&& بورصة أسهم العشاق &&
السلام عليكم ورحمة الله وبركاته
اعزائي الكرام من كثر هوس الناس بالأسهم بالأونه الأخيره تحولة عاطفتي إلى عاطفه اقتصاديه نوعا ما فإليكم هذه القصيده ( العاطفيه الإقتصادييييييه ) [poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] مؤشر حبك بقلبي مقفّل نسبته تقفيل=وأنا اطلب منّك زيادة محبه فوق راس المال لأن أسهم غلاك أشبه بأسهم مالها تمثيل=تعدت حدها المطلوب لـ حتى موعد الإقفال لو أطرح أسهمك بالسوق؟ علّت سوقهم تعليل=وخلّت كل هالعالم تسابق لأسهمك بخبال يشوفونك كذا تطلع ولا أنت بعارف التنزيل=طلوعك فوق يغريهم ولكن صعب ما تنّال طلوع أسهم .. نزول أسهم .. سهمك مايبي تعديل=ثبت ومؤشره أخضر وحاله دوم عال العال تعدى الراجحي .. وسابك .. مع الصحرى .. تعدى حيل=ولا سهم البلاد اللي تخطف خشم الألف ريال ولا الكهرب .. وصاوفولا .. ولا مكيرش .. ولا التمويل=ولا سدافكو .. وزراعيه .. وحديد .. وغيرهن أشكال أنا أول مكتتب سجل بقلبك حزة التسجيل=وقفّل عقبي التسجيل وهمّلت البشر إهمال وهالحينه بعد ما قفّل التسجيل والتبديل=تعالي بوصفك وصفك بعد ما أعلنوا إقفال هلا يا نفحة الغربي على شط البحر والنيل=هلا يا ريحة الجوري هلا ياغيم فوق جبال هلابك كثر ما أتقلب على جمر الغضى بالليل =هلا يا صوت أبو نوره ليامن جرّها موال تميل بمشيتك والكون شاف خطاك وصار يميل=وملت ومالت وملنا ومال الكون كلّه مال تحط الحب في قلبي وتحط من الغلا وتشيل=وأنا فاتح فمي ساهي أناظر كيف حط وشال!! ليامن غبت أنا قلبي مثل زرع ٍ غشاه السيل=عروق القلب شلّعها غيابك كل عرق لحال أشوفك صوت .. وأتسمّع صدى صوتك أنا (بدربيل)=وصلت لمرحله عقبك أشوف الصوت مثل أزوال جنون .. وهلوسه قامت تراودني يا ويلي ويل = وش الحيله ؟ وش الدبره ؟ وأنا وحدي بليال طوال أحبك كثر ما يتعب أخو بدوه لحكر الهيل=وأحبك كثر ما يعشق ابن بطوطه الترحال أنا لشفاتك الضحكه .. وأنا لدموعك المنديل=وأنا لجروحك البلسم .. وأنا لوقوفك الأطلال ومؤشر حبك وأسهم غلاك مقفّله تقفيل=وأنا للحين أبي منك محبه فوق راس المال [/poet] وسلااااااااااااامتكم فواز الزناتي .......,, |
أنـا أول مكتتـب سجـل بقلبـك حــزة التسجـيـل= وهالحينـه بعـد مــا قـفّـل التسجـيـل والتبـديـل= الله الله الله روعة ....... صح لسانك وقلبك |
فواز الزناتي
مبدع و رائع صح السانك ولافقدنا ابداع الراقي دمت |
الاخت
اهداب كل الشكر لمروورك الرائع تقبلي تقديري واحتراماتي تحياتي فواز الزناتي ...............,, |
أخوي فواز الزناتي صح لسانك على هذه الفصيده الجميله تقبل تحياتي |
الاخ / فواز الزناتي
روعه بل أكثر من الروعه في هذه القصيدة الجميلة دمت بود ومحبه وتقبل فائق التقدير والاحترام |
الاخ
فاضي عبد العزيز صح بدنك وكل الشكر لحظورك المبهج تقبل تحياتي فواز الزناتي ...........,, |
الساعة الآن (08:50 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه