهـا
يـوم انـا شفيـت فنجـال دلـه بالعـدال=مالقيت الا الغـدر فـي طعمهـا وذوقهـا
والخيانـه بنهـا والتلـون حـب هــال=ول ياكيـف الـردى والنفـوس وبوقـهـا
طاب قلبي من هوى البيض وترفات الجمال=وإسمحت نفسي مـن الحـب والله فوقهـا
والله إني راس رجال من روس الرجـال=والرجـال الصاملـه بيـنـن منطوقـهـا
مشربي من صافي العـد والنبـع الـزلال=والمراجـل عاشقتنـي وانـا معشوقـهـا
مارضيت الذل وأقفيت عن صفـر الـدلال=دلتـي كبيتهـا يـوم شـفـت حروقـهـا
جاك طرق الملكي يوم ليل الجـرح طـال=واسهرتنـي هاالقوافـي علـى طاروقهـا

سلامتك يابعد عيني=ماجور قلبك من العله
ليت المرض في شراييني=مامر قلبك ولا دله
ليت الوصل بس بيديني=واجي واحصّنك بسم الله
واحضنك بشويش بحضيني=وليل الغلا نسهره كله
واسقيك حبي وتسقيني=حبن مصفى على حله
وكل التفاصيل تغريني=كيف اتجاوزك واصله
نشوة غرام المحبيني=اللي لمعلوقي إتله

الملكـي جـر القوافـي مــن الـجـاش=وجاتك جيوش الحرف جيش(ن) ورى جيش
سلم على راس(ن) على المرجلـه شـاش=يحيـا علـى الطـالات ويمـوت ويعيـش
مـا ذلله طـرد المـراجـل ولا انـحـاش=يوم اعتـز(ن) بـه ناقضـات العكاريـش
الطيب في قلبـي لـه عـروق واعـراش=نـابـت بقلـبـي ماينـوشـه مناقـيـش
مادانـي الخملـه ولا اخــاوي الــلاش=وارفـع مقامـي عـن دروب المخاريـش
لا عاش مـن يستصغـر الـذل لا عـاش=يمشـي بدربـه ويتعـاطـى البخاشـيـش
الحـر مايسكـن جواخـيـر وعـشـاش=يرقى على المرقـاب ثـم ينفـض الريـش
وإلا الردي راحـت حياتـه علـى مـاش=بيمـوت مـابـل الكـبـود المعاطـيـش

ضاق صدر الملكي وخنقته العبره وهاجر=مع طيور(ن) للفرح بفراقها راحت معاها
اه من شي(ن) بقلبي ماتداويه الدكاتر=سم روحي والعروق الضاميه جفف دماها
لي ثلاث شهور وبصدري سكاكين وخناجر=لا نسيت ولا قدرت اسلى وقلبي مانساها
اه ياصبح(ن) خذا مني صبوح الوجه طاهر=امي اللي رحمة الله فوقها صبح ومساها
من نهار فراقها قلبي تعلق باالمقابر=والبيوت انوارها ماتت وتبكي من غلاها
مابقالي باالحياه ولا بقالي باالمحاجر=غير دمع(ن) كل مامرت على بالي بكاها
والحزن بقصى الضلوع بمشة المعلوق حافر=ماتفيد به الرقى وقراية(ن) منقوع ماها

ياللي عليك ظلوع صدري تلاقا=وكبدي لحقها من بعادك حراقي
برضيك لو كل الخلايق ضياقا=واذوقك حب(ن) لذيذ المذاقي
نبعه معاليق الظلوع الدقاقا=ومصبه عروقي ونبض اشتياقي

http://img101.herosh.com/2011/05/15/218594111.jpg


لاهنت يادمع(ن) على خد رجال

ليت الغرام اللـي سكنـي يتبـدد=وتكن ياقلـب السديـري وتهـدا
ياعيني اللي دمعها جـرح الخـد=لاهيب ملطومه ولاهيـب رمـدا
لامسا عليها الكون والليل الاسود=يفوح محجرهـا وتـزداد وجـدا
سبة جروحن كل يومـن تجـدد=لاراح منها وفـد يبـدل بوفـدا
تارد مثل ورد الظوامي على العد=مابيـن معلوقـن ومابيـن كبـدا
بأسباب جرحه صاحبي ناعم القد=خان الغرام وماذخر فيـه جهـدا
تنكّر لعرف الغـلا وبيـح السـد=واعلن رحيله والمعاليـق جـردا
عليه قلبـي كـل ليـل يتوجـد=والجرح من بين المعاليق هنـدا
عقب الوداعـه واللطافـه تمـرد=يحتار باالتجريح من ويـن يبـدا
كنت احسبّنه في حبالـي تجـود=واثره على الفرقا حريصن وجلدا
نفسي عيوف وصامل القلب لاصد=يمـوت ماجـا للمقفيـن عبـدا
ببكي عليه ايام واسنيـن واعـد=فرقاه موت وسبة المـوت بعـدا
والا غـلاه جنيـه شـع وتوقـد=ماظن في يـوم يتغيـر ويصـدا